Македонија
Костадинов: Наместо да бара одговорност за партиските пари, Мицкоски го штити Камчев

На докажаниот губитник Христијан Мицкоски, поважен му е тајкунот на режимот – Орце Камчев, отколку парите од партиската каса, парите на членовите на ВМРО-ДПМНЕ, изјави на прес-конференција, портпаролот и пратеник на СДСМ, Костадин Костадинов.
„Очигледно е дека големи се хипотеките на Мицкоски кон Камчев па затоа прави се за да му помогне на овој тајкун од времето на режимот. Наместо Мицкоки да биде првиот кој ќе повика на брза разрешница на предметот „Плацовите на Водно“, тој на Камчев му го донира првиот човек на правната комисија на ВМРО-ДПМНЕ, Тони Менкиновски како бранител. Токму Камчев заедно со Никола Груевски и Сашо Мијалков се осомничени во овој предмет за наводна злоупотреба на 1,3 милиони евра пари од донации за ВМРО-ДПМНЕ кои менторот на Мицкоски, Никола Груевски ги искористил за купување на плацови од десетици илјади квадратни метри на Водно“, вели Костадинов.
Портпаролот на СДСМ смета дека на Мицкоски не му е до правдата, граѓаните или членовите на неговата партија, туку му е важно само да ги одбрани криминалците во редовите на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорче Петров и Аеродром денеска без струја

Од ЕВН Македонија АД известуваат дека поради технички зафати во електродистрибутивната мрежа денеска без електрична енергија ќе останат:
· Во периодот од 09:00 – 10:00 часот дел од корисниците од село Кучково кон Манастир, општина Ѓорче Петров;
· Во периодот од 09:00 – 12:00 часот дел од корисниците на улицата Гаврил Констатиновиќ (околу бр.57), општина Аеродром;
· Во периодот од 09:00 – 10:00 часот корисниците од улицата Алексо Демниевски 17, 11 и други куќи во близина, општина Ѓорче Петров.
Македонија
Променливо облачно со сончеви периоди, попладне нестабилно со пороен дожд

Времето денеска ќе биде променливо облачно со сончеви периоди. Попладне наместа ќе биде нестабилно со пороен дожд и грмежи, локално во форма на невреме. Ќе дува слаб до умерен ветер од северен правец. Минималната температура ќе биде во интервал од 5 до 12, а максималната ќе достигне од 17 до 25 степени.
Во Скопје, променливо облачно со сончеви периоди. Попладне во делови од котлината ќе биде нестабилно со пороен дожд и грмежи. Ќе дува слаб до умерен северен ветер. Минималната температура ќе се спушти до 9, а максималната ќе достигне до 25 степени.
Времето во наредните денови
Во следните денови времето ќе биде променливо облачно и посвежо со повремен локален дожд.
Македонија
Предложен притвор за кичевецот кој утрово со секира си го уби таткото и тешко ја повреди мајка си

Основното јавно обвинителство Кичево поведе истражна постапка против кичевец осомничен за кривични дела убиство и обид за убиство.
„При вршење семејно насилство рано утрово, во дворот на семејната куќа во селото Србјани, осомничениот 47-годишник го лишил од живот својот татко, а се обидел да ја убие и својата мајка. При вербална расправија, со нож и секира најпрво го нападнал таткото, прободувајќи го по телото и удирајќи го со секирата по главата. Потоа и нанел убоди со нож во вратот и на неговата мајка. Од многубројните повреди оштетениот маж починал при укажување прва помош, а жената е пренесена на Ургентниот центар во Скопје во тешка состојба“, извести вечерва Обвинителството.
Јавниот обвинител до судијата на претходна постапка од Основниот суд во Кичево вечерва достави предлог за определување мерка притвор за осомничениот. Осомничениот беше уапсен откога самиот пријавил во Итната медицинска помош дека ги нападнал родителите.