Македонија
Која туристичка агенција прва почна со летните аранжмани? – „ЈК травел“ со исполнети капацетити во мај

Редици колони возила на македонско-грчката граница, полни плажи туристи- вака изгледаше почетокот на летната сезона во месец мај. Од најголемата македонска туриситчка агенција ЈК травел брифираат за пораст на аранжманите во овој период, а сезоната официјално ја започнаа на 15ти Мај со првите гости во Грција и Албанија.
Трендот се должи на повеќе фактори, велат од ЈК Травел.
Според податоците, ниските цени на аранжманите кои ги нуди ЈК Травел во овој период се примамливи за клиентите да уживаат во убавините на морето на просечна температура од 25-26 степени, чистиот воздух, малиот број на гужви и можноста за релаксација, но и големиот број неработни денови, ги привлекоа голем број македонски граѓани да закупат апартмани и студија од сопствен закуп и да ја започнеме сезоната комплетно подготвени во Мај. – изјавија од ЈК Травел.
Подобрувањето на ситуацијата со издавање на пасоши дополнително придонесе за зголемување на бројот на туристи во Грција, посебно Ханиоти, Неа Потидеа, Фурка, а оние кои немаат пасош заминаа со сопствен превоз на албанското приморје со лична карта.
Охрабрувачки се податоците за стартот на сезоната и зголемените побарувања на аранжмани од сопствен закуп кои ги нуди агенцијата, додека во делот на хотелско сместување, нема промени во трендот од минатите години, а истиот се очекува да кулминира во Јуни после школскиот распуст.
Она што е посебно интересен факт е зголемениот број на помлади семејства со деца кои се одлучуваат одморот да го започнат во Мај.
Среќна сезона и прекрасни моменти на одмор со топло добредојде и спремни капацитети им посакаа вработените од ЈК Травел на сите гости, и најавија одлична сезона 2024.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Со двојно поголем буџет, Мицкоски сака македонските универзитети да влезат во првите 1.000 на Шангајската листа

Премиерот Христијан Мицкоски истакна дека буџетот за науката е двојно зголемен во споредба со минатата година, достигнувајќи околу 650–660 милиони денари.
Тој додаде дека Владата обезбедила бесплатен пристап до двете најголеми научни бази за сите истражувачи, студенти и универзитети во земјава.
„Нашата цел е да ја стимулираме науката. Очекувам младите научници да ги користат овие бази, да ги следат светските трендови и да публикуваат свои трудови“, рече Мицкоски.
Според него, со оваа поддршка, универзитетите во Македонија би можеле да се приближат кон влез во првите 1.000 на Шангајската листа во текот на овој владин мандат.
Македонија
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово

Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на неколкумина присутни во салата, и посочи дека навивачките групи треба да ги бодрат своите тимови, без навредливи и ксенофобични пораки.
„Во текот на вчерашниот ден домаќинот а тоа беше кошаркарската федерација исто така и Општина Куманово го осудија скандирањето и ксенофобичните испади на неколкумина во салата, искрен да бидам додека бев таму, воопшто и не го забележав тоа, бидејќи стануваше збор за мала група на луѓе. Но, исто така еве би сакал да ја искористам оваа прилика да се приклучам кон осудата на национализмот и ксенофобијата, најпрвин на таа што се случи за време на кошаркарскиот натпревар помеѓу Македонија и Романија, а потоа и да упатам порака до сите навивачки групи да навиваат спортски, да го бодрат својот тим и националниот тим на Македонија. Тоа е она кое што оваа Влада го подржува, а сето останато ќе биде предмет на истрага и предмет на санкции, без разлика од која страна доаѓа“, вели Мицкоски.
„Уште еднаш да повторам апсолутно го осудувам ксенофобичното и националистичко скандирање на неколкумина кои што не наидоа на поддршка од страна на ниту еден од присутните во салата“, порача премиерот Мицкоски.
Македонија
Нови цени на горивата од ноќеска на полноќ

Од ноќеска на полноќ ќе има нови цени на бензините и дизелот, соопшти Регулаторната комисија за енергетика, водни услуги и услуги за управување со комунален отпад.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.
Малопродажната цена на Мазутот М-1 НС се зголемува за 0,533 ден/кг и сега ќе изнесува 39,945 ден/кг.
Од 5.8.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,00 (денари/литар)
Моторен бензин ЕУРОСУПЕР БС – 98 77,00 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 39,945 (денари/килограм)