Македонија
Креативност, традиција и мајтап на карневалот „Прочка 2019“ во Прилеп
Во пријатна атмосфера, со многу сонце, извонредна посетеност на улиците и поддршка од прилепчани, но и многубројни туристи – љубители на карневали, кои што денеска беа во Прилеп, измина „Прочка 2019“.
На карневалот продефилираа бројни маски, поединечни и групни, со учесници од разни возрасти, од многу градови од Македонија, но и од странство: Бугарија, Турција, Грција, Србија, Хрватска.
Особена убавина на денешниот карневал дадоа членовите на Здружението на лица со интелектуална попреченост „Порака“ со маската „Цветна алеа“. Весело, разиграно, со смеа и забава, уживање и размена на позитивна енергија, профедилираа маските пред организаторите, гостите од ФЕКК-Европа и оценувачката комисија.
„Денеска Прилеп ужива, весели и расположени граѓани се излезени во центарот на градот, заедно го прославуваме меѓународниот карневал „Прочка 2019“. Денеска низ градот ќе продефилираат бројни поединечни и групни маски, од земјава и странство. А, освен конвенционалниот начин, имаме нови модерни содржини во карневалот со „Статуа фест“, присуство на улични артисти на многу места во градот, зголемувајќи го уживањето во овој колоритен спектакл“, рече градоначалникот Илија Јованоски, во својата изјава за медиумите пред самиот почеток на карневалот „Прочка“.
Тој се заблагодари за посетата на претставниците на ФЕКК – Европа. „Карневалите во Прилеп, Кавадарци и Струмица, формирањето на ФЕКК-Македонија, го развиваат алтернативниот туризам во земјата. Конкретно денеска во Прилеп присуствуваат преку 1 000 гости од земјава и странство, а в година ќе имаме сигурно уште многу поголем број учесници и гости, со кои градот прераснува во туристичка карневалска дестинација“, вели градоначалникот Јованоски.
И според претседателот на здружението „Прилепски мечкари“, Ванчо Георгиев во Прилеп расте карневалскиот туризам. „Имаме голем број посетители кои не се дел од организацијата, туку се туристи коишто уживаат од повеќе градови, а доаѓаат од Грција, Бугарија и Србија. Ова е впрочем крајната цел на карневалот, да има што поголем број граѓани коишто ќе уживаат следејќи ја манифестацијата.Тука се присутни и делегациите на ФЕКК од Европа, вип гости, коишто имаат свој голем придонес за овој карневал“, истакна Ванчо Георгиев.
Прилеп е еден од позначајните членки на ФЕКК на Европа, а од Македонија, како што вели претседателот Ларс Алгел.„Многу е убаво да си овде, прв пат сум бил во 2008, бев и минатата година. Времето овој пат е многу убаво. Убавото е што карневалот ги поврзува луѓето. Многу сум горд што сме поканети како официјална федерација и мило ми е“, изјави Ларс.
„Многу ми е мило што сум во Прилеп, има многу народ на улиците, многу сонце, преубаво е се. Ова ме потсетува на карневалите во нашата држава“, вели Марион Хирхе, претставник на ФЕКК од Германија.
Оценувачката комисија во состав: Габриела Шукуроска, Хилда Црнеска, Лилјана Неделкоска, Рубин Белчески и Благоја Атанасоски, ја имаат најтешката задача да ги изберат најдобрите. Наградите на најдобрите ќе им бидат врачени на вечерната забава што Општина Прилеп заедно со здружението „Прилепски мечкари“ ја организира за сите учесници на ова карневалско издание. Освен кај граѓаните карневалот предизвика огромен медиумски интерес. Бројни екипи на националните медиуми го следеа ова издание, кога карневалот одбележува 18 години традиција на успешно постоење и развој.
Содржините на манифестацијата завршуваат утре со посен ручек во манастирот „Свети Ѓорѓија“ каде што здружението „Прилепски мечкари“, како потомци на некогашните касапи во Прилеп кои ја носеле истоимената маска со децении, го означуваат почетокот на долгите велигденски пости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Мицкоски е скапо платен спроведувач на интересите на држави кои не ѝ мислат добро на Македонија
За една година ВМРО-ДПМНЕ ја заглави државата на меѓународен план, станавме држава заложник на туѓи интереси, кажа претседателот на Социјалдемокртаскиот сојуз на Македонија, Венко Филипче, на вечерашната трибина „Мугра на Слободата“, во Крушево.
Тој рече дека Владата на ВМРО ДПМНЕ од држава со јасна иднина напред, ја направи држава заложник на туѓи интереси.
„За една година ВМРО-ДПМНЕ ја заглави државата на меѓународен план. Од држава со јасна иднина напред, станавме држава заложник на туѓи интереси кои што ја раководат оваа власт преку финансиско заложништво. Мицкоски е скапо платен спроведувач на политики на држави кои не и мислат добро на Македонија, туку ја гледаат само како поле за своите геостратешки интереси“, рече Филипче.
Тој обвини дека Мицкоски со новите задолжувања направил вистинско предавство на интересите на државата.
„Долговите од 7 милијарди евра ќе бидат камен околу вратот за секој млад човек и за развојот на државата во следните 10 години. Ова е вистинско предавство на националните интереси, вистинско предавство на државата“, рече Филипче.
Во обраќањето пред присутните граѓани во Крушево, Филипче рече дека премиерот Мицкоски ја турка Македонија во амбисот на криминалот, корупцијата, самоволието, киднапирајќи ја европската иднина за државата.
Македонија
(Видео) Филипче: Димитриевски му слугувал на Мицкоски за да се спаси од политички прогон
На вечерашната граѓанска трибина „Мугра на слободата“ која се одржа во Крушево, претседателот на СДСМ, Венко Филипче, во своето обраќање рече дека кумановскиот градоначалник Миксим Димитриевски му слугувал на Мицкоски за да се спаси од политички прогон.
„Максим Димитриевски конечно се потврди за што е влезен во коалиција со Мицкоски и која беше неговата цел. Не била само поделбата на СДСМ. Негова цел била да се спаси од правен прогон. Скандалозно е и преседан е во судството на само еден ден од носење на пресуда обвинението против него да се повлекува. И ова е јасен знак дека тој е политички заштитен од Христијан Мицкоски и дека е сега негов вечен должник. Јасно е зошто тројанскиот коњ Димитриевски беше задолжен да го дели СДСМ. Сега повеќе никој не му верува“, рече Филипче.
Оценувајќи ги меѓупартиските релации, тој во своето обраќање партиите ВМРО-ДПМНЕ и ЗНАМ ги нарече колаборациоалисти.
„ВМРО-ДПМНЕ и нивниот привезок ЗНАМ се колаборационисти. Со години лажат и шират хистерија дека тие ќе се „бореле со Бугарите“, а впрочем тие се тоа. Нема кој нема бугарски пасош од нив и не е проблем да имаш бугарски пасош, од било која причина – економска, социјална или лична – но лицемерно е да се правиш патриот дека ќе се бориш против „бугарски диктат“ а да имаш фирми во Бугарија, државјанства, и разни други интереси. За нив може ЕУ, за другите не може“, рече Филипче.
Македонија
Мицкоски: Ќе воведеме обврска институциите да одговорат на барањата на граѓаните, задолжително и во најбрз рок
Ќе воведеме обврска институциите да одговорат на барањата на граѓаните, задолжително и во најбрз рок, најави премиерот и претседателот на ВМРО-ДПМНЕ Христијан Мицкоски на денешната трибина во Струмица насловена „Една година ги градиме темелите на македонското земјоделство и храна“.
„Свесен сум дека мора да направиме и многу други работи. И работиме на тоа. Мора да се знае дека граѓаните ќе бидат на прво место. Затоа предвидуваме гаранција за услуга, во рок од 5 дена во сите општини и институции. Тоа нема да биде желба , туку закон. Секој граѓанин ќе добие одговор. Навреме, точно и без чекање. Ќе воведеме нова услуга каде администрацијата, за првпат, ќе биде таа што ќе го бара граѓанинот, а не спротивно. Ставаме крај на молкот, одложувањата и бирократската ароганција. Ќе обезбедиме гарантиран максимум на чекање во институциите. Ќе постојат јасни граници и секое прекршување ќе се казнува. Почит за времето на граѓанинот ќе биде основна вредност на новата јавна администрација. Ќе воведеме Јавна листа со времиња на чекање по сите здравствени установи. Транспарентноста ќе стане стандард, пациентите ќе знаат каде ќе добијат најбрза услуга“, кажа Мицкоски.
Тој истакна дека во образованието ќе се воведе предмет за изучување на вештачката интелигенција.
„Воведување предмет за изучување на вештачка интелигенција во образованието. Нема повеќе да учиме само за минатото, ќе ги подготвиме генерациите за иднината, за новата економија, за дигиталната ера што веќе тропа на вратата. Ова е визијата што ја градиме“, посочи Мицкоски.
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
(Видео) Траект потона во близина на Бали: четворица мртви, десетици исчезнати
Четири лица загинаа, 38 се водат како исчезнати, а 23 се спасени откако ферибот со 65 лица потона во близина...
Пентагон: Нуклеарната програма на Иран е забавена за две години
Пентагон објави дека американските напади ја уназадија нуклеарната програма на Иран за до две години, откако уништија три целни локации....
Во Лос Анџелес луѓето мора да живеат во токсични куќи по пожарот: „Осигурителните компании нè измамија“
Луис Казарес беше меѓу ретките чиј дом остана недопрен по разорните пожари што ја опустошија населбата Алтадена, североисточно од центарот...
ЦИА не оспорува дека Путин се обидел да му помогне на Трамп на изборите во 2016 година
Ревизијата на ЦИА откри недостатоци во подготовката на проценката на американското разузнавање дека рускиот претседател Владимир Путин се обидел да...
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
