Македонија
Курто Дудуш: Дали требаше да набавиме влечни коњски коли место службени возила?
Општина Шуто Оризари замени два стари модели на автомобили за две исти возила. Двете возила беа во лоша состојба и неподобни за вршење на секојдневните активности на градоначалникот и вработените кои вршат и теренска работа, се вели во соопштението на Курто Дудуш, градоначалник на општина Шуто Оризари по информациите кои се појавија во јавноста дека се набавени службени возила од страна на општина Шуто Оризари, со 3Д светла.
Според Дудуш била спроведена законска, тендерска постапка и бил склучен договор за јавна набавка со Автонова ДОО за две возила со цена во висина од 14.000 евра и второто возило во висина од 18.000 евра. Договорот предвидува исплата на возилата на лизинг период. Овие средства се предвидени во буџетот за 2018 година. Буџетот на општината е секако транспарентен и јавно достапен документ, се вели во соопштението.
Во него се додава дека возилата не поседуваат дополнителни опреми и 3Д светла како што наведуваат некои од медиумите.
,,Се прашуваме и Ве прашуваме вас почитувани медиуми, каква одлука требаше да донесе градоначалникот за да истата не биде “скандалозна и вредна за жолт печат”? Дали требаше да се набават влечни коњски коли со кои не прикажувате Вие кога говорите за некое Ромско прашање? Дали и по цена на вршењето на секојдневните работни обврски вработените треба да останат без службено возило? Дали требаше да се доведе во прашање безбедноста на вработените и градоначалникот возејќи неисправни службени возила?
И каде лежи скандалозноста на одлуката да се набават автомобили од средна класа, погодни за градски сообраќај и теренска работа?”, се вели во реакцијата на градоначалникот.
Во неа се додава: ,,Ви препорачуваме, на медиумите кои ја објавија во извртена форма веста, но и на останатите медиуми, почнете да работите професионално кога сакате да пренесете вест поврзана со Ромите и воопшто со општина Шуто Оризари. На 2 Август градоначалникот јавно поддржа и излезе на мировен протест по повод Геноцидот на Ромите во Втората светска војна и случувањата со убиства и прогони на Роми во Италија. Уредно повикани медиуми, освен еден медиум никој од останатите 100-тина не се појави.
Денес во Меморијалниот центар на Холокаустот на Евреите од Македонија се одржа комеморација за гореспоменатиот ден под покровителство на Министер без ресор, Ром. Ниту еден медиум не го проследи, од над 100- тина уредно поканети”, се додава во реакцијата на Курто Дудуш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Управен оформи предмети за седумте тужби на „Европскиот фронт“ против решенијата на ДИК
Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК) за одбивање на приговорите за парламентарните избори.
„Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик“, се вели во соопштението.
- Решение бр.УП1 бр.10-21/2 од 14.05.2024 година на Државната изборна комисија на РСМ, оформен е предмет УРП.бр.87/24;
- Решение бр.УП1 бр.10-21/1 од 14.05.2024 година на Државната изборна комисија на РСМ, оформен е предмет УРП.бр.88/24;
- Решение бр.УП1 бр.10-15/1 од 14.05.2024 година на Државната изборна комисија на РСМ, оформен е предмет УРП.бр.89/24;
- Решение бр.УП1 бр.10-17/2 од 14.05.2024 година на Државната изборна комисија на РСМ, оформен е предмет УРП.бр.90/24;
- Решение бр.УП1 бр.10-17/1 од 14.05.2024 година на Државната изборна комисија на РСМ, оформен е предмет УРП.бр.91/24;
- Решение бр.УП1 бр.10-6 од 14.05.2024 година на Државната изборна комисија на РСМ, оформен е предмет УРП.бр.92/24;
- Решение бр.УП1 бр.10-19/1 од 14.05.2024 година на Државната изборна комисија на РСМ, оформен е предмет УРП.бр.93/2
Попладнево Управниот суд одржа јавна седница по тужбата на „Вреди“. Судот одлучи дека постапката се прекинува откако претставникот на коалицијата изјави дека тужбата ја повлекува во целост.
Македонија
Мицкоски: Главен предизвик ќе бидат реформите во Судскиoт совет и Советот на јавни обвинители
Главен предизвик ќе бидат реформите во Судски совет и Советот за јавни обвинители. Наша цел е да ги распуштиме овие кои довербата во правниот систем ја сведоа на едноцифрена бројка проценти, и наместо нив самите судии и обвинители да си ги изберат своите претставници преку тајно гласање, изјави претседателот на ВМРО-ДПМНЕ, Христијан Мицкоски во неговото обраќање на Самитот Македонија 2025.
Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, нити има намера да се мешаме, во овие две тела.
– Исто така наша обврска ќе биде да обезбедиме независен буџет, врзан со проценти од централниот за да бидат целосно автономни, за да не бидат потоа политичарите изговор на некој од тие корумпирани поединци во судство и обвинителство дека тие им правеле притисок. Сами да се изберат и сами да функционираат, а ние ќе правиме оверсајт на таа работа преку собраниска комисија во која ќе има претставници и на власта и на опозицијата, истакна Мицкоски.
Мицкоски нагласи дека целта е комплетна автономија во правниот систем.
Но ако забележиме било какво влијание од поранешни политички елити или други точки на влијание ќе има сериозна кривична одговорност. Немаме намера ниту милиметар да отстапиме, изјави Мицкоски.
Македонија
Џафери: Управнот суд и институциите да ја заштитат кредибилноста на изборите
Премиерот Талат Џафери од ДУИ, од прес-конференција во Владата се осврна на изборниот процес, и ги повика институциите да ја штитат кредибилноста.
Тој рече дека како премиер, одговорен за успешноста на изборите, добил извештаи од учесниците во изборниот процес за вознемирување во однос на обиди за изборен инженеринг со вон-институционален меѓупартиски договор за гласање и надгласување во Државната изборна комисија во врска со симптоматичните приговори поднесените од страна на учесниците во изборите.
Според извештаите, овие претензии за изборен инженеринг имаат за цел менување на соодносот на бројките во Собрание преку политички договор на маса.
„Кредибилност на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд и јас ги поканувам сите институции да постапат согласно Законот, без партиски или политички директиви од која било страна, и да го штитат кредибилитетот на изборниот процес докрај, без да фрлат дамка врз волјата на граѓаните изразена на изборите“, порача Џафери.