Македонија
Лавров слета во Скопје – стигнал преку Грција, а не преку Бугарија, јавува „ТАСС“

Рускиот министер за надворешни работи Сергеј Лавров пристигна доцна вечерва во Скопје, за да учествува на Советот на министри за надворешни работи на Организацијата за безбедност и соработка во Европа (ОБСЕ).
🛬 Russia’s Foreign Minister Sergey #Lavrov arrives in North Macedonia to take part in the #OSCE Ministerial Council
📍 Skopje pic.twitter.com/9V6VeDcDvR
— MFA Russia 🇷🇺 (@mfa_russia) November 29, 2023
Руската новинска агенција „ТАСС“ јавува дека патувањето траело повеќе од пет часа, за на крајот, Лавров да пристигне преку Грција, а не преку Бугарија, како што се очекуваше.
„Авионот на Лавров прелета над Турција и Грција на пат кон Северна Македонија, иако претходно се очекуваше рута преку Бугарија. Како што дознава ТАСС, бугарската страна одбила да дозволи прелетување на авионот на шефот на руското Министерство за надворешни работи доколку во него била официјалната претставничка на руското дипломатско одделение Марија Захарова“, пишува ТАСС.
Во писмото од бугарското Министерство за надворешни работи, во кое увид имала агенцијата „ТАСС“, се наведува: „Дозволата не важи за портпаролката на руското Министерство за надворешни работи на Марија Захарова, која се појавува на списокот со санкции, во согласност со важечките закони на ЕУ“.
Засега нема официјално соопштение од бугарската страна за оваа информација.
Шефот на руската дипломатија пристигна во Скопје по завршувањето на неформалната вечера на министрите за надворешни работи и шефовите на делегации на земјите членки на ОБСЕ, на која присуствуваше американскиот државен секретар Ентони Блинкен.
Како што претходно објави „Макфакс“, во Скопје не дојде до средба помеѓу Блинкен и Лавров бидејќи американскиот државен секретар веќе ја напушти државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЕСМ: Од 15 октомври официјално започнува грејната сезона 2025/2026

Од 15 октомври официјално започнува грејната сезона 2025/2026 за потрошувачите приклучени на системот за централно греење во градот Скопје, со кој управува АД ЕСМ. Согласно регулативата, грејната сезона може да започне и порано, односно од 1 октомври, доколку прогнозата за средна надворешна температура за наредниот ден изнесува 12˚С или пониско, според податоците на Управата за хидрометеоролошки работи.
На веб-страницата на ЕСМ Снабдување секојдневно ќе се објавува информација дали се исполнети условите за испорака на топлинска енергија сè до 15 октомври. Овие информации ќе бидат објавувани согласно одлуката на Регулаторната комисија за енергетика и водни услуги на РСМ и врз основа на прогнозите за средна дневна температура на воздухот во Скопје од Управата за хидрометеоролошки работи.
„Навременото снабдување со топлинска енергија е клучно за комфорот на нашите потрошувачи. Затоа апелираме да се следат препораките и да се соработува со службените лица за да се обезбеди сигурно функционирање на системот. Ги повикуваме сите корисници навремено да ги завршат потребните поправки на своите внатрешни грејни инсталации, бидејќи редовното одржување е нивна обврска. Завршените интервенции треба да се пријават во Центарот за грижа на потрошувачи, со што ќе се овозможи непречено снабдување со топлина. Исто така, важно е заедниците на сопственици да обезбедат непречен пристап на службените лица до топлинските потстаници и редовно електрично напојување во топлинската станица, односно платени сметки за електрична енергија и функционална електрична инсталација.
Сите потрошувачи можат да проверат дали нивниот објект е на списокот на затворени објекти без услови за испорака на топлина, кој е достапен на линкот „Затворени објекти – ЕСМ Снабдување“. За информации, пријави на дефекти или известувања за завршени интервенции, потрошувачите можат да се јават во Центарот за грижа на потрошувачи на телефонските броеви 02 3076 200 и 075 400 100“, се вели во соопштението на ЕСМ.
Македонија
Делови од Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, дел од корисниците на улицата Мице Козар, општина Ѓорче Петров;
– во периодот од 10:00 до 12:00 часот, корисниците од ул.4 во Горно Соње, општина Сопиште.
Македонија
Променливо облачно со сончеви периоди, максималната температура до 24 степени

Времето денеска ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе биде во интервал од 5 до 14, а максималната ќе достигне од 17 до 24 степени.
Во Скопје, променливо облачно со сончеви периоди. Ќе дува слаб ветер од северен правец. Минималната температура ќе се спушти до 12, а максималната ќе достигне до 22 степена.
Времето во наредните деново
Од среда попладне до петок под влијание на нов влажен бран ќе има врнежи од дожд, локално пообилни (над 30 l/m²). Поради продор на постудена воздушна маса од север и засилен северен ветер во четврток и петок на повисоките планини ќе има услови врнежите од дожд да преминуваат во повремен снег. Температурата значително ќе опадне. Во деновите од викендот ќе има стабилизирање на времето и постепен пораст на дневната температура.