Македонија
Левицата: ДПМНЕ и СДСМ заеднички го уништуваат плодното земјиште во Свети Николе за фотоволтаици
Широката коалиција на ДПМНЕ и СДСМ совршено функционира кога се во прашање бизнис интересите. Ова заеднички го потврдија на последната Седница на Советот за минатата година, кога ја изгласаа „Годишната програма за изработка на урбанистички планови на подрачјето на општина Свети Николе за 2024 година“ во која се врши пренамена на обработливото земјоделското земјиште за фотоволтаици, велат од политичката партија Левица.
„И покрај бројните негодувања на граѓаните, пред се земјоделците, за пренамената на плодно земјиште во земјиште за фотоволтаици, партиите на власт, ДПМНЕ локално и СДСМ на централно ниво, продолжија да ја спроведуваат и уште еднаш покажаа дека воопшто не им е грижа за народот. Во годишниот план изгласаа плодното земјиште во атарот на селата Амзабегово, Горобинци, Пеширово и вон град Свети Николе на парцелите: КП 316, КП 317, КП 318, КП 319, КП 320, КП 321, КП 322, КП 323, КП 324 и КП 325, КП 1271, КП866/1, 866/2, 866/3 да се претвори во фотоволтаици.
Единствениот глас против овој „план“ беше од советникот на Левица, која како партија принципелно е против распродавањето на плодното земјоделско земјиште, за фотоволтаични панели, на буржоазијата во полет, која е на штета на земјоделците, кои со својата работа, од сите останати гранки најмногу допринесуваат за Буџетот на Општината.
Потсетуваме дека од оваа пренамена, ниту граѓаните, ниту земјоделците, па ниту буџетот на Општината ќе добие некаква корист, наспротив штетата која се прави на сите кои живеат овде“, велат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.