Македонија
Левицата: Касами ќе го реновира стадионот во Тетово, само за потребите на Шкендија
![](https://makfax.com.mk/wp-content/uploads/2023/11/396704559_373902808544184_5901522627691261516_n.jpg)
„Во јули 2016 година, ‘Еколог интернешнл’, сопственикот на ФК ‘Шкендија’, го презел Градскиот стадион во Тетово под концесија од Советот на Општина Тетово и е обврзан да инвестира 7,7 милиони евра за реновирање на стадионот за да може да биде домаќин на меѓународни натпревари“, велат од Левицата.
„Но, оттогаш до сега не е реновиран стадионот! Бидејќи обврска на концесионерот е да изврши реконструкција на стадионот, а тоа не го сторил до сега, Општина Тетово требало да го раскине договорот за концесија, а не да го спасува концесионерот од обврските што требало да ги исполни!!
Наместо заштита на спортските клубови и заштита на Градскиот стадион во Тетово, Касами објави дека ќе почне реконструкцијата на стадионот во Тетово, кој практично ѝ припаѓа само на екипата на „Шкендија“!
Поради тоа што Општина Тетово го има дадено Градскиот стадион под концесија и на него игра само „Шкендија“, страдаат македонските женски и машки екипи во фудбал со седиште во Тетово и немаат можност да играат мечеви додека не им дозволи Општината“, соопштуваат од партијата Левица.
Од таму бараат раскинување на договорот за концесија и враќање на Градскиот стадион во единствена сопственост на Општина Тетово со еднакви услови за негово користење и на македонските екипи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Зголемена е фреквенцијата на сите гранични премини за влез во земјава
![](https://makfax.com.mk/wp-content/uploads/2022/08/tabanovce-900x600-1.jpg)
Зголемена е фреквенцијата на сите гранични премини за влез во земјава, информираат од АМСМ.
Најголем интензитет на сообраќај има на Граничниот премин „Табановце“, каде се чека околу два часа, додека на останатите гранични премини од АМСМ велат дека се чека по околу еден час.
Од АМСМ нагласуваат дека зголемен е интензитетот на сообраќај на патните правци надвор од градските средини. Препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Лажен оглас за бесплатен курс по Англиски јазик од Владата кружи на социјалните мрежи
![](https://makfax.com.mk/wp-content/uploads/2024/06/kurs.jpg)
На извесна страница на Фејсбук Family service е злоупотребено името на Владата на Македонија дека наводно нуди бесплатни часови по англиски јазик. Станува збор за измама, какви што деновиве кружат по Фејсбук.
На огласот на кој има грб, на лош македонски јазик пишува дека „Владата на Северна Македонија нуди бесплатни курсеви по англиски јазик за лица од 18 до 65 години“, почнувајќи од јуни 2024 година. Во огласот се наведува дека Владата ќе им додели бесплатен таблет и сертификат во рок од 4 недели.
Некои граѓани поверувале дека огласот е вистински, што се гледа од коментарите под постот. „Почнаа со популистички мерки“, „Нема каде да се аплицира“, се дел од коментарите на граѓаните.
Погледнете како изгледа лажниот оглас и најважно, не го отворајте!
Македонија
Уште еден хеликоптер на МВР се вклучи во борбата со големиот пожар кај Сушево и Злеово
![](https://makfax.com.mk/wp-content/uploads/2024/06/helikopter-lllllll.jpg)
Поради сериозноста и ризикот од пожарот кај с.Сушево и с. Злеово на гаснењето се приклучи и втор хеликоптер на МВР, информираат попладнево од Центарот за управување со кризи.
Пожарот на отворено, кој вчера попладне започна на територијата на општина Василево се уште е активен, се разгорува и се приближи во непосредна близина на село Сушево, а се шири и кон село Злеово поради што за гаснење беше вклучен еден полициски хеликоптер.
Хеликоптерот на МВР „МИ-171“ полни вода од малата брана, ископ за песок до Акумулација „Турија“ и носи брзо вода кон опасниот крак на пожарот што се доближи дој селото Сушево, Струмичко..
Полнењето вода и дејствувањето по пожарот храбрите пилоти на МВР го извршуваат во интервал од три до пет минути, информираа од Центарот за управување со кризи.
На терен се екипи на струмичката Територијална противпожарна единица.