Македонија
Лукаревска од Берово: До пониски цени на храната преку мерката на Владата за компаниите од прехранбената индустрија
![](https://makfax.com.mk/wp-content/uploads/2022/10/thumbnail_Лукаревска-од-Берово-2.jpg)
Заменик претседателката на СДСМ, Сања Лукаревска, имаше свое обраќање на трибината „Силно и одлучно кон иднината“ којашто се одржа во Берово.
„СДСМ се грижи за граѓаните и стопанството во време на најголема економска и енергетска криза. Со последната одлука на Владата обезбедуваме поевтина струја за компаниите кои произведуваат основни прехранбени производи преку субвенционирање на цената од страна на државата. Оваа мерка двојно ја намалува цената на струјата со што директно ќе влијае на намалување на цените на основните прехранбени производи, маслото за јадење, лебот, брашното, млеко и млечните производи. Според првичните проценки намалувањето го очекуваме до 10%. Тоа значи пониски цени за граѓаните, односно заштита на нивниот животен стандард и куповна моќ“, рече Лукаревска.
Ова е уште една во низата владини мерки за помош и поддршка на граѓаните и стопанството во време на најголема светска економска и енергетска криза, додаде Лукаревска.
СДСМ, преку владата и институциите што ги предводи не остава никого сам во време на светска економска криза, грижата за сите продолжува. Струја и енергенси ќе има доволно, а државата ќе продолжи да субвенционира 80 отсто од сметката за струја за граѓаните и за 72.000 помали компании, рече заменик претседателката Лукаревска.
За само неколку месеци одвоени се 750 милиони евра за мерки за помош на граѓаните, што е околу пет отсто од БДП и најмногу како процент споредено со земјите од Западен Балкан, истакна заменик-претседателката на СДСМ Сања Лукаревска во Берово на трибината на СДСМ под мотото „Силно и одлучно кон иднината“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мизрахи: Разрешени 9 од вкупно 14 економски директори во клиничките болници, за останатите пет се очекуваат законските предлог-измени
![](https://makfax.com.mk/wp-content/uploads/2023/11/mizrahi-onkologija.jpg)
Економските директори во клиниките беа воведени пред 17 години. Во 2006 година, скопскиот Клинички центар беше поделен на 32 клиники, со 56 директори и 142 члена на управни одбори, што се покажа како дисфункционално, неодржливо и скапо решение, кажа Рашела Мизрахи, пратеничка на ВМРО-ДПМНЕ.
„Денес е десетти ден од формирањето на новата Влада предводена од ВМРО-ДПМНЕ, а веќе предвидената мерка која беше и изборно ветување од програмата Платформа 1198 од страна 120, започна да се реализира, и таа гласи:
Укинување на економските односно организационите директори на клиниките, а во цел укинување на дуализмот и лоцирање на одговорноста како и пренасочување на средствата за подобрување на здравствените услуги и инфраструктура и зголемување на транспарентноста и отчетноста.
Имено, согласно оваа предвидена мерка и реформа, до сега се разрешени 9 од вкупно 14 економски директори во клиничките болници.
Овие 9 досегашни ВД директори не се повеќе на таа функција, а за останатите 5 директори очекуваме од Владата да пристигнат во Собранието, Предлог измените на Законот за здравствена заштита со кои што ќе се исполнат законските услови за нивно разрешување и укинување.
Со оваа мерка ќе добиеме оптимизација на здравствениот систем, зајакнување на јавното здравство, подобрување на функционалната организација на истото, елиминирајќи ги врзаните потписи и сивата зона на одговорност во рамки на здравствените установи. Истовремено ќе се намалат непотребните трошоци, а ќе се рационализираат административните трошоци преку пренасочување на средствата во сериозно потребната здравствена екипираност, континуирана едукација на кадрите и набавка на нова медицинска опрема. Ова ќе придонесе кон целосно подобрување на здравствената внатрешна и надворешна инфраструктура и здравствени услуги за сите граѓани.
Здравствената нега е од витално значење за сите нас во одредено време, но јавното здравство е од витално значење за граѓаните во секое време“, изјави Рашела Мизрахи, пратеничка на пратеничката група на ВМРО-ДПМНЕ.
Македонија
Тошковски – Дрекслер: Силна поддршка од Германија за борба против криминалот, како и за владеење на правото и креирање силна и професионална полиција
![](https://makfax.com.mk/wp-content/uploads/2024/07/08-1_2.jpg)
Денеска министерот за внатрешни работи Панче Тошковски и директорот на Бирото за јавна безбедност Александар Јанев остварија работна средба со амбасадорката на Сојузна Република Германија Н.Е. Петра Дрекслер.
Министерот Тошковски се заблагодари за досегашната соработка и искрена поддршка од страна на Сојузна Република Германија, која треба да продолжи и во иднина со надеж што поскоро да станеме дел од европското семејство. Министерот ги презентираше главните цели кои ќе бидат во фокус во наредниот период, како борбата против организираниот криминал и корупција не само декларативно туку вистински, реконструирање и функционална систематизација и дигитализација на процесите, се вели во соопштението на МВР.
Амбасадорката Дрекслер упати честитки до министерот Тошковски и директорот Јанев и ја потенцираше досегашната соработка, посебно во делот за Центарот за обука на МВР и опремата која е донирана на министерството.
Директорот на Бирото за јавна безбедност на МВР Александар Јанев ги објасни реформите кои се планираат во делот на полициското и криминалистичко работење и уште еднаш ја потенцираше одличната соработка со германската полиција во делот на размена на информации, особено во борбата со транснационалниот организиран криминал.
На средбата беше потенцирано дека директната соработка и пријателските односи ќе продолжат и ќе се интензивираат во следниот период, со цел засилување на борбата против криминалот, како и за владеењето на правото и зголемување на безбедноста на сите граѓани, соопшти МВР.
Македонија
За децата со посебни потреби, кои не може да следат редовна настава, министерката Јаневска најавува општински училишта со ресурсен центар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Тоталната инклузија во образовниот процес на децата со посебни потреби кај нас, министерката за образование, Весна Јаневска, смета дека е неуспешна оти има родители и деца што се жалат дека со ваквиот концепт се дополнително дискриминирани. Новата Влада бара друго решение за децата со посебни потреби за кое министерката Јаневска уверува дека нема да значи издвојување, селектирање или нивна дискриминација.
„Сите оние дечиња што може да одат во редовна настава, ќе си одат во редовна настава, но има родители и цели здруженија што се жалат дека нивните деца не може да ја следат таа настава затоа што ниту наставниците ниту образовните асистенти може да се справат со тој процес. Во еден клас со 34 деца, државата се труди да стави по едно дете, но некогаш се и по две и по три. Ним им треба посебно внимание. Ќе бараме решение во правец на општински училишта со ресурсен центар, но само за оние што не може да следат редовна настава. За децата со мултихендикеп и за децата со повисока интелектуална попреченост предлагаме да останат таканаречените посебни училишта, го користам овој термин за да биде разбирливо и за родителите и за целата јавност. Притоа ќе им дадеме можност на родителите, што сега ја немаат, да изберат во согласност со комисијата за функционална процена во какво училиште или во какво училиште со ресурсен центар ќе сакаат нивните деца да учат“, вели министерката Јаневска.
Оваа измена Јаневска вели дека ќе ја направат релативно бргу иако треба да се донесе и законско решение. За измената, освен разговори со здруженија, со родители и со наставниците, Јаневска најави дека ќе ја вклучи и стручната јавност, односно експертите што со години се занимаваат со оваа проблематика од универзитетите и факултетите.