Македонија
Македонија ќе добие помош од Естонија за јакнење на сајбер безбедноста

Од голема важност за Северна Македонија е поддршката од Естонија во пренесување на нејзиното искуство и знаење во дигиталната трансформација, што очекуваме да резултира со брз развој на електронските услуги кои ги обезбедува јавната администрација во земјава. Ваква порака беше испратена по средбата што премиерот, Димитар Ковачевски ја оствари со неговата естонска колешка Каја Калас, на Минхенската безбедносна конференција.
Ковачевски на состанокот со Калас упати благодарност до владата на Естонија за силната и гласна поддршка за интеграцијата на Северна Македонија во Европската Унија.
Двајцата премиери истакнаа дека Северна Македонија и Естонија, како држави сојузнички во НАТО, ќе продолжат и натаму да даваат активен придонес во Алијансата во насока на зачувување на мирот и безбедноста на европскиот континент.
Разменија мислења и за влијанието на актуелните геополитички предизвици врз интеграцијата на земјите од Западниот Балкан во ЕУ. Премиерот Ковачевски ја потенцираше посветеноста на Владата на скрининг процесот како и заложбата за единство на сите политички и општествени чинители во Северна Македонија за членство во Европската Унија. Ковачевски истакна дека нашата држава во ЕУ има пријатели, сојузници и поддршката за забрзување на преговорите и шансата сега не смее да се пропушти.
Ковачевски ја покани премиерката Калас да ја посети земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Царините на Трамп стапија во сила, стапката за Македонија е 15 отсто, како и за земјите од ЕУ

Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија ВО сила и ја ставија на тест стратегијата на републиканците за намалување на трговскиот дефицит.
Царинската и граничната заштита на САД (CBP) започна со собирање повеќе царини во 00:01 часот по источно време, по недели неизвесност околу конечниот процент на мерките на Трамп и забрзаните преговори со земјите од целиот свет кои сакаа да ги намалат.
Основен процент од 10 проценти претходно беше воведен за увоз од многу земји откако Трамп ги паузираше повисоките царини објавени на почетокот на април. Но, американскиот претседател оттогаш често ги менуваше своите планови, па затоа воведе повисоки стапки за некои земји.
Ова вклучува 50 проценти увоз од Бразил, 39 проценти од Швајцарија, 35 проценти од Канада, Србија, и 25 проценти од Индија. Во среда, тој објави дополнителна царина од 25 проценти за увозот на руски енергетски производи од Индија, која ќе стапи во сила за 20 дена.
Во пресрет на стартот на царините, Трамп зборуваше за милијарди долари што ќе се влеат во САД, главно од земји за кои тврди дека ги искористиле САД.
Осум големи трговски партнери кои сочинуваат 40 проценти од трговијата со САД постигнаа рамковни договори со Вашингтон, вклучувајќи ја Европската Унија, Јапонија и Јужна Кореја. Тие обезбедија основна каматна стапка од 15 проценти. Велика Британија се согласи на 10 проценти, а Виетнам, Индонезија и Филипините помеѓу 19 и 20 проценти. Стапката за Македонија, како што претходно беше објавено, изнесува 15 проценти.
Македонија
Сончево време, попладне со услови за нестабилност

Времето денеска ќе биде сончево со мала до умерена локална облачност.
Попладне ќе има услови за изолирана појава на нестабилност со краткотраен пороен дожд и грмежи. Ќе дува слаб до умерен ветер од северен правец, поизразен долж Повардарието. Максималната температура ќе биде во интервал од 28 до 36 степени, јавува УХМР.
Во Скопје, сончево со мала до умерена облачност. Ќе дува слаб до умерен ветер од северен правец. Максималната температура ќе достигне до 35 степени.
Македонија
Без вода делови од скопски Карпош

Од ЈП Водовод и Канализација известуваaт дека денеска ( четврток) поради дефект на затварач од ф – 100 мм на ул. Драгиша Мишовиќ бр. 7, во периодот од 09.00 часот па се до отстранување на дефектот без вода ќе останат корисниците од улиците Драгиша Мишовиќ, Роберт Кох и Трифун Пановски, како и корисниците од ул. Бледски Договор лоцирани на потегот од бул. Илинден до ул. Карпошево Востание. ( општина Карпош )