Македонија
Македонците во Албанија со предлози до Заев како да се подобри образованието во Мала Преспа и Голо Брдо
Премиерот Зоран Заев денеска се сретна со претставници од заедницата на Македонците во Албанија, односно Ефтим Митревски и Нико Китани, кој е и претставник на македонското малцинство во комитетот за национални малцинства при албанската Влада.
Се разговарало за повеќе актуелни прашања, како и за резултатите од продлабочената комуникација меѓу Владата и заедницата на Македонците во Албанија, информираат од владината прес-служба.
„Ќе ја интензивираме уште повеќе поддршката на принципиелно ниво, кон Македонците кои живеат и работат во Албанија. Постои позитивна политичка клима за тоа“, рекол премиерот Заев.
Претставниците на заедницата на Македонците во Албанија изнеле конкретни предлози за унапредување на квалитетот на живот и образованието на жителите од Мала Преспа, Голо Брдо и Корча.
Како што се наведува во соопштението, тие на средбата изразиле поддршка за успешните процеси што водат кон напредок на Македонија во евро-атлантските интеграции.
Договорено било контактите да продолжат низ работа на можните инцијативи што биле разгледани на средбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претпладне студено со магла, преку денот променливо облачно
Утрото ќе биде студено со појава на магла по одделни котлини, а преку денот променливо облачно со сончеви периоди во источните делови. Ќе дува слаб променлив ветер. Минималната температура ќе биде во интервал од -8 до 1, а максималната ќе достигне од 3 до 11 степени.
Во Скопје претпладне студено со појава на магла, преку денот променливо со мала до умерена облачност. Минималната температура ќе се спушти до -5, а максималната ќе достигне до 3 степени.
Времето во наредните денови
Ќе преовладува променливо облачно време со појава на утринска магла понекаде во котлините. Утринските температури ќе бидат претежно околу нулата, а дневните во делови од земјата ќе надминуваат 10 степени. Локални врнежи од дожд, а на планините од снег ќе има во вторник, а потоа се очекуваат и на крајот од неделата.
Македонија
Магла на неколку патни правци
Сообраќајот на државните патишта се одвива во зимски услови, по наместа влажни коловози. Намалена видливост поради магла од 30 до 50 метри Прилеп и Македонски Брод, 50 до 70 метри Струмица и Берово и на патниот правец Тетово – село Гајре, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја делови од Аеродром и Сарај
ЕВН Македонија извести дека на 20.01.2024 година ( понеделник ) без електрична енергија ќе останат:
– од 09:00 до 15:00 часот корисниците од Лисец, објектите во близина на игралиштето, по должина на улицата. (опш.Аеродром)
-од 09:00 до 15:00 часот корисниците од с.Буковоќ, с.Ласкарци, с.Раовиќ, .с.Паничари (опш.Сарај)