Македонија
Манушев: Заев и Борисов ќе најдат решение во наредните денови

Премиерите на Бугарија и Северна Македонија, Бојко Борисов и Зоран Заев се убедени дека во следните денови ќе се изнајде решение за споровите меѓу двете земји, изјави претседателот на собранискиот комитет за надворешна политика, адмирал Пламен Манушев, пренесува БГНЕС.
„Процесот е исклучително интензивен и се надевам дека овие работи ќе се случат во наредните денови. Премиерот Зоран Заев и нашиот премиер се убедени дека такво решение ќе се најде. Министерката за надворешни работи Екатерина Захариева го изрази ставот на Бугарија пред нивниот министер за надворешни работи. Цврсто сум уверен дека ќе најдеме решение за овој спор и процесот ќе почне “, рече тој.
Манушев вели дека е изненаден од вчерашната изјава на македонскиот премиер Зоран Заев, кој тврди дека барањата на Бугарија не се добрососедски, и се непријателски и неевропски.
„Веројатно тоа беше испровоцирано од разговорите што македонскиот министер за надворешни работи Бујар Османи ги имаше во Софија. Не знам зошто го рече тоа, но ние објавивме меморандум до сите европски институции, во кој кажуваме кои се нашите барања и црвени линии од кои не смее да се отстапи, а двете страни треба да најдат компромисно решение “, рече адмиралот.
„Никој не сака да бидеме пречка за европската интеграција на Северна Македонија, која е братска држава и братски народ“, додава претседателот на парламентарниот комитет за надворешна политика.
Адмиралот Манушев смета дека парламентите на двете земји исто така можат да помогнат во процесот на изнаоѓање решение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.