Македонија
МВР: Усогласување на минималната плата и покачување во септември за 5 отсто

Министерството за внатрешни работи информира дека платата на вработените ја исплатува врз основа на Законот за внатрешните работи и колективниот договор. Во согласност со новиот Закон за минималната плата, минималната бруто-плата изнесува 26.422,00 денари.
Платата за вработените во МВР, за најниското работно место, во согласност со систематизацијата на МВР, со статус на овластени лица и полициски службеници, е над предвидената минимална плата, што дополнително би се зголемила со покачувањето од 5 отсто, што ќе почне да се исплатува од септември 2022г.
За вработените во МВР, на кои им се исплатува плата по Законот за работните односи, е извршено усогласување со минималната плата и почнувајќи од март, сите вработени по овој закон ќе имаат усогласени плати, односно зголемени.
Процесот на исплата на плата, како и сите активности што се спроведуваат во МВР, подлежат на проверки и од тие причини МВР и МПС побараа и добија мислење од Министерство за труд и социјална политика, со што потврдена е законската поставеност на процесот на исплата на плати за вработените во МВР. Овој начин на исплата е во интерес на вработените и со основна компонента на плата, вредноста на часови прекувремена, ноќна, викенд, и работа на празник е поголемa во однос на основна плата.
МВР и МПС во наредниот период ќе се залагаат за доследно почитување на претходно договорениот процес на усогласување на платите во соработка со Владата на Република Северна Македонија и Министерство за финансии ќе обезбеди средства за натамошно покачување на платите за вработени во МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.