Македонија
МЗШВ: Отказот на Трипуновски е законски

Целата процедура за поведување дисциплинска постапка за државниот советник Цветaн Трипуновски е водена транспарентно во согласност со законските прописи. Апсурдно е тврдењето на Трипуновски дека се работи за политичка хајка. Решението за престанок на работниот однос не е поврзано со неговата партиска определба, туку со прекршување на законските одредби, велат од Министерството за земјоделство, шумарство и водостопанство.
„Имено, од страна на државниот секретар на МЗШВ донесен е предлог за поведување дисциплинска постапка и формирана е комисија за водење дисциплинска постапка, а на самата седница на комисијата присуствуваше и државниот советник Трипуновски заедно со адвокат. Комисијата утврди дека државниот советник Цветан Трипуновски е одговорен за сторен дисциплински престап по член 73, став 1, точка 22 од Законот за административните службеници, кој предвидува однесување спротивно на одредбите на Кодексот на административните службеници“, велат од Министерството.
Од таму велат дека државниот советник Цветан Трипуновски со своето однесување на работната позиција го прекршил Кодексот за административните службеници и на одржаните прес-конференции пренесувал информации и податоци што произлегуваат од делокругот на работата на МЗШВ и тоа во форма шпекулации, инсинуации и измислици во политички контекст.
„Изнесените податоци и информации имаат негативно влијание врз широката општествена јавност, целните ресорни групи, домашни и странски институции. Со своето неодговорно и штетно постапување Трипуновски директно ја нарушува довербата на граѓаните во институциите и во системот. На одлуката за престанок на работниот однос Трипуновски го искористи законското право за жалба до Комисијата за жалби. По одбивањео на жалбата, Трипуновски уредно ја прими одлуката на 20.5.2019 година и тој во согласност со законските прописи е одјавен од Агенцијата за вработување“, велат од МЗШВ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“

Министерството за внатрешни работи во пресрет на „Локални избори 2025“ континуирано презема мерки и активности во рамки на своите надлежности со цел непречено и безбедно спроведување на изборниот процес.
„Согласно направените проценки и воспоставените планови на денот на изборите полициските службеници ќе бидат присутни во близина на локациите на избирачките места, како и на клучните сообраќајни точки, со цел зголемена ефикасност и навремено откривање на можни нарушувања на јавниот ред и мир. Безбедноста на граѓаните ќе биде гарантирана со стандардните материјално технички средства, мобилни тимови и пунктовско работење, а ќе се користи и современа технологија – дронови за воздушна контрола со цел побрза реакција и преземање на соодветни мерки и активности во случај на инциденти“, велат од Министерството за внатрешни работи.
МВР апелира до сите граѓани и до политичките партии, да придонесат за мирна и демократска атмосфера, да ги почитуваат упатствата на полициските службеници и да се воздржат од било какви активности кои би можеле да го нарушат изборниот процес.
Во текот на изборниот ден, МВР соодветно ќе ја информира јавноста за одвивањето на изборниот процес.
Македонија
Филипче: Прочитан е Мицкоски, обидот за партизација на судството нема да помине

„На Мицкоски му одговара партизирано судство преку кое ќе може да влијае на одлуките, и тоа не е ништо ново, граѓаните веќе го виделе тоа, а некои и го почувствувале на своја кожа“, истакна претседателот на СДСМ Венко Филипче на граѓанскиот собир „Се бориме за нашиот дом“ во Чучер Сандево.
Филипче нагласи дека Мицкоски очигледно нема волја за реформа на судството, а одговорноста е исклучиво само кај него.
„Од уста не ги вади обвинителите, судиите, на кои им се закануваше јавно дека ќе ги избрка, дека ќе ги замени со други, дека не ја заслужуваат платата, но ништо суштински не презема за да се реформира правосудството. Театрални изјави без ниту еден донесен закон од реформската агенда за вистинско реформирање на правосудниот систем“, рече Филипче, додавајќи дека оваа власт не мисли добро на народот и државата.
„Власта на ВМРО-ДПМНЕ ја турка државата назад – во изолација, хаос и страв. Тие не нудат визија, нема иднина, го нудат минато. Го партизираат секој систем, ги злоупотребуваат институциите, ги забораваат граѓаните. Наместо ред и развој, ароганција, луксуз, корупција“, рече Филипче, нагласувајќи дека борбата за нашиот дом е борба за вредности и достоинство.
„Македонија не се брани со пароли и навреди, туку со резултати, со силни институции и со чесна власт. Овој патриотизам на Мицкоски со викање, навреди, поделби на народот и национализам не може да донесе ништо добро на државата и граѓаните. И токму затоа, СДСМ мора повторно да стане гласот на разумот, на народот и на иднината. Да ја врати државата таму каде што ѝ е местото — во рацете на граѓаните“, порача претседателот на СДСМ Венко Филипче од граѓанскиот собир во Чучер Сандево.
Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)