Министерот за здравство д-р Арбен Таравари именуваше нови в.д. медицински директори.

Следните јавни здравствени установи добија нови медицински директори:

Универзитетска клиника за уво нос и грло – д-р Игор Камшикоски
Универзитетска клиника за дерматологија – д-р Катерина Дамевска
Универзитетски институт за радиологија – д-р Соња Николова
Универзитетска клиника за гинекологија и акушерство – д-р Ирена Алексиоска-Папастиев
Универзитетска клиника за ендокринологија, дијабетес и метаболични нарушувања – д-р Танер Хасан
Универзитетска клиника за психијатрија – д-р Славица Арсова-Хаџиангелковска
Универзитетска клиника за гастроентерохепатологија – д-р Мери Трајковска
Универзитетска клиника за нефрологија – д-р Никола Ѓоргиевски
Универзитетска клиника за ревматологија – д-р Емилија Сандевска
Универзитетска клиника за физикална медицина и рехабилитација – д-р Злате Мехмедовиќ
Универзитетска клиника за хируршки болести „Св. Наум Охридски“ – д-р Небојша Настов
Општа болница „Д-р Ферид Мурад” Гостивар – д-р Арѓент Муча

„Амбасадорите на нашите пријателски земји и стратешките партнери насочуваат како треба да дојдеме до полноправно членство на Северна Македонија во ЕУ. Северна Македонија не е на друга планета, туку географски, културен, социјален и политички дел на Западот“, велат од Алијанса за Албанците.

„Жал ни е што ВМРО се враќа и со кадри и со политики во времето на Груевски. Од друга страна, драго ни е што ова вистинско и нереформирано лице на ВМРО ќе ги сензибилизира сите оние фактори кои речиси заборавија од каде доаѓаат овие луѓе.

Речникот на Вучиќ и понатаму ќе биде дел од вокабуларот на Христијан Мицкоски. Заробувањето и дисциплинирањето на судството од страна на ВМРО е стара опсесија и најостро го осудуваме секој таков обид“, се вели во соопштението на Алијанса за Албанците.

Поголем број на граѓански здруженија, екологисти и активисти од струмичко денес протестираа против отворање на топилница во Општина Ново Село. На протестот учествуваа и пратениците од Левица, Сашко Јанчев и Реџеп Исмаил, заедно со активисти од локалните ограноци од овој регион.

Во непосредна близина на селото Самуилово започната е изградба на топилница за алуминиум, која без дилема ќе ги загадува воздухот, реката Струмица, но и почвите, вклучувајќи ги и земјоделско – обработливите површини, велат од Левица.

„Отворањето на топилницата се спроведува на разбојнички начин! Се кријат документи, на објектот на градилиштето, спротивно на закон, не постои табла на која треба да стои кој е инвеститор, кој е изведувач и број на одобрение за градење, додека, пак, фирмите кои работат, од своите возила ги имаат извадено налепниците, за да не се знае кој ја прави изведбата.

Станува збор за изградба на објект класифициран како Г1 – Тешка загадувачка индустрија, а на ова подрачје дозволено е да се градат објекти класифицирани како Г2 – Лесна незагадувачка индустрија. Поради тоа, издаденото одобрение за градба е противзаконско!

Помеѓу месното население се шпекулира дека еден од двајцата инвеститори е близок со ДУИ, а Kaja Шукова, како министер за животна средина од СДС, ја одобрила градбата. Бившата министерка одобрила Елаборат за заштита на животна средина кој никој го нема видено и од Министерството навеле дека објектот нема значително да загадува, што е далеку од реалноста.

Поради тоа, Политичката партија Левица бара документите со овој објект да бидат јавно објавени и да се одговори на прашањата:
Kога е издадена дозволата и од каков тип е истата?

Дали и кога имало јавна расправа за овие измени во урбанистичките планови?

Kој е инвеститор и кој го проектира и изведува објектот? Koја класа на индустрија е класифицирана за објектот?“, се наведува во соопштението на Левица.

Пратениците на Левица им даваат целосна поддршка на активистите и на протестите, продолжувајќи да ја следат ситуацијата и останувајќи во постојана комуникација со активистите! Исто така, пратениците од Левица, во рамки на нивните ингеренции, ќе останат на целосно располагање на месното население и ќе продолжат институционално со борбата против „тајниот“ загадувач!, се додава во соопштението на партијата Левица.