Македонија
Милков: Не гледаме ниту еден чекор во Северна Македонија за спроведување на европскиот предлог

Затворањето на бугарските културни клубови во Северна Македонија е елемент на зголемената тензија. Ова го изјави бугарскиот министер за надворешни работи, Николај Милков.
„Дали свесно се обидуваат да ја подигнат тензијата, не знам, но она што исто така би го кажал е дека по усвојувањето на таканаречениот европски предлог, кој беше усвоен од целата Европска Унија, од Бугарија и од Северна Македонија на парламентарно ниво не гледаме ниту еден чекор што е направен во насока на негово спроведување ниту во учебниците ниту ништо. Да не зборуваме за други чекори“, рече Милков.
Претходно денес, бугарскиот претседател Румен Радев рече дека во изминатите 10 години најмалку десетпати го поканил македонскиот колега Стево Пендаровски да ја посети Бугарија. Според Радев, вклучувањето на Бугарите во Уставот ќе ѝ помогнело на Северна Македонија да раскине со, како што вели, идеологиите на тоталитарното минато и почеток на демократизацијата на државата.
На коментарите претходеше изјава на Пендаровски, кој оцени дека во изминатите две години немал ниту еден конструктивен разговор со Радев. Според Пендаровски, сериското отворање на т.н. бугарски клубови во земјата е една од можните причини за зголемување на незадоволството кај граѓаните од францускиот предлог.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.