Македонија
Милошоски: СДСМ кои го потпишаа Преспанскиот договор периодов координирано напаѓаат заедно со грчката страна
![](https://makfax.com.mk/wp-content/uploads/2024/06/miloshoski.jpg)
Се наследува презадолжена држава во која претходните влади ја етаблирале корупцијата, како правило, а владеењето на правото станало селективен исклучок. од граѓаните со полно право ќе има очекувања за подобар животен стандард, а во буџетот има огромна финансиска дупка и презадолженост, изјави пратеникот Антонијо Милошоски на собраниската седница за нова влада.
Милошоски истакна дека се наследува хаос во сите институции и претпријатија како ЕЛЕМ, Царина, во образование и здравство, Македонски шуми, Железници, Агенција за водостопанство, Пошта, ФЗО, Судска администрација, се ова е резултат на неуспехот на СДСМ и ДУИ.
Ќе требаат вонредни напори и поддршка од јавноста за државата да се врати во нормален колосек. Мицкоски ќе има тешка задача. Имаме држава во која доминираат корупција и инфлација, а државата ќе треба да се преобрази во нова, нормална со економска но и правна сигурност, рече Милошоски.
Милошоски додаде дека кога сме кај правосудниот систем видовме до кое ниво на деградација беа турнати Судскиот совет и советот на јавни обвинители, а реформите не се само политичка задача туку нужност, доколку сакаме довербата да биде подобрена.
„Во надворешната политика, да се продолжи со стратешкото партнерство со САД, ова е начинот преку кој Македонија може да се избори за своите интереси на глобално нив. Министерот во МНР наследува голем неред во институцијата, естрадна дипломатка Бесмира Ејупи стана попопуларна од министерот Османи Треба сериозен тим и луѓе кои ќе знаат на најсоодветен начин да ги пратат пораките до меѓународната јавност, и да се добиваат најдобрите и квалитетни информации од меѓународните центри, а тоа не може да се добие од Љубомир Фрчковски и Весел Мемеди“, нагласи Милошоски.
Милошоски потенцираше дека ќе има тешки битки во меѓународната политика имајќи го пристапот кои Грција и Бугарија го имаат кон Македонија.
„Ако забележите во последниве неколку дена има координирани напади едниот од внатре од СДСМ, а вториот од Мицотакис од Атина по однос на Преспанскиот договор и тоа да биде биполарноста поизразена, во Македонија нападите доаѓаат од оние кои го потпишаа овој договор. Во однос на Бугарија преговарачката рамка дополнително и непотребно беше оптоварена со Вториот Протокол со кој Османи се согласи историјата да биде критериум и ова ќе биде предизвик со кој ќе треба да се бориме“, изјави Милошоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
За 24 часа низ државава пожарникарите гаснеа 10 пожари на отворено
![](https://makfax.com.mk/wp-content/uploads/2023/09/pozari-gasenje-mkd-3.jpg)
Центарот за управување со кризи (ЦУК) информира дека во последното деноноќие имало вкупно десет пожари на отворено и неколку помали интервенции. Еден се уште се води како активен, во Општина Василево, кај с.Добрашинци, каде гори ниска вегетација, ниска шума и грмушки.
Целосно изгасените се девет пожари на отворено во општините: Гази Баба имало два пожара, кај с.Јурумлери(горело жито) и повторно с.Јурумлери (ѓубре), Карпош, кај с.Злукуќани (ниска вегетација), Кавадарци имало 3 пожари, кајс.Ваташа (ниска вегетација, нискастеблеста шума), покрај ул.Видое Смилевски Бато(ниска вегетација) и покрај ул.Ристо Ѓонев во с.Ваташа(ниска вегетација), Битола, кај училиштето „Тодор Ангелевски“ (ниска вегетација), Охрид, кај месноста „Мауцкер“ (депонија) и во Општина Куманово, кај с.Лопате (горела ниска вегетација).
Центарот за управување со кризи (ЦУК) информира, во последното деноноќие, имало вкупно 2 024 повици на Единствениот повикувачки број за итни случаи 112 во ЦУК. Од нив „реални“ повици биле 58,60%, а 41,40% биле за други потреби на граѓаните што не биле итни. Кон Полиција биле упатени 57,14%, кон Итната медицинска помош 27,73%, а кон пожарникарите 5,04%, од реалните повици кон 112 во ЦУК. Инаку, имало 878 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (10,08%) и на тие што се именувани како „неитни повици“ (41,40%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
Регионалниот ЦУК Тетово, информира дека Општина Тетово утре (01.07.2024 година понеделник), ќе се врши планираната дератизација на територијата на Град Тетово, за уништување на глодари. Дератизацијата ќе започне од 08:00 часот, ако се поволни временски услови. Се апелира до граѓаните да бидат внимателни и да ги следат упатствата и заштитните мерки дадени од надлежните, од општината.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.
Македонија
Од утре МОН ќе ја исплаќа неисплатената финансиска поддршка за основци и средношколци
![](https://makfax.com.mk/wp-content/uploads/2018/10/ucenici.jpg)
Министерството за образование и наука (МОН) информира дека од понеделник ќе почнат да се исплаќаат паричните надоместоци по основ на антикризната мерка за поддршка на семејствата на основци и средношколци.
Како што соопштија од МОН, на првиот работен ден од мандатот, министерката за образование и наука Весна Јаневска ги задолжи надлежните сектори да направат детален преглед на нереализираните финансиски обврски по секој еден ученик чие семејство ги исполнува условите и има поднесено апликација за остварување на ова право.
Врз основа на доставениот извештај, се направи план со динамика на исплата којa започнува од утре.
„Наместо краткорочни неквалитетни решенија, учениците и нивните семејства заслужуваат вистинска и континуирана системска поддршка за олеснување на воспитно – образовниот процес и за надминување на предизвиците со кои секојдневно се соочуваат последните неколку години. Со доаѓањето на новата Влада, младите ќе бидат во фокусот на политиките, а квалитетот на образованието и можностите за реализација на личниот потенцијал во границите на својата земја, плански и континуирано ќе се зголемуваат“, велат од МОН.
Македонија
ВМРО-ДПМНЕ: Над 300.000 граѓани ќе добијат повисоки пензии за 5.000 денари
![](https://makfax.com.mk/wp-content/uploads/2022/09/vmro-275267-313588.jpg)
Премиерот Христијан Мицкоски и Владата на ВМРО-ДПМНЕ покажуваат одговорност на дело кон највозрасната категорија на граѓани. Во првата недела од мандатот на Владата на ВМРО-ДПМНЕ се донесе одлука за линеарно покачување на пензиите од 5.000 денари на сите пензионери, се вели во соопштението на ВМРО-ДПМНЕ.
„Над 300.000 граѓани ќе добијат повисоки пензии за 5.000 денари, односно најниската пензија од септември ќе биде 15.600 денари, додека пак просечната пензија ќе ја надмине минималната плата во државата. Првото покачување од 2.500 денари пензионерите ќе го добијат веќе во септември, а другото покачување од истиот износ ќе го добијат во март следната година. Животниот стандард и квалитетен живот на пензионерите и сите граѓани се приоритет на владата на ВМРО-ДПМНЕ и Мицкоски. ВМРО-ДПМНЕ вети, ВМРО-ДПМНЕ реализира. Пензионерите заслужуваат мирен и достоинствен живот“, велат од партијата.