Македонија
Министерот Лога со поддршка за иницијативата за конфискација на дивоградби на Герасимовски
Градоначалникот на Општина Центар, Горан Герасимовски, денес одржа средба со министерот за правда, Кренар Лога, на кој му ја претстави иницијативата за регулирање, конфискација и ре-употреба на бесправно изградени објекти.
Целта на оваа иницијатива е да најде и произведе решение и даде можност за конфискација на безправно изградените објекти и нивна пренамена во функција на општината. Преку оваа Иницијатива, како што информира Герасимовски, намерата е да се интервенира во две законски решенија – Законот за постапување со бесправно изградени објекти и Законот за управување со конфискуван имот, имотна корист и одземени предмети во кривичната и прекршочна постапка.
Министерот за правда Лога го информираше Герасимовски за постоечките законски решенија, но и за новиот Предлог-законот за управување со конфискуван имот и предмети во кривична и прекршочна постапка, кој е во изработка, при што му изрази силна поддршка за иницијативата.
„Иницијативата е добра и за ова ја имате мојата целосна поддршка. Многу земји го имаат решено овој проблем на сличен начин, а како пример од регионот би го навел Албанскиот модел, кој лесно би можел да се примени и тука. Во Албанија постои Национален инспекторат кој секојдневно спроведува акции особено во крајбрежните области, каде има голем број на дивоградби, без дополнителни бирократски пречки. Исто така, сите оние инвеститори кои со своето градење отстапуваат од издаденото одобрение, односно цела површина која е надвор од одобрението се запленува од страна на општината, која потоа ја продава јавно по пазарна цена на метар квадратен. Постојат и други примери, но добро е за ова да се отвори дискусија и е погодно време овие измени да се вметнат во новиот Предлог закон за управување со конфискуван имот и предмети во кривична и прекршочна постапка“ – истакна министерот Лога.
Герасимовски, кој веќе во понеделник ќе му ја претстави иницијативата и на министерот за транспорт и врски, му се заблагодари на министерот за правда, Кренар Лога за одвоеното време, нагласувајќи ја потребата од поддршка и отворање на широка јавна дебата, со цел донесување на квалитетно и издржано законско решение, кое во иднина ќе придонесе кон решавање на проблемите со нелегално изградените објекти.
„Оваа иницијатива ја поднесов и до ЗЕЛС, каде доби поддршка и беше едногласно изгласана од Управниот одбор. Општината колку и да сака, нема доволно средства за да ги отстрани сите дивоградби на нејзина територија, затоа што рушењето чини многу пари, а проблемите со објектите остануваат и понатаму. Со оваа иницијатива сакаме да најдеме начин како да ги искористиме тие нелегално изградени објекти и да ги ставиме во функција на општината. Дополнително, верувам дека ваквата измена во законите значително ќе ги обесхрабри оние кои во иднина би сакале да започнат да градат на диво непочитувајќи ги законите“, изјави на средбата градоначалникот Герасимовски.
Двајцата се согласија да се формираат работни групи кои ќе започнат веднаш со прецизирање на деталите и формирање на предлог измени во законот.
Согласно иницијативата, во постоечкиот Закон за управување со конфискуван имот, потребно е да се вметнат одредби каде што при утврдување дека објектот, предмет на постапката за легализација, отстапува од правилата предвидени во конкретниот закон, да се упати на постапка за ре-употреба. Потребно е да постојат одредби кои при констатирање дека објектот, предмет на постапката за легализација, претставува објект кој е изграден надвор од законски предвидениот рок, односно после 2011 година и дека тоа не претставува објект предвиден за легализација согласно Законот. Со измените, истиот со акт ќе се одбие и упати на постапка за конфискација согласно Закон за управување со конфискуван имот, имотна корист и одземени предмети во кривичната и прекршочна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На автопатот Скопје – Велес одземени возила поради истечена регистрација од скоро една година
На автопатот Скопје – Велес, на наплатна станица Петровец вчера во 10:10 часот, полициски службеници од Мобилната единица за безбедност на сообраќајот на патиштата при Секторот за сообраќајни работи во МВР извршиле контрола на товарно возило – влекач „мерцедес“ и полуприколка со скопски регистарски ознаки, управувано од М.М.(47) од Скопје, а сопственост на правно лице.
МВР денеска соопшти дека притоа бил констатиран прекршок по член 344 став 3 од Законот за безбедност на сообраќајот на патиштата, а во врска со член 26/10 од Законот за возила, односно затоа што сообраќајната дозвола на влекачот и полуприколката биле истечени и важеле до 24.04.2024.
По целосно документирање на случајот, ќе биде поднесена соодветна пријава.
Министерството за внатрешни работи апелира до возачите и сите учесници во сообраќајот да ги почитуваат сообраќајните правила и прописи и сите заедно да придонесеме за побезбедни патишта.
Македонија
Ова не е единствената фалсификувана лиценца, има најмалку уште една и тоа во Скопје, рече Тошковски
Министерот за внатрешни работи на денешната прес-конференција изјави дека лажната лиценца издадена на дискотеката „Пулс“ не е едениствена и дека има најмалку уште една, и тоа е во Скопје, според првичните информации.
Додаде и дека досега се уапсени 26 лица, а списокот не е затворен.
Тошковски нагласи и дека седум полициски службеници му овозможиле на кабарето да работи во супстандардни услови.
Рече дека досега има определено мерка притвор за 18 лица, а седум ќе бидат изведени пред судија на претходна постапка плус уште едно лице, кое е едно од раководните во овој момент во Министерството за економија.
Македонија
АЦВ: Прекршувањето на правилата под изговор не сме знаеле е неприфатливо, вчерашните управувачи со дронови не се регистрирани оператори
Агенцијата за цивилно воздухопловство соопшти дека синоќешното медиумско снимање со дрон на собирот на плоштадот Македонија во Скопје, на кој се изрази масовно незадоволство од трагичниот настан во Кочани, го прекршил правилникот за летала без екипаж, стапен во сила на 1 јуни 2024, со одложена примена од 1 јануари 2025.
„Во текот на 2024 година од страна на АЦВ се преземени низа активности за информирање на јавноста, особено на корисниците на летала без екипаж, вклучувајќи ги и медиумите, за стапување во сила на новата регулатива, при што како завршен настан на промотивната кампања на 14 декември во Домот на АРМ беше организирана работилница на која сите заинтересирани можеа да ги добијат потребните податоци директно од вработените во Агенцијата за цивилно воздухопловство, кои работат на оваа проблематика.
Дополнително, сите информации во врска со начинот и правилата за оперирање со летала без екипаж во македонски воздушен простор 24/7 се лесно достапни на веб-страницата на Агенцијата (www.caa.gov.mk) и/или на www.drone.gov.mk.
Оттаму, прекршувањето на правилата под изговор не сме знаеле е неприфатливо, велат од АЦВ.
Од таму додаваат дека забраната за директно надлетување над луѓе е стара веќе 10 години и таа е предвидена уште со уредбата за условите под кои летало без екипаж може да лета во македонски воздушен простор, донесена од тогашната влада во 2015 и 2017, а во член 4 предвидено е дека: „далечинскиот пилот леталото ќе го управува на безбедно растојание од луѓе и дека нема да лета директно над луѓе – собири на луѓе”
„Во конкретниот случај, со оглед дека Агенцијата за цивилно воздухопловство ја применува истата оваа регулатива како и другите европски држави, со ограничувањата што се пропишани требало да се запознаени како македонските така и странските оператори на летала без екипаж.
При вчерашните настани лицата што управувале со дронови морало да бидат регистрирани оператори на дронови и да поседуваат потврда за регистриран оператор на дрон издадена од АЦВ. Тие никако не смееле директно да ја надлетуваат групата, односно собирот на луѓе, бидејќи во ниедна категорија на операции со дронови (А1, А2 или А3) не е дозволено директно да се надлетуваат собири на луѓе.
Лицата што управувале со дронови морало да поседуваат сертификат за оспособеност за далечински пилот (А1/А3 или А2) издаден од АЦВ.
Операторите на дронови единствено би имале право да летаат во близина на луѓе (без директно надлетување луѓе) доколку поседуваат оперативно одобрение за оператор на дронови, во посебна категорија, издадено од АЦВ. Оперативното одобрение се издава во управна постапка, која вклучува детаљна проверка на операторот и на системот за управување со безбедноста на летот опишан во оперативниот прирачник на операторот, кој се доставува на одобрување до АЦВ. Притоа далечинските пилоти мора да поседуваат сертификат за оспособеност во категорија на операции А2“, објаснуваат од Агенцијата.
Во соопштението се вели дека покрај инспекторите од Агенцијата за цивилно воздухопловство, надзор врз операциите со летала без екипаж може да вршат и полициски службеници.
Новинарски екипи од ТВ „21“ и на „Ројтерс“ синоќа беа повикани на разговор во полиција поради немање соодветна дозвола за снимање со дрон на собирите на плоштадот во Скопје по повод трагедијата во Кочани, а по разговорот, беа пуштени.
Клековски: На пациент во Солун му е извршена трансплантација на кожа на рацете, во контакт сме со банка за кожни ткива за да почнат реконструктивни операции
Директорот на Фондот за здравствено осигурување (ФЗО), Сашо Клековски, на денешната прес-конференција во Владата рече дека натамошните фази за пациентите...
Уапсени седум полицајци, осомничени дека помогнале дискотеката „Пулс“ да добие лиценца
Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската...
Погребот на починатите во пожарот во Кочани ќе биде утре во Кочани, Штип, Облешево и Скопје
Погребот на починатите во пожарот во Кочани ќе се одржи утре. Погребните церемонии, според надлежните, ќе бидат во 11 часот...
Митева: Од 12 контролирани објекти со активна лиценца, до сега кај три е утврдено дека не исполнуваат услови, следува забрана за вршење дејност
Последните инспекции потврдија сериозни регулаторни прекршувања. Доказите се јасни: од вчерашната направена контрола на 12 објекти со активна важечка лиценца,...
Мицкоски го посети Кочани и се потпиша во книгата на жалост: Во солзи и тишина даваме почит за жртвите
Денес, премиерот Христијан Мицкоски го посети Кочани и се потпиша во Книгата на жалост во чест на жртвите од трагичниот...
Побаран нов притвор за несреќата во Кочани: вкупниот број се искачува на 18 лица
Основното јавно обвинителство Кочани до надлежниот суд доставил предлози за продолжување на мерката краткотраен притвор за нови 48 часа за...
Добра вест е што поминаа критичните 72 часа и не почина ниеден од преживеаните, 101 пациент се во странство, рече Таравари
Министерот за здравство Арбен Таравари утрово со олеснување извести дека поминале критичните 72 часа за повредените во пожарот во Кочани....
Андреј и Сара од ДНК ќе бидат погребани утре во Скопје
Трагично загинатиот пејач на групата „ДНК“, Андреј Ѓоргиески ќе биде погребн утре, 20 март на градските гробишта во Бутел. Информацијата...
Краткотраен притвор досега за вкупно 17 лица за пожарот во дискотеката во Кочани
На уште едно лице му е определен краткотраен притвор од 48 часа во врска со трагедијата во Кочани, со што...
Таравари: Eкспертски тим од Министертвото за здравство ќе ги разгледа сите факти за смртта на 32-годишникот од Куманово
„Во овие тажни часови за сите страшна вест ми стигна од Куманово. Животот на еден млад човек беше скратен на...
„Да не се шират дезинформации, бројот на жртви во Кочани е 59“, Владата со повик да не се објавуваат непроверени информации
„Во овие тешки и тажни моменти за сите македонски граѓани и во знак на почит кон загинатите жртви, повредените и...
(Видео) Трамп ги објави документите за атентатот на Кенеди
Американскиот претседател Доналд Трамп денеска објави материјали поврзани со атентатот на поранешниот претседател Џон Кенеди за да го исполни своето...
Градоначалникот на Истанбул под истрага за корупција
Турските власти наредија притвор на градоначалникот на Истанбул Екрем Имамоглу и на околу стотина други лица, меѓу кои и новинари...
(Видео) Путин во рекорден рок го прекрши договорот со Трамп за ограничено примирје, објавија Украинците
Русија и Украина рано утринава се обвинија меѓусебно за воздушни напади кои предизвикаа пожари и оштетена инфраструктура само неколку часа...
Вучиќ: Ако бил употребен звучен топ, јас повеќе не сум претседател
Српскиот претседател Александар Вучиќ повтори дека неговата земја е изложена на „месеци на терор“ и ги нарече разговорите меѓу лидерите...
(Фотогалерија) Скопје плаче: илјадници граѓани оддадоа почит за жртвите од пожарот во дискотеката во Кочани
Илјадници граѓани на Скопје излегоа за да изразат сочувство и почит за смртта на младите луѓе кои трагично го загубија...
Пожарите во ноќни клубови од кои светот не научи лекција: заеднички им се пиротехника, пренатрупаност и изоставени безбедносни проверки
Трагичниот пожар во дискотеката „Пулс“ во Кочани уште еднаш ги истакна смртоносните последици од неправилната употреба на пиротехничките средства во...
Митева: Во Скопје само 2 објекти од вкупно 13 имаат важечка лиценца за кабаре
Имало 22 лиценци за вршење угостителка дејност, а 15 со истечена важност. Во Скопје има само 2 објекти за кабаре...
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
