Македонија
Министерствата за одбрана на Македонија и Црна Гора задоволни од меѓусебната соработка
Делегација од Министерството за одбрана на Црна Гора, предводена од државниот секретар Слободан Филиповиќ, на покана на својот домаќин, државниот секретар во Минситерството за одбрана на Република Македонија, Драган Николиќ, изминатите два дена беше во работна посета на земјава.
Во рамки на посетата и разговорите, беше истакната одличната билатерална соработка помеѓу двете министерства и армии, соработка која може да биде пример за регионот. Посебно беше нагласена соработката во областа на образованието на питомци од Црна Гора, на Воената академија во Република Македонија, која во континуитет се реализира од 2010 година, како и летачката обука на припадници од воздухополовството на двете армии. Државниот секретар Николиќ го запозна Филиповиќ и со стратешките приоритети на Министерството за одбрана, посебно со донесувањето на Стратегискиот одбранбен преглед и активностите кои произлегуваат од него.
Во рамките на престојот во Макеоднија, делегацијата од Министерството за одбрана на Црна Гора ја посети водухопловната бригада каде што се запозна со мисијата и задачите на бригадата, а во разговорите стана збор и за досегашната плодна соработка и начините за нејзин развој во иднина.
Делегацијата присуствуваше и на церемонијата на Денот за високи гости на Летниот камп 2018, се сретна со деканот на Воената академија и со питомците од Црна Гора, кои се школуваат на академијата.
За време на Денот за високи гости, делегацијата кратко разговараше и со министерката за одбрана, Радмила Шекеринска. Црногорската делегација го посети и Центарот за обука на вода во Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Радев: Преговорите помеѓу Бугарија и Северна Македонија завршија пред две години
Преговорите меѓу Бугарија и Северна Македонија завршија во јули 2022 година, кога двете земји го потпишаа билатералниот протокол по Договорот за добрососедство и соработка, изјави бугарскиот претседател, Румен Радев, кој смета дека нема потреба од посредништво во дијалогот помеѓу Македонија и Бугарија.
Со овие зборови тој одговори на прашање за изјавата на премиерот на Христијан Мицковски, дека е подготвен за преговори со бугарскиот претседател.
Радев посочи дека секогаш бил отворен за дијалог, но мора да се прави разлика меѓу дијалог и преговори.
„Преговорите меѓу Бугарија и Северна Македонија завршија во јули 2022 година, кога двете земји го потпишаа билатералниот протокол по договорот за добрососедство и соработка“, рече Радев, пренесува „Новини.бг“.
Според него, доколку се зборува за дијалог, тој треба да се води меѓу Северна Македонија и Европската комисија и врз основа на преговарачката рамка за Северна Македонија усвоена во исто време.
„Дијалогот е таму, а се работи за условите што мора да ги исполни Северна Македонија, за да можат да почнат преговорите за членство на земјата во ЕУ“, додаде.
Радев истакна дека Бугарија може и треба да помогне во овој процес, за Северна Македонија побрзо и поефективно да ги исполни условите и самоуверено да го тргне својот европски пат.
Македонија
Уште еден земјотрес почувствуван во Македонија
Земјотрес со јачина од 3,6 степени според Рихтеровата скала вечерва е регистриран во близина на граничните премини помеѓу Македонија, Косово и Србија.
Според информациите на ЕМСЦ земјотресот се случил на длабочина од 10 километри, на 9 километри од Врање.
Граѓаните веднаш се огласија на социјалните мрежи и, како што велат, ова е четврти земјотрес од синоќа.
„Добро удри! Немаше нишање, повторно вертикално“, сведочи граѓан на Врање кој го почувствувал потресот, пренесува „Б92“.
„Силно, но кратко“, се дел од коментарите на корисниците на EМСЦ.
Земјотресот бил почувствуван во делови од Македонија, Србија, Косово и Бугарија.
Претходно утрово, земјотрес со јачина од 4 степени според Рихтеровата скала ја погоди јужна Србија, а беше почувствуван и во Македонија и во Бугарија.
Македонија
Огромни гужви на грчко-македонската граница: „Се чека и до три часа“, се жалат граѓани
Колони возила има попладнево на граничниот премин Еврзони од грчка страна, додека голем број македонски граѓани се враќаат од продолжениот празничен викенд кој го поминаа на туристичките места во Грција.
Според информациите од АМСМ, за влез во земјава се чека повеќе од еден час.
Граѓани пак, сведочат дека чекаат и до три часа.
„Колони има до патарина“, се жалат македонските туристи.
Гужви има и на велешката патарина, а колона возила стои во место и на влезот на Гостивар од „Стража“.
Според последните информации, на Табановце времето за чекање веќе е намалено откако претходно денес и таму беше забележано зголемено движење.
(Фото: архива)