Министерството за здравство во изминатите четири недели онлајн ја реализира тренинг-програма COVID 19 Response Training, наменета за сите здравствени работници од јавните здравствени установи во земјата. За три недели, речиси 2.300 здравствени работници, медицински сестри и лекари беа дел од интерактивните тренинзи, кои се одвиваа онлајн.

Тренингот е развиен од страна на Project HOPE заедно со Brown University од САД и е базиран на препораките на СЗО за справување со ширењето на болеста и заштитата на здравствените работници. Тој се спроведува во многу земји во светот погодени од кризата поради Ковид-19.

„Со оглед на фактот дека голем дел од здравствените работници во светот, за жал, е заболен од Ковид-19, идејата на тренингот беше периодот од три недели да опфати значителен број здравствни работници од сите сегменти на здравствениот систем, сè со цел да се усвојат единствени заштити мерки за медицинскиот персонал и истовремено да се даде адекватна нега во делот на превенција и ширење на инфекцијата и контрола на ситуацијата. Целта на едукацијата беше да се се утврдат протоколи за стабилизација на болните и првична ресуситација, дијагноза и управување со ситуацијата, скрининг и тријажа, како и утврдување на капацитетите на здравствениот систем и негов развој“, велат од Министерството за здравство.

Првично беше избрана група од 40 медицински лица, 20 лекари и 20 медицински сестри, кои ја поминаа четиридневната онлајн-обука со обучувачи од Brown University од САД. Тие потоа имнаправија обука на речиси 2.300 здравствени работници од сите здраветвени установи во земјата.

Во правата фаза онлајн-тренингот почна со клиниките од клиничкиот блок „Мајка Тереза“, каде што речиси 650 здравствени работници ги слушнаа предавањата и развија активна дискусија за превенцијата и ширењето на инфекцијата со Ковид-19. Во втората фаза беа опфатени болницата „8 Септември“, Институтот за белодробни заболувања кај децата „Козле“, Специјалната болница „Чаир“, психијатриските болници, геријатриските центри, трите клинички болници – Тетово, Битола и Штип, како и сите општи оболници во сите градови во земјата, потоа здравствените домови, институтите за јавно здравје и специјалните болнци. Преку катедрата за семејна медицна беа организирани обуки на сите избрани лекари од примарното здравство, а преку студентската организација ЕМСА беа организрани предавања и за студентите на медицина. Тренингот заврши со дополнителна обука на клиниките во клиничкиот комплекс „Мајка Тереза“, кои се најпогодени од новонастаната ситуација. Во овој комплекс 760 вработени го поминаа тренингот.

„Во услови кога медицинскиот персонал се соочи со досега непознат вирус, кој зеде замав за релативно кратко време, организирањето онлајн тренинг-програма за заштита за што поголем број медицински персонал беше вистински предизвик. Бројката од 2.300 учесници, кои понатаму протоколите ги пренесоа во своите работни организации, е од големо значење за намалување на трансмисијата на вирусот помеѓу здравствените работници“, нагласуваат од Министерството.