Македонија
Мирчевски во Свети Николе: Мерките во земјоделството и зголемените плати обезбедуваат повисок животен стандард
Претседавачот на Централниот одбор на СДСМ, Пеце Мирчевски, вчера беше во посета на Свети Николе на средби со граѓаните и поддржувачи на партијата. На средбите се разговараше за досегашните реализирани мерки на Владата предводена од СДСМ, беа слушнати потребите што ги имаат граѓаните на оваа општина, а се разменија и мислења за нивно поефикасно решавање.
„Свети Николе има одлични перспективи да оди напред, има плодно земјиште и добра географска поставеност. Мерките што се презедоа и реализираа во земјоделството, зголемената поддршка за младите земјоделци, повратот на персоналниот данок, зелената нафта, навремената и неселективна исплата на субвенциите, носат повеќе пари кај граѓаните, кај земјоделците. Со реализација на мерките обезбедуваме повеќе пари кај граѓаните, но и повисок животен стандард и поквалитетен живот на граѓаните што впрочем е нашата примарна цел“, рече Мирчевски.
Зборувајќи за растот на платите, Мирчески ја спомена новата мерка на Владата предводена од СДСМ, со која ќе се помага растот на платите до 18.000 денари во трудоинтензивните дејности, со што се отвора можност дополнителни 50.000 работници да добиваат повисока плата. Со тоа, посочи Мирчевски, дополнително ќе се поттикне спиралата на раст на платите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски.
Партијата бара од МВР и сите останати надлежни институции веднаш да постапат, да ги пронајдат сторителите и да ги изнесат пред лицето на правдата.
„Надлежните органи мора да утврдат и дали овој напад е политички мотивиран, особено што Симоновски немал никакви недоразбирања со било кого. Очигледно неспособноста на МВР и партизацијата којашто се случува во институциите, ги охрабрува насилниците“, велат од СДСМ.
Потсетуваат дека во изминатиот период имало серија на инциденти со запалени возила дури и на полицајци.
Македонија
Претпладне променливо облачно, претежно во западните делови со повремен снег, попладне облачноста ќе се намали
Времето денеска, претпладне променливо облачно, претежно во западните делови со повремен снег. Попладне облачноста ќе се намали. Уште од ноќта ќе дува умерен, долж Повардарието засилен ветер од северен правец (над 70 km/h) и засилен ветер особено долж Повардарието ќе има до крајот на денот. Минималната температура ќе биде во интервал од -5 до 3, а максималната ќе достигне од 2 до 11 степени.
Во Скопје претпладне променливо облачно, од пладне сончево. Ќе дува умерен, во делови од котлината повремено засилен ветер од северен правец. Минималната температура ќе се спушти до 1, а максималната ќе достигне до 9 степени.
Утре во претпладневните часови времето ќе биде променливо облачно со повремен снег претежно во западните делови. Уште од преку ноќта ќе дува умерен, а особено долж Повардарието засилен северен ветер (над 70 km/h).
Во деновите потоа времето ќе биде стабилно и тивко со ниски утрински температури и со услови за појава на магла по котлините.
Македонија
(Видео) Прокисна инвестицијата од 350 милиони евра, со кофи се собира дождовница во трговскиот центар„Дајмонд“
Со кофи вечерва се собираше вода дождовница на последниот кат од трговскиот центар „Дајмонд“„
Центарот чија проектна вредност како што беше најавено при неговото отворање достигнува 350 милиони евра и нуди вработувања за над илјада лица од разни сектори попушти по вечерашниот дожд кој во попладневните часови го зафати главниот град.
Одговорните своевремено преку него најавија инвестиција од која ќе живне економијата и ќе се отворат нови работни места.