Македонија
Мицкоски: Владата да го почитува Колективниот договор на наставно образовниот кадар, се останато е политички спин и гимнастика
Претседателот на ВМРО-ДПМНЕ Христијан Мицкоски на денешната посета во општина Берово одговарајќи на новинарско прашање како ги коментира најавите за штрајк на просветните работници пред почетокот на учебната година рече дека наставно образовниот кадар наместо да се насочи на едукација на учениците, мора да се бори како да го преживее месецот поради ниските примања, односно како што вели тој додека на дневна основа владата дели милионски тендери во четири очи, стандардот на наставниците и професорите е на удар.
– Мојот коментар е дека се потешко се живее. Можам да кажам дека и моето семејство на одреден начин е семејство кое е поврзано со образовниот процес, знаете јас сум професор на универзитетот Св.Кирил и Методиј, а мојата сопруга исто така е професорка во скопската гимназија Орце Николов. И од прво лице сум запознае со тешката состојба на наставно образовниот кадар во училиштата, во основните и средните, но и на факултетите, но и оние коишто се во градинките, односно предшколската возраст. Така што сето она кое што се случуваше изминатиот период зададе навистина жесток удар врз стандарот на тие луѓе и буквално ние сме доведени до една ситуација кога тие наместо да ги образуваат , наместо да ги едуцираат нашите деца, тие едвај се борат како да го преживеат месецот од први до први. А во исто време сведоци сме како владата на СДСМ и ДУИ на дневна основа дели тендери во 4 очи, на дневна основа се исплаќаат милиони за проекти кои што воопшто и не се случуваат, како што е оној фамозен проект за коридорите 8 и 10д, истакна тој.
Мицкоски рече дека потребно е почитување на Колективниот договор од страна на владата и министерството, се со цел да се врати нивното изгубено достоинство.
– Така што почитување на колективниот договор кој што е презема обврска од страна на владата, е основен предуслов за колку толку се врати достоинството кај овие луѓе. Но, за жал тоа не се случува, континуирано тие се жртва на манипулација од страна на владата. И јас како еден од нив, барам од страна на владата само да се почитуваат правата на наставно образовниот кадар и да се почитува Колективниот договор. Се останато е само обичен политички спин и една гимнастика која за жал се повеќе го прави тежок животот на наставниците и професорите и тие наместо да образуваат ќе се борат како да преживеат во месецот, дециден е Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.
Македонија
Утрото претежно ведро и студено, преку денот сончево со мала до умерена облачност
Утрото претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Времето во наредните денови
Следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

