Македонија
Мицкоски: ВМРО-ДПМНЕ се буди и заспива со мислата за Македонија, СДСМ само кога има избори

Претседателот на ВМРО-ДПМНЕ, Христијан Мицкоски, изјави дека победата на претседателските избори е прв чекор, по кој ќе следи победа на парламентарните избори, а потоа следува третиот чекор, а тоа е нова влада на чело со ВМРО-ДПМНЕ и Коалицијата „За подобра Македонија“.
„Од тогаш треба крваво, деноноќно, макотрпно да работиме да државата си ја кренеме од овој пепел којшто ќе ја наследиме, а кој ни го донесоа Зоран Заев и СДСМ“, рече Мицкоки од Македонски Брод.
Тој посочи дека СДСМ мисли на народот и на татковината само од избори до избори, додека ВМРО-ДПМНЕ мисли и заспива со последната мисла за Македонија и се буди со првата мисла за Македонија секој божји ден.
„Вие би да чекорите како што ви е овој украден слоган во претседателската кампања, со полни вреќи пари, а ние сакаме да одиме напред со достоинствена и честита држава Република Македонија. Вие би сакале да чекорите напред богати, а ние сакаме да чекориме напред со богати граѓани и богата држава. Вие имате проблем со самите себе господа од врхушката на СДСМ, а ние заедно со народот имаме проблем со вас. Тој проблем ќе го решиме заедно со народот на 21 април, а потоа и на 5 мај“, порача Мицкоски.
Мицкоски потенцираше дека на овие претседателски избори ВМРО-ДПМНЕ го предложи најдобриот и најквалитетен кандидат, а на следните парламентрани избори ВМРО-ДПМНЕ ќе излезе со најобемната како никогаш досега квалитетна изборна програма која ќе се темели на три столба. Првиот столб ќе биде решение за поквалитетен живот на нашите сограѓани. Вториот столб ќе биде економија, земјоделието, образованието, здравството, владеење на правото, стоп и немилосрдна битка против организираниот криминал, мито и корупција. И трето ќе биде како да се вратиме македонизмот помеѓу граѓаните во Република Македонија.
Тој порача заеднички да си ја сакаме татковината бидејќи тука сме се родиле, тука сме ги формирале нашите семејства и тука ќе продолжиме да живееме, тука ќе продлжиме да старееме и најверојатно тука и ќе ги завршиме нашите животи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.
Македонија
На граничните премини Табановце и Пелинце се чека по 45 минути

Интензитетот на сообраќај на патните правци надвор од градските средини е зголемен, јави АМСМ. Поради летните одмори се бележи зголемена фреквенција на возила на граничните премини Табановце и Пелинце, а времето на чекање е околу 45 минути.
На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сојузот потсетува дека од 1 јули до 31 август на државните патишта во Македонија на сила е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,