Македонија
Мицкоски: Законите со кои се овозможува градење на фотоволтаици во Источна Македонија се голема катастрофа која ја подготвува владата за генерациите кои не се родени
![](https://makfax.com.mk/wp-content/uploads/2023/11/Христијан-Мицкоски.jpg)
Христијан Мицкоски, претседател на ВМРО-ДПМНЕ при денешната негова посета во општина Бутел запрашан како ги коментира 4-те закони со кои се овозможува градење на фотоволтаици во Источна Македонија посочи дека тоа е една голема катастрофа која што ја подготвуваат од страна на владата и на генерациите кои што не се родени.
-Тоа е една голема катастрофа, која што ја подготвуваат од страна на владата на Македонија и на генерациите кои што се неродени. Таму на пример имате фотоволтаици кои што се преименуваа во агрофотоволтаици, термин кој што го продаваат како нов, а кој што е познат веќе неколку децении. Инвестиции кои што се целосно увозно компонента, инвестиции кои што не се трудоинтензивни, инвестиции кои што ќе влијаат негативно врз стоковата размена на Македонија со странство, нема да има додадена вредност за македонската економија, се гарантира откупот на цената со одредена цена на електричната енергија. Ниту една друга електрана во која што инвестираат македонски компании не и е гарантиран откупот, не знам што се толку посебни оваа француска компанија и бугарска компанија, дали можеби има нешто друго кое што не го знаеме, потенцираше Мицкоски.
Тој исто така порача дека би било добро такви инвестиции на Македонија да види и во Бугарија и во Франција, кои под истите услови би инвестирале на толкава голема земја по загарантирана цена.
-Јас тоа го кажав на трибината, еве бидејќи тие компании велат дека и мислат добро на Македонија со овие инвестиции, јас би сакал исти такви инвестиции да видам на Македонија во тие земји, и во Бугарија и во Франција, па и ние нешто добро да направиме и за Бугарија и за Франција. Зошто само тие да прават добро за Македонија, еве и ние нешто добро да правиме под истите услови, македонските компании да може под истите услови да инвестираат на толкава голема земја, земјоделско земјиште, фотоволтаици и во Франција и во Бугарија по загарантирана цена, рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Над 300.000 граѓани ќе добијат повисоки пензии за 5.000 денари
![](https://makfax.com.mk/wp-content/uploads/2022/09/vmro-275267-313588.jpg)
Премиерот Христијан Мицкоски и Владата на ВМРО-ДПМНЕ покажуваат одговорност на дело кон највозрасната категорија на граѓани. Во првата недела од мандатот на Владата на ВМРО-ДПМНЕ се донесе одлука за линеарно покачување на пензиите од 5.000 денари на сите пензионери, се вели во соопштението на ВМРО-ДПМНЕ.
„Над 300.000 граѓани ќе добијат повисоки пензии за 5.000 денари, односно најниската пензија од септември ќе биде 15.600 денари, додека пак просечната пензија ќе ја надмине минималната плата во државата. Првото покачување од 2.500 денари пензионерите ќе го добијат веќе во септември, а другото покачување од истиот износ ќе го добијат во март следната година. Животниот стандард и квалитетен живот на пензионерите и сите граѓани се приоритет на владата на ВМРО-ДПМНЕ и Мицкоски. ВМРО-ДПМНЕ вети, ВМРО-ДПМНЕ реализира. Пензионерите заслужуваат мирен и достоинствен живот“, велат од партијата.
Македонија
Тошковски ќе го унапредува Центарот за обука во модерен центар за полициска обука
![](https://makfax.com.mk/wp-content/uploads/2024/06/Toshovski.jpg)
Министерот за внатрешни работи Панче Тошковски вчера заедно со директорот на Бирото за јавна безбедност Александар Јанев и дел од раководството на МВР го посетија Центарот за обука на МВР. Тошковски, како што информираат од неговиот кабинет, потенцирал дека континуираната обука на вработените во МВР ќе донесе поголема безбедност за граѓаните.
Информираше дека во моментот се реконструираат дел од објектите на Центарот кои се во сопственост на Министерството за внатрешни работи, а во кои престојуваат и следат настава кандидатите за полициски службеници.
„Наша амбиција е да го унапредиме Центарот за обука во модерен центар за полициска обука, кој ќе прерасне во регионален центар за обука на кадри од областа на безбедноста. Во минатото не бил ставен доволен акцент на континуираноста на обуките и на тој дел посветено ќе се работи“, посочил Тошковски за време на посетата.
Тој нагласил дека ќе изградат систем на континуирана обука на полициските службеници и вработените во Министерството за внатрешни работи, со што ќе се зајакне стручноста и професионализмот на целата институција која е надлежна за безбедноста, како основа за подобар квалитет на живот на сите граѓани
Македонија
Сообраќајот на државните патишта се одвива непречено, по суви коловози
![](https://makfax.com.mk/wp-content/uploads/2017/10/patista62.jpg)
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На граничните премини од македонска страна, нема подолги задржувања за влез и излез од државата, информираат од АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.