Македонија
Мицкоски на средба со Вадефул: Власта ги злоупотребува собраниските процедури и носи закони во нивен интерес
Претседателот на ВМРО-ДПМНЕ Христијан Мицкоски денеска оствари средба со Јохан Вадефул, заменик шефот на владејачката парламентарна група на ЦДУ/ЦСУ во Бундестагот одговорен за прашања на надворешната работа и одбрана.
Како што извести ВМРО-ДПМНЕ, на средбата се разговарало за актуелната политичка и економска состојба.

Претседателот Мицкоски го информираше Вадефул дека парламентарното мнозинство на СДСМ и ДУИ, постојано ги крши собраниските процедури и го злоупотребува европското знаменце за носење законски регулативи кои се во нивен интерес, а не во интерес на граѓаните.
Во однос на економската состојба Мицкоски потенцираше дека македонската економија е во тотален колапс, а актуелната влада наместо да е насочена кон решавање на ова клучно прашање, е насочена кон криминал и корупција.
Мицкоско го информирше Вадефул, дека власта нема поддршка од граѓаните, додавајќи дека се потреби итни реформи и промени кои ќе значат целосен ресет на нефункционалниот систем.
Соговорниците се согласија соработката и средбите да продолжат во иднина, се додава во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кандидатот за градоначалник на Кичево, Јовановски се залага за подобри услови во пензионерскиот дом и уредување на градското корито
Кандидатот за градоначалник на општина Кичево, Александар Јовановски, најави подобрување на условите во Пензионерскиот дом во Кичево, како и и уредување на речното корито во градот бидејќи реката Сушица се наоѓа во состојба на еколошка катастрофа.
Јовановски за домот изјави дека пензионерски дом и околината околу него е во ужасна состојба.
„Нашите родители, нашите баби и дедовци се оние кои не израснаа, кои не доведоа во состојба да функционираме самостојно и да бидеме чинители во општеството. Тие се нашиот темел. Како градоначалник, веднаш ќе пристапам кон решавање на овој горлив проблем и итно ќе пристапам кон преземање на мерки за да се подобрат условите за живеење во моменталниов пензионерски дом“, изјави Јовановски.
Исто така, реката, за реката која поминува низ средината на Кичево, пред пензионерскиот дом, а воедно и пред општина Кичево, Јовановски најави итно решавање на проблемот.
Според гласањето во првиот круг, Јовановски освои 44,50 отсто од гласовите, односно 11,682 гласа. Зад него е актуелниот градоначалник, Фатмир Дехари од ДУИ со 21,28 отсто или 5.586 гласа. Двајцата ќе се соочат во вториот круг на 2 ноември.
Македонија
ВМРО-Народна партија: Бројот на настани со кои се одбележува српската окупација, ги надмина државните празници
ВМРО-Народна партија соопшти дека е „длабоко загрижена“ поради, како што наведува, „помпезното одбележување на Битката на Зебрњак“, која – според партијата – означува почеток на 23-годишната српска окупација на Македонија.
„Загрижени сме што оваа година прославата на ‘Битката на Зебрњак’, после која е окупирана Македонија, беше одбележана на многу помпезен начин и со поголема манифестација отколку Денот на македонската револуционерна борба“, се наведува во соопштението.
Од партијата додаваат дека бројот на настани со кои се одбележува „српската окупација на Македонија ги надминал државните празници во земјата“, посочувајќи дека „со средства од државниот буџет се организираат манифестации на кои се слави окупациона војска на територијата на Македонија“.
„Секоја година со големи манифестации се прославуваат битките кај Кајмакчалан, Брегалница, Зебрњак, Удово, битката кај Рамне и ‘денот на победата’ во Битола – и сето тоа со македонски државни пари“, стои во соопштението.
Партијата наведува дека на ваквите прослави „Македонија е претворена во поле на омраза“, каде што се слушаат „омраза, реваншизам и шовинизам против Турците, Бугарите, Албанците и муслиманите“, а Македонија се нарекува „стара и јужна Србија“, а Македонците „Срби кои биле ослободени“.
„Овие навреди кон македонскиот народ овој пат беа надоградени и со нов идентитет и наратив обраќајќи се со ‘браќа северномакедонци’“, наведува ВМРО-Народна партија.
Во соопштението се додава дека ја повикуваат Владата на ВМРО-ДПМНЕ да престане со ова понизно виткање на кичмата и со ова понижување на македонскиот народ.
Македонија
Синдикатот на „Паркови и зеленило“ ги покани кандидатите за градоначалници на прес-конференција барајќи подобри услови за работење
Независниот синдикат на паркови и зеленило најави дека утре, 27 октомври, ќе одржи прес-конференција пред пунктот на ЈП „Паркови и зеленило“ во Автокоманда.
Пресот го организира Градскиот независен синдикат на паркови и зеленило, кој функционира во рамките на Независниот синдикат на државна администрација. Од синдикатот велат дека ќе се зборува за условите за работа и состојбите на конкретното работно место, кое, како што наведуваат, е „под човечко достоинство“.
На пресот се поканети кандидатите за градоначалник на Град Скопје – Орце Ѓорѓиевски и Амар Мечиновиќ, како и кандидатите за градоначалници на општините Гази Баба, Аеродром и други.
Од синдикатот посочуваат дека целта на настанот е јавен увид во состојбите и почитувањето на правата на вработените во ЈП „Паркови и зеленило“ – Скопје, вклучувајќи плата, регрес, јубилејни награди, новогодишен додаток и отпремнини, согласно колективниот договор и законските прописи.

