Претседателот на ВМРО-ДПМНЕ, Христијан Мицкоски, одговарајќи на новинарски прашања при посетата на Битола, рече дека за поврзаноста на премиерот Зоран Заев со турскиот наркобос Седат Пекер дознал од самиот Заев и Пекер.

Според Мицкоски, по вакви средби на премиер на една држава со криминалец кој во својата матична земја важи за човек што е проблематичен пред законите, не може да се очекува дека Брисел ќе направи некаков пресврт во преговарачката позиција.

„ Јас не реков дека Заев имал средба со Седат Пекер, самиот Пекер рече дека го познава премиерот на Македонија и дека бил негов гостин. Само ја кажувам изјавата на Седат Пекер. Некој сега ако сака да каже дека Пекер лаже, па прави аналогија на тоа дека и ние не ја говориме вистината, тогаш има начин како тоа да се докаже. Обвинителството по допрен глас треба да го повика тоа лице во ОЈО да даде исказ дали е вистина дека се среќавал со Седат Пекер, кој во својата матична држава важи за човек што е проблематичен пред законите и понатаму треба да видиме како тој човек нашол неколкумесечно прибежиште тука во Македонија“, посочи Мицкоски додавајќи дека неговата паетија го рефлектира во јавноста она што како информација доаѓа до нив.