Македонија
Младиот Мемет немал можност да се лекува, а немал ни лична карта, пишува „Лице в лице“

Мемет Камбер, продавач на магазинот „Лице в лице“, кој вчера на неполни 20 години, почина на КАРИЛ, немал можност да прави здравствени прегледи.
Како што пишува „Лице в лице“, пред смртта тој влегол во болницата за прв и последен пат. Момчето на КАРИЛ стигнало во екстремно алармантна состојба. Сѐ укажувало на тоа дека се пропуштени години грижа и третман за шанси и надеж за извлекување.
„За жал Мемет најверојатно имал дијабет тип 1, кој што се појавува уште во детската возраст. Живеел со хипергликемија долго време, и кога достасала до енормни вредности, донесен е кај нас. Таа гликемија прави растројство на сите системи. Нашето тело работи на PH, нормално е 7,4, тој имаше вредност на киселост 6,8. Организмот не работи во кисела средина. Многу деца и сме ги спасиле во ваква ситуација, но, кај него оштетувањата беа преголеми. Кога ќе се јави кетоацитоза, пациентите се повеќе подложни и на инфекции, затоа што самиот висок шеќер во крвта е добар агар за каква било бактерија. Тоа дополнително ги влошува компликациите по системи“ вели Маја Мојсова, анестизиолог на КАРИЛ за „Лице в лице“.
Додава дека да се лекувал на време, и ако претходно била регулирана таа гликемија, можеби ќе имале шанси да го спасат. Веројатно никогаш не ни бил испитуван.
Списанието пишува дека Мемет немал можност да прави здравствени прегледи, немал здравствена книшка која ќе значи редовни прегледи. Задоцнетата документација за идентитет, личната карта, ги ставила на „почек“ сите потреби, услуги, замисли за поинаков живот на еден млад човек.
Неговиот ментор од Дневниот центар за деца на улица, Филип Пепоски пак објаснува дека компликациите при вадење лична карта се случиле поради недостапноста на единствениот негов родител, пишува „Лице в лице“.
Целиот текст за судбината на Мемет е достапен на веб-страната на Лице в лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВЛЕН: Таравари отиде за шест општини, остана со четири заврши со нула

Нереализирањето на цензусот во општините Гостивар и Врапчиште е најјасниот одговор на политичките акробации што со месеци се правеа во име на Албанците, но за лични интереси, велат од ВЛЕН.
„Ова е, пред сè, порака до Арбен Таравари, а потоа и до Исен Шабани, кои помислија дека Албанците ќе ги следат во нивните политички игри, менувајќи ги принципите како ситни пари.Иако се обидуваат да најдат оправдувања, суверенот со овој потег им удри силна шлаканица на политиките на менување принципи за ситни лични интереси. Таравари отиде за шест општини, остана со четири и заврши со нула“, велат од Коалицијата.
Македонија
Без струја делови од Карпош, Бутел и Аеродром

Без струја денеска ќе останат делови од Карпош, Бутел, Студеничани и Аеродром.
ЕВН Македонија АД извести дека на ден 21.10.2025 година ( вторник ) без електрична енергија ќе останат:
– во периодот од 09.00 до 12.00 часот, корисниците од ул. Ловќенска лоцирани околу бр. 14, како и корисниците од бул. Партизански Одреди лоцирани околу автобуската станица кај хотел Карпош. ( општина Карпош )
– во периодот од 08.30 до 16.00 часот, корисниците од областа Мала Река, Алдинци, Караџица и Солунска Глава (општина Студеничани)
– во периодот од 09.00 до 13.00 часот, корисниците ул. Стар Качанички Пат и дел од нов Качанички Пат.(општина Бутел)
– во периодот од 09.00 до 14.00 часот, корисниците од дел ос С.Долно Лисиче. (општина Аеродром)
Македонија
Облачно време со сончеви периоди, температурата до 18 степени

Времето денеска ќе биде променливо облачно со сончеви периоди. Во крајните јужни и источните делови ќе има услови за слаб локален дожд. Ќе дува умерен ветер од јужен правец, информира УХМР.
Минималната температура ќе биде во интервал од 3 до 10, а максималната ќе достигне од 13 до 18 степени.
Во Скопје, сончево со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 7, а максималната ќе достигне до 18 степени.
Следува период на променливо облачно време со сончеви периоди и со слаб до умерен јужен ветер. Во среда ќе има локални врнежи од дожд, а од четврток дневната температура ќе биде во пораст.