Македонија
МОН, коморите и општините почнуваат со утврдување потреби за одредени стручни профили

Бизнис-заедницата ја знае важноста на континуираното стекнување нови знаења и нивно преточување во конкурентна предност. Создавањето квалификувана работна сила е истовремено и највисок државен интерес затоа што човечкиот капитал е во основа на општествено-економскиот развој.
Гледано од оваа перспектива, дијалогот меѓу централната власт, локалните самоуправи и компаниите, што ќе се одвива во следните 20-ина дена во сите региони во државата, верувам дека ќе резултира со прецизно утврдување на реалните потреби за одредени стручни профили што ќе ги отвориме во средните стручни училишта во учебната 2022/2023 година. Ова го рече министерот за образование и наука, Јетон Шаќири, на денешната средба со претставници на коморите и бизнисот во главниот град.
„Среќен сум што во процесот на обезбедување квалификуван стручен кадар, баран на пазарот на труд, Министерството за образование и наука не е само, туку има безрезервна поддршка од швајцарската амбасада, Платформата за јавен-приватен дијалог, во која се артикулирани интересите на четирите најголеми стопански комори, а тука се и компаниите и локалните самоуправи. Заеднички и одговорно го приспособуваме образованието на современите потреби на пазарот на труд и ги враќаме атрактивноста и вредноста на средното стручно образование“, изјави министерот Шаќири.
Министерот нагласи дека пред почетокот на социјалниот дијалог, на прашалникот за заинтересираноста на компаниите да учествуваат во креирањето на дуалните паралеки за учебната 2022/23 година одговориле приближно 400 од нив, а дури 90 % од компаниите изразиле подготвеност да примаат ученици на пракса кај нив.
„На денешната средба во Скопје ќе ги чуеме барањата на компаниите за струките што им се потребни и ќе ги утврдиме можностите за нивно воспоставување од идната учебна година во средните стручни училишта. Наша цел е што поголем број компании да се вклучат во дуалното образование, кое преку практична работа ги подготвува средношколците директно да се вклучат во работа во позната работна средина. Освен зголемување на вработливоста на младите, средното стручно образование е проодно и кон високото образование“, укажа министерот.
Ова е втора година МОН да иницира дијалог на локално ниво, насочен кон унапредување на средното стручно образование. Во учебната 2021/2022 година бројот на дуални паралелки од 11 се зголеми на 97, со вклучени над 200 компании. Во дуални паралелки се запишаа 1.400 ученици, а збирно во средно техничко образование се запишаа 6 % повеќе ученици во однос на минатата учебна година. МОН како дополнителен стимул за учениците запишани во дуалните паралелки во средните училишта утврди месечна стипендија во висина од 3.500 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.
Македонија
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДС. Единствена разлика е што нема милиони за него и Заев од државниот буџет“, реагира ВМРО-ДПМНЕ на изјавите на Венко Филипче.
„Бројките се секогаш тврдоглави, а тие го говорат следното:
Растот на просечната нето-плата во период од последната година кога ВМРО-ДПМНЕ е на власт е 10.3%, за разлика од периодот кога СДС беше на власт, кога просечната плата порасна за 8.3%.
Уште поголем удар за СДС е фактот што реалниот пораст на просечната плата во период на ВМРО-ДПМНЕ е двојно поголем од периодот на СДС. Имено порастот на реалната плата во време на ВМРО-ДПМНЕ е 6.7%, за разлика од 3.5% во време на СДС. Тоа значи дека стандардот на граѓаните сега, е поголем од времето кога СДС беше власт.
Кога сме кај инфлацијата, и таму бројките се лоши за СДС. Имено во време на СДС инфлацијата во просек изнесувала 4.8%, за разлика од сега кога во просек е 3.6%.
СДС и Филипче може да лажат колку сакаат, но едно не можат да сменат, а тоа е реалноста“, се додава во реакцијата на ВМРО-ДПМНЕ.
Македонија
Муцунски – Кос: реформите поврзани со евроинтеграциите остануваат високо на домашната политичка агенда

Во рамки на дводневната работна посета на Брисел, министерот за надворешни работи и надворешна трговија, Тимчо Муцунски, денеска оствари средба со еврокомесарката за проширување на Европската Унија, Марта Кос.
Соговорниците ја нагласија силната поддршка за проширувањето на Унијата, и од страна на земјите членки и од страна на граѓаните на Северна Македонија – што го потврдуваат и наодите од последниот „Евробарометар“.
На средбата беше поздравен реформскиот пристап на Владата, особено исполнувањето на обврските од реформскиот процес и имплементацијата на Планот за раст. Муцунски нагласи дека реформите поврзани со евроинтеграциите остануваат високо на домашната политичка агенда, со силен фокус на владеењето на правото и борбата против корупцијата.
Изрази благодарност за личниот ангажман на еврокомесарката Кос во пристапниот процес, особено во контекст на нејзиното учество и поддршка на Самитот за Планот за раст, што неодамна се одржа во Скопје.
Соговорниците разменија мислења и за неодамнешното приклучување на државата кон СЕПА, како и за иницијативата за постепено укинување на роаминг трошоците помеѓу земјите од Западен Балкан и Европската Унија. Одлуката за оваа иницијатива се очекува на почетокот на 2026 година, како дел од бенефитите на постепената интеграција во Унијата.
На средбата се дискутираше и за актуелните регионални и глобални случувања, при што беше потврдена заедничката поддршка за Украина и заложбата за што побрзо постигнување на праведен и одржлив мир.