Македонија
Моторџиите го убедија Шилегов засега да не им наплаќа паркинг
Скопскиот градоначалник, Петре Шилегов, денеска се сретна со претставници на поголем број мото-клубови од Скопје, со кои разговараше за најавената одлука за регулирање на паркирањето за моторите.
Како што информираат од Градот, Шилегов ги образложил причините за ваквата потреба, со која, како што рекол, ќе им се овозможи на мотоциклистите, своите мотори безбедно да ги остават на паркинзите.
„Нашиот предлог е првата година оваа услуга да биде бесплатна, со цел да се изгради соодветна инфраструктура за паркирање, а потоа паркирањето на мотор за еден час да биде од 5 до 7 денари. Паркирањето на моторите кои се под 50 кубни сантиметри зафатнина, ќе биде бесплатно“, нагласил Шилегов.
Членовите на мото-клубовите, пак, ги образложиле своите причини зошто сметаат дека ваква одлука не треба да биде донесена.
За изнаоѓање на решение, Шилегов и мото-клубовите се согласиле да формираат заедничка работна група која првиот состанок ќе го има веќе утре. На неа ќе се дискутира и ќе се утврдат одлуки коишто ќе бидат во насока на регулирање на оваа област, зголемување на безбедноста и регулирање на сообраќајот, како и заштита на интересите на граѓаните во Скопје.
Градоначалникот Шилегов потенцирал дека ниту една одлука Градот Скопје нема да ја донесе нагло и истата ќе биде базирана на повеќе анализи и компарации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.