Македонија
Муцунски: Ветувам 100 процентна реализација на програмата до 2025 година

Еден од првите чекори кои ги преземавме заедно со претседателот на Советот, Дејан Митески е за градоначалникот и претседателот на Советот за првпат од постоењето на општина Аеродром да нема средства за репрезентации, да нема средства за патни трошоци, да нема користење на службено возило, да нема користење на службен мобилен телефон, бидејќи сметам дека такви чекори праќаат сигнал до граѓаните, дека промените се случуваат во културата на однесување кон институциите, вели Тимчо Муцунски, градоначалник на општина Аеродром на денешната дебата на тема „Локален економски развој“ која е во рамки на настанот „Важно е! Платформа за иднина“ која е дел од кампањата Важно е! Од тебе зависат промените.
Муцунски посочи дека укинале 8 маркици на локации каде што веќе имало повисок степен на урбанизација, и сите тие места ќе ги претвори во парк, додавајќи дека на локацијата Реонски центар Аеродром каде што требаше да бидат изградени три објекти, во моментот се изведува парк од над 6.000 метри квадратни.
Рековме дека ќе укинеме 8 маркици на локации каде што веќе имаше превисок степ на урбанизација и сите тие ќе ги претворивме во парк. Сега може да отидете на локацијата Реонски центар Аеродром каде што требаше да бидат изградени три објекти, во моментот се изведува парк и убеден сум дека веќе на почетокот на пролета во 2024 година, тој парк од над 6.000 метри квадратни ќе може сите аеродромци и сите скопјани да го користат, рече тој.
Муцунски истакна дека општина Аеродром има изградено повеќе спортски рекреативни центри на нејзината територија за разлика од Агенцијата за млади и спорт што има изградено на територија на цела Македонија.
Само општина Аеродром има изградено повеќе спортски рекреативни центри на нејзината територија, од Агенцијата за млади и спорт што има изградено на територија на цела Македонија. А, замислете колкав буџет има агенцијата, а колкав буџет има општината, потенцираше Муцунски и додаде:
Вложуваме во тоа што е најпотребно за граѓаните, отворивме еден голем објект детската градинка „Црвенкапа“. Вложуваме во реконструкција на сите основни училишта, како внатрешна реконструкција, така и енергетски ефикасни фасади, кои што обезедбуваат намалени сметки што значи поефикасно трошење на приходите. А, за прв пат од постоењето на нашата општина сите дотации и сите трансфери кои што пристигнуваат за образование и социјална заштита, се користат единствено за плати, до толку се намалени дотациите и трансферите. Во минатото 50 проценти биле за плати, а 50 проценти биле за инвестиции. Сега веќе општината се грижи и за инвестиции и за плаќање на сите сметки, а не се зема во каква состојба се наоѓа локалната самоуправа во нашата држава.
Градоначалникот Муцунски додаде дека во Извештајот на Европската комисија се критикува владата на СДСМ и ДУИ дека неангажираноста да се справи со проблемите за финансирање на единиците на локалната самоуправа односно дека не се преземени конкретни мерки, иако како што рече тој токму Европската комисија констатира дека најпогодени од енергетската и економската криза се единиците на локална самоуправа во Македонија.
Една работа која што помина незабележана од последниот Извештајот на Европската комисија е критиката која што и се даде на владата за неангажираноста да се справи со проблемите за финансирање на единиците на локалната самоуправа, дека не се преземани конкретни мерки, иако самата Европска комисија констатира дека најпогодени од енергетската и економската криза која што е глобално се единиците на локална самоуправа во Македонија. Затоа ние како политички субјект имаме план. Но прво во следниот период кој што доаѓа е многу значајно да мериме која е разликата на минатото тоа е СДСМ и ДУИ, а која е разликата на иднината тоа е ВМРО-ДПМНЕ, дециден е Муцунски
На крај, Муцунски додаде дека граѓаните не треба да се грижат бидејќи планот на ВМРО-ДПМНЕ е развој на локалната самоуправа, како и дека до крајот на мандатот до 2025 година во општина Аеродром ветува 100 процентна реализација на тоа што го ветил.
Не треба да се грижат граѓаните, бидејќи планот на ВМРО-ДПМНЕ за идниот развој на локалната самоуправа, предвидува конкретна методологија за средства од централниот буџет за локалната власта, за која што јас можам да гарантирам дека за Аеродром до крајот на нашиот мандат во 2025 година 100 процентна реализација на тоа што сме го ветиле, изјави Муцунски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Карпош и Центар

Од ЕВН Македонија АД известуваат дека денеска ( среда ) без електрична енергија ќе останат:
– во периодот од 09.00 до 11.30 часот, корисниците од ул. Анкарска бр. 31. ( општина Карпош )
– во периодот од 09.00 до 13.00 часот, корисниците од ул. Загребска. ( општина Центар )
Македонија
Сончево и потопло со мала до умерена облачност

Времето денеска ќе биде сончево и потопло со мала до умерена облачност. Ќе дува слаб до умерен ветер претежно од југозападен правец.
Минималната температура ќе биде во интервал од 6 до 17, а максималната ќе достигне од 28 до 35 степени.
Во Скопје, сончево со мала до умерена облачност. Ќе дува слаб до умерен ветер од југозападен правец. Минималната температура ќе се спушти до 13, а максималната ќе достигне до 33 степени.
Времето во наредните денови
До петок времето ќе се задржи претежно сончево и топло со постепен пораст на дневните температури. Ќе дува слаб до умерен ветер од јужен правец. Во сабота попладне и во текот на ноќта кон недела ќе биде нестабилно со локален пороен дожд и грмежи. Ќе дува умерен до засилен југозападен ветер, а во недела ветерот ќе го смени правецот во северен. Потоа следува период на стабилно и потопло време.
Македонија
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината

„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ која се обидува редовна и навремена набавка која се спроведува години наназад и се однесува на потребите на Армијата и СИТЕ угостителски објекти на Министерството и Армијата, вклучувајќи го и Домот на Армијата, авто камповите во Дојран и Охрид, како и Хотелот „Шар“ на Попова Шапка, да ја претстави во сосема поинакво светло. Првенствено, треба да се има предвид дека набавеното кафе и пијалоци во угостителските објекти кои се од отворен карактер за граѓаните, се во слободна продажба, а приходот од продажбата повторно влегува во македонскиот буџет“, реагира Министерството за одбрана на соопштението од политичката партија СДСМ.
„Впрочем, имајќи предвид дека последните седум години со Министерството раководеа кадри на оваа политичка партија, кои ги правеле ИСТИТЕ набавки, се поставува прашањето – дали тие не знаеле што прават, дали се „луксузирале“ со народните пари или сега се обидуваат да стават сомнеж на функционирањето и побарувањата од не било која, туку најценетата и најпочитуваната институција во државата – македонската Армија?
Фактите се следни:
Набавката на кафе и алкохолни пијалоци е спроведена во јавна и транспарентна постапка. Целата документација, вклучително и тендерската документација, договорите и одлуките се јавно достапни на Порталот за јавни набавки и секој граѓанин, новинар или институција може слободно да направи увид, анализа и споредба со набавките од претходните години.
Набавката се однесува на угостителски објекти од отворен тип, кои се користат во рамките на протоколарни, воени и меѓународни активности, а не за „удобност“ на министри, како што лажно се тврди.
Години наназад е спроведена ИСТА ТАКВА НАБАВКА, која оваа година (во споредба со 2023 година) е со многу помали количини, на пример: ставката за алкохолни пијалоци е намалена од 50 до 88 проценти, а жестоките алкохолни пијалоци кои претходно биле набавувани се целосно отстранети.
Сумата на договорот во 2025 година е намалена за 15 проценти во споредба со 2024 година и за речиси 40 проценти во споредба со 2023 година.
Прашањата кои се поставуваат се логични: Или раководството од СДСМ кое го предводело Министерството не знаело што работи и што набавува или политичката партија влегува во едно црно сценарио во кое се обидува да ја вметне и македонската Армија.
Ги повикуваме сите медиуми да не ги земаат предвид ваквите дезинформации кои се пласираат во јавноста особено од страна на политички партии. Борбата со дезинформациите и манипулацијата со фактите е нешто против кое треба сите заедно да се бориме вклучувајќи ги и политичките партии, а не тие да потекнуваат токму од овие кујни.
Се работи за македонските граѓани и за Македонија и токму затоа не смееме да дозволиме граѓаните да бидат излажани“, се наведува во реакцијата од Министерството за одбрана на соопштението од политичката партија СДСМ.