Македонија
На територијата на Македонија активни 10 пожари

Според последните податоци од Центарот за управување со кризи, до 13 часот на територијата на целата држава имало 14 активни пожари, од кои четири се изгаснати.
На територијата на државата има вкупно 14 пожари на отворен простор, од кои:
Активни: 10
Општина Македонски Брод 1: помеѓу с. Црешнево, с. Локвица и с. Слатин (деградирана дабова шума и грмушки);
Општина Македонски Брод 2: с. Самоков (опожарен лесно запалив материјал);
Општина Македонски Брод 3: с. Рамне (ниска вегетација, проширен од фабриката „Самоков“);
Општина Чашка: под Солунска Глава, помеѓу местата наречени Изворите на Бабуна и Бабина Дупка, каде што нема активен пламен, само чад во карпест дел (шумски пожар);
Општина Чучер-Сандево: помеѓу селата Блаце и Чучер (мешана шума и ниска вегетација);
Општина Дојран: с. Николич (нискостеблеста шума);
Општина Кавадарци 1: с. Крушевица (ниска вегетација);
Општина Кавадарци 2: с. Крњево (нискостеблеста вегетација);
Општина Велес: населба Речани (сува трева);
Општина Шуто Оризари: депонија.
Изгаснати: 4
Општина Бутел: с. Лубанци (ниска вегетација);
Општина Старо Нагоричане: (нискостеблеста шума и сува трева);
Општина Демир Хисар: Ново Село (помошен објект – плевна);
Општина Прилеп: с. Веселчани (сува трева).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожар на депонијата Дрисла, Ангелов смирува дека не е алармантно, но е сложено поради хемиските процеси

Пожар избувна на депонијата Дрисла.
Директорот на Дирекцијата за заштита и спасување, Стојанче Ангелов, рече дека пожарот не е алармантен, а скопската противпожарна бригада работи на негово гаснење.
Сепак, како што објаснува Ангелов, гаснењето на било која депонија е сложен процес поради хемиските и биолошките процеси кои се одвиваат во внатрешноста на депонијата како резултат на кои се создаваат запаливи гасови.
(Фото: илустрација, архива)
Македонија
Муцунски во Стразбур: Потврдена посветеноста за унапредување на демократијата

Министерот за надворешни работи и надворешна трговија, Тимчо Муцунски, во рамки на работната посета на Стразбур, денеска оствари одвоени средби со Генералниот секретар на Парламентарното собрание на Советот на Европа, Деспина Шацивасилиу, и со Вицегувернерот на Банката за развој на Советот на Европа (CEB), Томаш Бочек.
На средбата со Генералниот секретар Деспина Шацивасилиу беше потврдена посветеноста на Република Северна Македонија за унапредување на демократијата, владеењето на правото и човековите права, како и активното учество на нашата држава во рамки на Парламентарното собрание на Советот на Европа.
Со Вицегувернерот Томаш Бочек беше нагласена континуираната поддршка и конструктивната соработка со Банката за развој на Советот на Европа преку реализираните проекти на CEB во Северна Македонија. Воедно, беа разгледани конкретните можности за понатамошно продлабочување на оваа соработка во контекст на европската интеграција и регионалната стабилност.
Македонија
Откако Филипче замина во Франција да лобира за Македонија, владата падна, очекуваме да видиме каков Француски предлог ќе донесе повторно, велат од ВМРО-ДПМНЕ

Откако Венко Филипче замина во Франција, владата падна, велат од ВМРО-ДПМНЕ.
„И откако Венко Филипче отиде да лобира за Македонија очекуваме да видиме како ќе излобира, и каков Француски предлог повторно ќе донесе, откако еднаш веќе ја забетонираа државата во место со нивното лобирање.
Исто така очекуваме да видиме како Венко Филипче ќе ги заштити Македонските интереси откако еднаш ги избриша“.
Според ВМРО-ДПМНЕ, кога Венко Филипче лобира за Македонија и македонските интереси, народот главата го боли цела година потоа.