Македонија
„Неизвесна е судбината на 5.000 работници во РЕК ‘Битола’“, велат од партијата Левица
„Иако енергетската криза ги изнесе на површина слабостите на државните енергетски капацитети поради негрижата на сите власти, очигледно е дека Владата на СДС и ДУИ, без никаква стратегија и научен пристап, продолжува со погубните политики. Последниот чекор во низата катастрофални политики на владата во заминување е донесувањето на Инвестицискиот план за забрзана транзиција од јаглен, со кој Владата ноншалантно се обврзува да го затвори РЕК Битола до 2030 година“, соопшти партијата Левица.
„Како што реагира и самиот синдикат на вработените во РЕК Битола, ваквата избрзана мерка, без никаква стратегија, сигурно ќе ја доведе Републиката во подредена положба и целосно зависна од увоз на енергија. Доколку криминогената власт се консултираше со експерти, истата ќе беше свесна дека капацитетите на РЕК Битола за снабдување со електрична енергија во овие услови се незаменливи. Директна причина за тоа е немањето никакви инвестиции изминатите 30 години во домашни капитални проекти, кои имаат капацитет да го заменат работењето на РЕК Битола.
Еден од таквите проекти, кои имаат потенцијал во иднина да го олеснат работењето на оваа термоелектрана е токму проектот Чебрен-Галиште, кој ниту една власт досега немаше капацитет да го спроведе, иако истиот е стратешки проект за енергетската стабилност и одржливост на државата! Налудничаво е државата да се обврзува на затворање на термоелектраните, без никаква научна стратегија и модел за целосно искористување на хидропотенцијалот.
Левица целосно се залага за постепена транзиција кон еколошки извори на енергија и затоа, како политичка партија, бевме најгласни против скандалозната одлука за оттуѓување на Чебрен. Дополнително, јавно прашуваме кога Владата се обврзала на оваа погубна одлука, дали во предвид ја имала судбината на 5.000 вработени токму во РЕК Битола? Вакви крупни одлуки мора да бидат донесени со комплетна и детална стратегија за пренасочување на работниците кои ќе ги изгубат своите работни места.
Владата во заминување имаше осум години да започне со изградба на капитални хидроенергетски објекти, во сопственост на државата, со која не само што ќе се гарантираше енергетската независност на Републиката – туку на овој начин ќе се реализираше транзицијата кон обновливи извори на енергија. Ваквите избрзани и непромислени чекори за затворање на РЕК Битола, без притоа да не се инвестира ниту денар во домашни капацитети, единствено значи да се остават 5.000 работници на улица и Македонија да стане целосно увозно зависна од енергија, каде цехот ќе го плаќаат граѓаните преку повисоки сметки.
Левица, за разлика од триото СДС-ДПМНЕ-ДУИ, кое има унифициран став „Чебрен-Галиште” да го гради концесионер, се залага овој стратешки проект да го гради државата, а паралелно државата да изгради стратегија за квалификувана обука и дообука на кадри, со што ниту еден работник нема да остане на улица и ќе биде инкорпориран во системот на транзиција кон зелена енергија“, се наведува во соопштението на партијата Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова во Тирана на самитот на шефови на држави и влади на земјите од ПСЈИЕ
Претседателката Гордана Сиљановска-Давкова од денеска престојува во работна посета на Тирана, Албанија каде што ќе учествува на Самитот на шефови на држави и влади на учесниците во Процесот за соработка во Југоисточна Европа (ПСЈИЕ).
Таа ќе се обрати на пленарната сесија на тема: „Поттикнување на стабилноста и просперитетот преку регионална соработка и интеграција во ЕУ“, како и на заедничката прес-конференција со албанскиот и со бугарскиот претседател, Бајрам Бегај и Румен Радев, во својство на претседатели на државите коишто се претходен, актуелен и иден претседавач со Процесот за соработка во Југоисточна Европа.
Домаќин на Самитот е албанскиот претседател Бајрам Бегај. Покрај македонската претседателка Сиљановска-Давкова, предвидено е да учествуваат: претседателката на Словенија, Наташа Пирц Мусар; претседателот на Црна Гора, Јаков Милатовиќ; претседателката на Косово, Вјоса Османи Садриу; претседавачката со Претседателството на БиХ, Жељка Цвијановиќ; претседателот на Бугарија, Румен Радев; претседателот на Владата на Србија, Ѓуро Мацут, како и заменик-претседателот на Владата и министер за надворешни работи на Молдавија, Михаи Попсои.
На Самитот ќе учествуваат и министрите за надворешни работи: на Турција, Хакан Фидан, на Грција, Јоргос Герапетритис; на Романија, Емилиан Хоратиу Хурезеану; државниот секретар во Министерството за надворешни и европски работи на Хрватска, Фрањо Матушиќ; генералниот секретар на Регионалниот совет за соработка, Амер Капетановиќ и шефот на делегацијата на ЕУ во Тирана, Силвио Гонзато.
Во рамки на работната посета на Албанија, Сиљановска-Давкова во Тирана ќе оствари средба со претставници на македонското национално малцинство во Албанија, на Македонската алијанса за европска интеграција, на македонското друштво „Илинден“ – Тирана, како и со македонски дипломати и професори.
Македонија
Ѓорѓиевски: Бесплатно летување за најуспешните спортисти
Градоначалникот на Кисела Вода, Орце Ѓорѓиевски извести дека и оваа година продолжуваат со успешната пракса на наградување на младите спортски таленти со бесплатно летување, како дел од стратегијата за поддршка на спортот и здравиот начин на живот.
„Победниците во Лигата на училишен спорт, која опфаќа натпревари во кошарка, фудбал, одбојка и ракомет во машка и женска конкуренција, ќе имаат можност да летуваат во Извидничкиот Центар во Охрид.
Се работи за прваците за учебна 2024/2025 во:
ракомет – жени ООУ ,,Кузман Шапкарев”;
ракомет – мажи ООУ ,,Кирил Пејчиновиќ”;
кошарка ООУ ,,Кузман Ј. Питу”;
одбојка ООУ ,,Партенија Зографски”
фудбал ООУ ,,Кирил Пејчиновиќ”
Спортот ги подобрува физичкото и менталното здравје на децата, но создава и другарства, дисциплина и тимски дух. Со обезбедување бесплатно летување не само што ги наградуваме нивниот труд и посветеност, туку и дополнително ја поттикнуваме спортската култура во училиштата.
Ова е дел од нашата стратегија за поддршка на младите и како општина ќе продолжиме со мерки што ќе овозможат уште поголема афирмација на спортот и негов развој во нашите училишта“, напиша на својот фејсбук профил градоначалникот на општина Кисела Вода, Орце Ѓорѓиевски.
Македонија
Повикот за доделување награда за младинско учество е отворен
Министерство за социјална политика, демографија и млади (МСПДМ) во соработка со Националниот младински совет на Македонија (НМСМ) ја доделуваат овогодинешната Награда за младинско учество.
Наградата се доделува во три категории:
- индивидуална категорија (млади на возраст 15-29);
- категорија за неформални групи на млади (од најмалку 3 членови) и
- категорија за младински организации, организации за млади и чадор младински организации.
Наградата има за цел да го препознае и валоризира трудот на младите при адресирање на различни општествени прашања. Истата ќе биде доделена за активности и иницијативи што номинираните лица ги реализирале во периодот јуни 2023 – мај 2025.
Висината на Наградата за младинско учество по категории е следната: 1.000 евра за индивидуална категорија; 3.000 евра за неформални групи на млади и 3.000 евра за младински организации.
Рокот за поднесување на номинации е од 16 до 30 јуни, 2025 година.
За условите и критериумите за Наградата за младинско учество повеќе детали на следниот линк: https://shorturl.at/elsC4
Поднесувањето на вашата номинација можете да го направите на следниот линк:
Иран се повлекува од договорот за неширење на нуклеарно оружје
Портпаролот на иранското Министерство за надворешни работи, Есмаил Багеј, денес изјави дека иранскиот парламент подготвува закон за повлекување од Договорот...
„За „аудито“ на Филипче од 130.000 евра – повластен третман, за автомобилите на Мирчевски – кривичен прогон“, ВМРО-ДПМНЕ бара Обвинителството да отвори постапка
„ЈО е селективно во однос на постапките за аудито од 130 000 евра поклон на Венко Филипче од фирмата Зобек...
„Вината за Кочани е во врвот на МВР“, СДСМ бара оставки од Тошковски и од Јанев и кривична одговорност
„Речиси четири месеци, Мицкоски и Тошковски се обидуваа да ја сокријат вистината за Кочани и да ги заштитат полициските функционери...
Серија земјотреси почувствувани во Охрид
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Поранешен израелски дипломат: Трамп може да му се јави на Нетанјаху и да му каже – доста е
Алон Пинкас, поранешен израелски дипломат и советник на двајца премиери, изјави дека американскиот претседател Доналд Трамп има моќ да го...
Клучното прашање е каде Иран скрил 400 килограми збогатен ураниум, вели експерт
По израелските воздушни напади врз иранските нуклеарни постројки, поранешниот заменик-генерален директор на Меѓународната агенција за атомска енергија (МААЕ), Оли Хејнонен,...
Аналитичар: Иранските ракети ги пробиваат сите слоеви на израелската воздушна одбрана
Континуираните ирански ракетни напади врз Израел покажуваат дека силите на Техеран можат да се прегрупираат дури и откако Израел уби...
Израелскиот министер за одбрана се закани: „Граѓаните на Техеран ќе ја платат цената, и тоа набргу“
Израелскиот министер за одбрана Израел Кац денес повторно му се закани на Иран, велејќи дека „народот на Техеран ќе ја...
(Фото) Шок и страв во Тел Авив по жестокиот ирански напад
Улиците на Тел Авив утрово беа покриени со урнатини, со сцени на страв, вознемиреност и хаос по најновиот бран ирански...
Иранските медиуми: Ајатолахот Хамнеи се крие во бункер северно од Техеран
Неколку часа откако Израел ги започна нападите врз Техеран во раните утрински часови во петокот, врховниот лидер на Иран Али...
Израел: Го нападнавме седиштето на елитната единица на Иранската гарда во Техеран
Израелската војска објави дека нејзините борбени авиони извршиле напад врз седиштето на Кудс силите во Техеран, тврдејќи дека таму се...
Иран: Не сакаме да преговараме за прекин на огнот додека сме под израелски напади
Иран им соопшти на посредниците Катар и Оман дека не е отворен за преговори за прекин на огнот додека е...
(Видео) Четворица мртви, десетици повредени во ракетните напади врз Израел во текот на ноќта
Четири лица – две жени и двајца мажи – беа убиени во најновите ракетни напади врз централен Израел, потврдија службите...
Макрон ја отфрла идејата на Трамп за Путин да биде посредник во мирот меѓу Иран и Израел
Францускиот претседател Емануел Макрон синоќа изјави дека Русија нема кредибилитет да посредува во конфликтот меѓу Израел и Иран како што...
(Видео) Иранците масовно бегаат од Техеран: „Ова не е моја војна“
По израелските напади врз Техеран вчера, многу жители се обидуваат да избегаат од градот и да побараат засолниште во пооддалечени...
Ердоган повика на итно запирање на конфликтот меѓу Израел и Иран
Турскиот претседател Реџеп Таип Ердоган денеска телефонски разговарал со американскиот претседател Доналд Трамп, и повикал на „итна акција“ за да...
Иран попладнево започна нов бран ракетни напади врз цели во Израел
Иран попладнево започна нов бран ракетни напади врз цели во Израел, објави иранската новинска агенција Фарс. Во Тел Авив и...
Алиу: Aко влезете во чекална на Онкологија тоа личи на се, само не на Клиника која треба да која треба да лекува такви пациенти
Министерот за здравство Азир Алиу, на денешната прес-конференција најави дека ќе се дисперзираат базичните услуги за онколошките пациенти низ државава,...
Русија и предаде на Украина уште 1.200 тела на украински војници убиени во војната
Русија денеска и предаде на Украина уште 1.200 тела на украински војници убиени во војната, објавија руските новински агенции ТАСС...
Вкупно 22 лица досега побарале асистенција за напуштање на Израел и враќање во Македонија
Вкупно 22 лица досега побарале асистенција за напуштање на територијата на Израел и враќање во Македонија. Станува збор за државјани...
