Македонија
„Не е сѐ во брзината!” – шести пат викендов ќе се одржи бавна трка со мотори

Шести пат ќе биде одржана бавната трка со мотори, настан со наслов „Не е сè во брзината!“
Трката ќе се одржи в недела, со почеток во 11 часот, пред мото-клубот „Вепар“.
Главната точка на оваа манифестација е бавната трка од едукативен карактер, која има цел да ја подигне свеста на сите учесници во сообраќајот, особено мотоциклистите, укажувајќи на потенцијалната опасност од управување со голема брзина, а е организирана од мото-клубот „Вепар“ веќе 6 години.
Трката ќе се одвива во 4 категории, и тоа:
– мотоцикли до 50 см 3
– мотоцикли од 51 до 500 см 3
– мотоцикли од 501 до 1.000 см 3
– мотоцикли поголеми од 1.000 см 3
Трката ќе се одвива на начин на кој истовремено ќе се натпреваруваат по двајца учесници по систем на елиминација
– победникот продолжува со натпреварување;
– победник е оној што побавно ќе стигне до целта.
Правила:
– учесникот не смее да испадне од обележаната траекторија;
– учесникот не смее да допре со нога на земјата (со самото допирање се елиминира од трката);
– учесникот што последен ќе ја помине целта е победник.
Сите заинтересирани за учество во мото-трката „Бавна трка Vol. 6“, може да се пријават на штандот пред патеката во просториите на клубот, помеѓу 10 и 11.30 часот на денот на настанот.
Агенда:
– 10-11.30 часот – ПРИЈАВУВАЊЕ
– 12 часот – официјално почнување на трката
– 14 часот – почеток на забавна програма со музика, скара, пивце и дружба
– 19 часот – затворање на настанот
Учеството е бесплатно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“: Бујар Османи го вети автопатот Скопјe-Блаце, но донесе само лаги

„Поминаа 5 години, 7 месеци и 8 дена од свеченото потпишување на договорот за „првите 2 километри“ на автопатот Скопје – Блаце, а ветувањето на Бујар Османи со кое се фотографираше и политички се фалеше остана нереализирано“, велат од „Влен“.
„ФБ сесии, фотографи, изјави, скапи видеа, но резултати нула. Тоа е Бујар Османи. Ветуваа автопати, оставија само албуми со слики. Ветуваа нови болници, оставија семејни трагедии. Ветуваа водоводи, оставија пустош.
Бујар Османи беше министер во владата на Груевски, вицепремиер за европски прашања и министер за надворешни работи кај Заев и Ковачевски, вкупно повеќе од една деценија на највисоки државни функции. За тоа време немаше резултати за овој проект, ниту за албанските општини за кои најмногу ветуваше. Имаше Фејсбук сесии, снимени видеа и лажни ветувања, а резултати нула.
Доста беше со промотивни настани на лажни големи ветувања. Бујар Османи нема што да покаже како резултат зад себе, нема реализирани проекти, нема изградено ништо, нема помогнато никому.
Бујар Османи е политичар кариерист, без резултати. Неговите ветувања денес за Чаир се исти како ветувањето за автопатот кон Блаце пред пет и половина години. Празни“, се наведува во соопштението на „Влен“.
Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.