Македонија
Не се смета за министер за инфраструктура, но за Меџити решение на хaосот во Клинички е катна гаража

Не сум министер по по инфраструктура, но проблемот со паркингот мора да се реши. Вака министерот за здравство, Фатмир Меџити одговори на прашање за изнаоѓање решение со хаосот на паркингот пред Клиничкиот центар „Мајка Тереза“ во Скопје.
Вели дека нема да се прави подземна, туку катна гаража, а прашан каде е проблемот и дали има сопка од други институции или тендери се во прашање, министерот ја посочи бирократијата и зборуваше за префрлање на проблемите од институција во институција.
„Замислете се отворила една дупка кај Максофасцијална. Се јавувам не знаат кој е одговорен, се јавуваме во Општина Центар викаат не сме одговорни, се јавуваме во Град Скопје викаат не сме одговорни. Се јавуваме ваму се јавуваме таму. Велам: ‘Aло ќе падне некој ќе се скрши, тогаш што правиме кој ќе одговара за тоа, јас ли ќе бидам одговорен?’. Пратив луѓе, најдов начин тоа некако да го закрпиме, знаете тоа е нашата мила држава. Ние имавме тогаш еден идеен проект, направивме физибилити, другите процедури ги знаете подобро од мене како течат“, рече Меџити.
Појасни дека паркингот кај Клинички повеќе не е во надлежност на Градски паркинг, а не се знае дали со него ќе стопанусуваат заеднички служби или приватни.
„Не знаеме за тоа, ќе видиме кој ќе даде најдобри услови најбрзо да се гради за пациентите. Знаете што, во овој случај мене ми е битна брзината и квалитетот. Значи да биде брзо и квалитетно изградено. Катни гаражи кои ќе бидат монтажни, за да можат пациентите да се паркираат и да не го имаме тој хаос што стварно не го заслужуваме, ни како граѓани, ни како пациенти ни како држава“, додаде министерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Аеродром и Сопиште

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, корисниците од ул. Црноризец Храбар. (општина Аеродром)
– во периодот од 09.00 до 14.00 часот, корисниците од ул. 11 во Горно Соње. (општина Сопиште)
Македонија
Променливо облачно со слаб северен ветер, попладне врнежи од дожд

Променливо облачно со слаб до умерен ветер претежно од северен правец. Попладне ќе има локални врнежи од дожд, кои во текот на ноќта ќе се прошират насекаде и наместа ќе бидат пообилни. Минималната температура ќе биде во интервал од 4 до 14, а максималната ќе достигне од 15 до 20 степен.
Во Скопје, променливо облачно со слаб северен ветер. Кон крајот на денот, а особено во текот на ноќта ќе има врнежи од дожд. Минималната температура ќе се спушти до 10, а максималната ќе достигне до 19 степени.
Времето во наредните денови
До петок под влијание на влажен бран ќе има врнежи од дожд, кои наместа ќе бидат обилни. Вкупно од овој бран се очекува на повеќе места да наврнат над 30 l/m², а локално и над 50 l/m². Поради продор на постудена воздушна маса од север и засилен северен ветер, во четврток на повисоките планини врнежите ќе преминуваат во снег, а поради натамошно спуштање на студен воздух, во петок ќе има услови да преминуваат во снег и на некои од повисоките места. На повисоките планини ќе се формира снежна покривка.Температурата на воздухот значително ќе опадне. Во деновите од викендот ќе има стабилизирање на времето со пораст на дневната температура
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект на приклучна цевка на булеварот Партизански Одреди бр. 59а, без вода ќе останат корисниците лоцирани на десната страна на потегот од булеварот 8-ми Септември до Франклин Рузвелт. (општина Карпош)
Водоснабдувањето ќе биде прекинато во периодот од 09.00 часот па се до отстранување на дефектот.