Македонија
Николовски – Оздемир: Обединети во изнаоѓање нови можности за полесно надминување на кризата со храна

Министерот за земјоделство, шумарство и водостопанство, Љупчо Николовски, одржа работна мултилаерална средба со сојузниот министер за земјоделство и храна на Германија, Џем Оздемир, во рамките на министерстката конференција Global Alliance for Food Security, која се одржува денеска во Берлин.
На состанокот министрите разговараа за заеднички да се креираат одлуките за сите предизвици, да креираме мерки и политики што ќе му помогнат на земјоделскиот сектор. Министрите разговараа и за продолжување на поддршката и релизацијата на капиталните инвестиции, кои се финансирани од KfW.
Војната во Украина предизвика сериозен удар во економиите на државите, проблеми и криза со храна и големо нарушување на цените. Земјоделството е токму еден од најпогодените сектори преку поскапувањето на основните суровини за производство. Во овие услови на светска криза земјите меѓусебно треба да соработуваат споделувајќи искуства и креирање заеднички политики за полесно справување со последиците од кризата.
Министерот Николовски на средбата го информира грманскиот сојузен министер за земјоделство и храна, Оздемир, за мерките што Владата на Република Северна Македонија ги подготви за поддршка на земјоделците.
„Заедно со земјоделците и стучната јавност, како Министерство, подготвивме национален план за производство на храна чија цел е стабилизирање и зголемување на домашното производство на храна, пред сè, на стратешките култури. Подготвивме и инфервентен фонд за поддршка на земјоделците за што сме прва земја во регионот со ваква мерка, преку што им помагаме на земјоделците во производството при набавка на ѓубриво, но и даваме поддршка за зголемен принос на стратешки култури. Поддршката за секој еден земјоделец што ја даваме во овие услови на криза им дава сигурност и интересот кај нив за мерките од интервентниот фонд е голем“, истакна министерот Николовски.
Министерот Љупчо Николовски на средбата истакна дека очекува од оваа министерска конференција да произлезат многу нови можности за полесно надминување на оваа сериозна светска криза.
Преку иницијативата „Отворен Балкан“ се зајакна соработката меѓу земјите од Западен Балкан, инфомира на средбата министерот Николовски. Првичните трилатерални договори меѓу Северна Македонија, Србија и Албанија го олеснија увозот и извозот на стоки меѓу земјите од Западен Балкан отоврајќи слободен пазар за труд и услуги.
„Постигнат е голем напредок благодарение на нашите заеднички заложби, политички и експертски, ги решаваме успешно отворените прашања креирајќи слободен пазар за полесно движење на стоки и услуги меѓу земјите од Западен Балкан. На овој начин, на долг рок, обезбедуваме сигурна иднина и достоинствен живот на сите граѓани во Западен Балкан. Затоа, иницијативата „Отворен Балкан“ полека ги дава очекуваните цели, тоа го говори и фактот што расте интересот на другите земји од Западен Балкан за приклучување кон оваа иницијатива со Црна Гора и Босна и Херцеговина“, истакна министерот Николовски.
Договорот за соработка во областа на ветеринарството, безбедноста на храната и добиточната храна и фитосанитарноста на Западен Балкан е особено важен за напредокот на иницијативата за отворен Балкан преку зелените коридори на граничните премини, заемното признавање на сертификатите и заемното признавање на фитосанитарните сертификати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка

„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на Бугарија, Гроздан Караџов, а понатаму и работните групи од двете земји, се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка“, велат од Владата.
„Во рамки на тие активности, денеска Владата на седница донесе одлука да се ефектуира Договорот за грант за техничка поддршка во висина од 3,7 милиони евра добиен од Европската Инвестициска Банка.
Со ова, избраниот Консултант во следниот период ќе изработи нова проектна документација, како и подготовка на тендерската постапка за избор на изведувач.
Дополнително да се забрзаат активностите, ЈП за Железничка Инфраструктура ќе започне постапка за избор на Надзор на изградбата.
Преку овие активности, Владата во континуитет покажува цврста заложба во реализација на стратешко-инфраструктурните проекти за државата.
Изградбата и модернизацијата на железничката мрежа е приоритет на Владата и во рамките на тие приоритети се преземаат засилени активности за доизградба на железницата на Коридор 8, како и изградба на брза пруга на Коридор 10.
Овие проекти кои имаат и регионално значење ќе ја позиционираат државата како транзит земја на Балканот- дел од европските транспортни рути со што бенефитот е повеќекратен.
Проектите за развој и модернизација на целокупниот железнички систем претставуваат стратешки проекти на државата за регионално поврзување, забрзан економски развој и отворање на нови пазари за домашните компании“, соопштува Владата.
Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.
Македонија
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДС. Единствена разлика е што нема милиони за него и Заев од државниот буџет“, реагира ВМРО-ДПМНЕ на изјавите на Венко Филипче.
„Бројките се секогаш тврдоглави, а тие го говорат следното:
Растот на просечната нето-плата во период од последната година кога ВМРО-ДПМНЕ е на власт е 10.3%, за разлика од периодот кога СДС беше на власт, кога просечната плата порасна за 8.3%.
Уште поголем удар за СДС е фактот што реалниот пораст на просечната плата во период на ВМРО-ДПМНЕ е двојно поголем од периодот на СДС. Имено порастот на реалната плата во време на ВМРО-ДПМНЕ е 6.7%, за разлика од 3.5% во време на СДС. Тоа значи дека стандардот на граѓаните сега, е поголем од времето кога СДС беше власт.
Кога сме кај инфлацијата, и таму бројките се лоши за СДС. Имено во време на СДС инфлацијата во просек изнесувала 4.8%, за разлика од сега кога во просек е 3.6%.
СДС и Филипче може да лажат колку сакаат, но едно не можат да сменат, а тоа е реалноста“, се додава во реакцијата на ВМРО-ДПМНЕ.