Македонија
Николовски: Субвенција до 90%, повеќе за сите се и мерките за помали сметки на струја за граѓаните и компаниите
4 милиони евра дневно, наредните месеци се на располагање кон сите граѓани со деветиот пакет антикризни мерки вреден 622 милиони евра, кој опфаќа и конкретни мерки во делот на енергетиката и поддршка на граѓаните за помали сметки за струја, рече на денешната прес конференција Дарио Николовски, член на ЦО на СДСМ.
Затоа што СДСМ се граѓаните, и буџетот е од граѓаните за граѓаните. Овие мерки значат силна поддршка за граѓаните и фирмите, особено се добредојдени во услови на продолжени ефекти од енергетската криза.
90% ја субвенционираме цената на струјата за 600.000 домаќинстава, а субвенционирани сметки добиваат и 63.000 мали потрошувачи.
Го штитиме стандардот и обезбедуваме предвидливост за малите потрошувачи што се на регулиран пазар затоа што тоа се семјни фирми кои се витална алка во економијата на нашата држава.
СДСМ обезбеди и финансиската поддршка за домаќинствата со ниски приходи за субвенционирање на сметките за електрична енергија на најранливите граѓани. Со оваа мерка 1.200 денари месечно во следните месеци добиваат домаќинства со ниски приходи, корисници на помош, социјална пензија.
Дополнително, околу 5.000 ранливи семејства, потрошувачи на струја, добиваат директна финансиска поддршка за покривање на дел од потрошената енергија.
За поттикнување на енергетската ефикасност и обновливи извори на енергија обезбедена е поддршка од 1.1 милион евра за инвестиции во фотонапонски панели, соларни системи и инсталација на ПВЦ прозори.
За малите и средните претпријатија обезбедуваме поволно кредитирање преку зелена обврзница за инвестиции во проекти за енергетска ефикасност и обновливи извори на енергија . Со СДСМ секој добива повеќе.
Реални мерки и таргетирана помош кон ранливите семејства, ја поттикнуваме енергетска ефикасност и ја зголемуваме поддршката на компаниите за зелена енергија. Ние во СДСМ сме горди на тоа.
Немаме инвестции во рајски градини, ниту пак реклами за државните енергетски компании, за нас единствен капитален влог кон кој ги димензионираме мерките е граѓаните да имаат ниски сметки, и да обезбедиме зголемено производство на струја.
Сите овие мерки и политики се надополнуваат на успешните енергетски политики. Со инвестициите во енергетиката, новите проекти, го зголемуваме домашното производство на енергија за помалку од една година со над 150% раст на инсталираниот капацитет од обновливи извори обезбедени преку поволна клима и олесување на процедурите за зајакнат инвестициски циклус кој дава резлутати: зголемена енергетска незавсиност и за една третина намален увоз.
Тоа е грижа за сите, и е вистински патриотизам на дело, рече Николовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.