Македонија
Новата претседателка на антикорупциската комисија: За нас, важно е секоја иницијатива да заврши со правосилна судска одлука

Државната комисија за спречување на корупцијата (ДКСК) ќе работи независно и објективно и нема да дозволи притисоци и влијанија, изјави новата претседателка на антикорупциската комисија, Татјана Димитровска.
Таа рече дека ѝ претставува чест и задоволство да работи во институција која во минатото докажа дека е поставена на високи професионални стандарди.
„Се надеваме дека со нашиот личен и професионален капацитет ќе придонесеме за зголемување на интегритетот на државата“, рече Димитровска.
Новата претседателка истакна дека ДКСК сама како институција не е доволна за да се заштити државата од корупцијата, која е генератор на многу проблеми во општетството, и во таа насока ги спомена медиумите, владините институции и граѓаните, кои се од особена важност за успех во борбата.
Како што посочи, значајна алка во целиот систем е и Јавното обвинителство, при што за ДКСК е важно секоја иницијатива или поведена постапка да заврши со правосилна судска одлука.
„Нема да потклекнеме на притисок, ќе бидеме транспарентни и одговорни“, тврди претседателката.
Димитровска, која доаѓа од позицијата државен ревизор, пред медиумите истакна дека нејзината мотовација е лична и професионална имајќи го предвид нејзиното долгогодишно искуство во ревизијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.