Македонија
Новогодишно обраќање на вицепремиерот Битиќи: Солидарноста и сплотеноста сите не прават победници , овие вредности нека не водат низ новата година
Заменик-претседателот на Владата, задолжен за економски прашања, координација на економските ресори и инвестиции, Фатмир Битиќи, на сите граѓани им ја честита новата 2024 година, за која вели дека е шанса за нов почеток, и да ja искористиме за убави мисли, почит, одговорност и грижа еден за друг, во нашата секојдневна работа и живот.
„Мојата желба е низ оваа година да не водат позитивните вредностите кои не дефинираат сите нас како граѓани на земјава, секој со сопствен белег и придонес кон создавањето на подобро утре. Ова е мојата водилка овие три и пол години како вицепремиер во Владата, која вие ја препознавате како Влада која решава кризи и работи за вашата благосостојба“, вели Битиќи. Вицепремиерот Битиќи во новогодишното обраќање рече дека она што ја прави различна социјалдемократијата, е грижата и поддршката за најранливите. „Затоа сум исклучително горд на мерките со кои граѓаните од ранливите категории полесно ги презимуваат зимите. Овие мерки, кои ги носиме во криза, значат повеќе пари кај оние на кои им е најпотребно, кога им е најпотребно. Не забораваме никој. Помагаме во криза, но одговорно мислиме и на иднината. Токму затоа се фокусиравме и на зголемување на платите. Растот на платите во овие шест години никогаш не бил поголем, и тие ќе продолжат да растат“, вели Битиќи. Вицепремиерот Битиќи се осврна и на напорите на Владата за создавање на предвидливост и за оние кои се дале себеси и својот труд за ова општество. „Затоа донесовме нова методологија за покачување на пензиите, за сите наши пензионери, согласно стандардот за живот. Солидарноста и сплотеноста сите не прават победници. Ова се позитивните вредности со кои ќе надвладееме над поделеноста и разединетоста. Вака ќе чекориме кон иднината, мислејќи на нашите деца, свесни дека токму тие, нашите деца, ќе живеат со последиците од нашите постапки денес. Затоа, за себе потврдувам, но и на сите на кои ни е доверена привилегијата да носиме одлуки, не повикувам, да постапуваме одговорно со нивната иднина, иднината на нашата држава. Да ја направиме да биде светла, јасна, извесна. Ви посакувам Среќна Нова 2024 година“, вели во новогодишното обраќање заменик-претседателот на Владата, задолжен за економски прашања, координација на економските ресори и инвестиции, Фатмир Битиќи.©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: ВЛЕН единствена албанска опција на 8ми мај, промената доаѓа
Првиот човек на Алијансата за Албанците Арбен Таравари во презентацијата на изборната програма на ВЛЕН рече дека оваа програма вреди и за луѓето и за програмата.
Таравари истакна дека сегашниот Устав има недостатоци и не ја претставува реалноста во државата. „Убедени сме дека сегашниот Устав има недостатоци, ограничен е и во многу делови не ја претставува денешната политичка, социјална и етничка реалност во државата“, рече Таравари.
Таравари потенцира дека промената е неопходна, додека заедно со промената мора да се смени и Уставот за да почнат преговорите со ЕУ.
“Ќе започнеме голема дебата и ќе изградиме консензус за нов, подемократски и модерен Устав, кој ќе ја редефинира државата како рамноправна држава на две мнозински заедници“, рече Таравари.
На крајот Таравари нагласи дека на 8ми мај на изборите има само една албанска опција а тоа е коалицијата ВЛЕН.
Македонија
Битиќи: Резултатот е нула-нула, a на 8-ми мај заеднички одлучуваме за победникот
„Резултатот е нула-нула, сè уште немаме победник или поразен. Нашата битка за европска Македонија не е завршена. Нашата држава е мала земја, но влогот на 8-ми мај е голем“, порача на денешните средби со жителите на скопската општина Бутел, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој порача дека е опасен патот по кој ВМРО-ДПМНЕ сака да ја води државата, а тоа е кон изолација, кон унгарско сценарио, кон национализми кои разделуваат.
„СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда“, рече Битиќи.
Тој ги потсети граѓаните на 27 април пред седум години, кога се случи упадот во Собранието и обидот за рушење на уставниот поредок по покровителство на ВМРО-ДПМНЕ.
„Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8-ми мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество, “ порача Битиќи.
Македонија
Карапејовски: Сите граѓани треба да имаат слободен пристап до здраствените услуги
Движењето ЗНАМ – за наша Македонија организираше трибина во просториите на Европскиот Универзитет насловена “Борба со остеопорозата со помош на витаминот Д – неговото височество” предводена од проф. Д-р. Јасмин Циривири – кандидат на пратеничката листа а ЗНАМ во изборната единица 1 и прим. Д-р. Маја Панајотовиќ Радевска.
Трибината беше посетена во голем број, каде што граѓаните покажаа голем интерес за активности од овој вид и исто така ја дадоа својата целосна поддршка за ЗНАМ.
На граѓаните им се обрати и носителот на изборната единица 1 од ЗНАМ – Д-р. Бобан Карапејовски, кој посочи “Сите граѓани треба да имаат слободен пристап до здраствените услуги. Пациентите не треба да бидат клиенти и потребно е пациентите да добијат услуги кои што се квалитетни и достоинствени”.
Д-р Циривири во своето излагање презентираше за борбата против остеопоразата, но и напомена дека “На Македонија и се потребни здраствени реформи. Здравството во Македонија е сведено на многу ниско ниво, здраствен систем веќе воопшто и да не постои каде што докторите и пациентите се деградирани.” Тој посочи и дека “Подобро е болеста да се превенира на време, отколку пациентите подоцна да плаќаат огромни суми и да чекаат долго време за нивно лекување.”
На крајот Д-р Циривири и Д-р Панајотовиќ Радевска остварија средба лице во лице со граѓаните, каде што им понудија совети и препораки, но и ги слушнаа нивните проблеми поврзани со македонскиот здраствен систем и услуги.