Македонија
Од утре потопло време, во попладневните часови пороен дожд

Под влијание на топла и нестабилна воздушна маса од Медитеранот, од утре до сабота следува период на топло време со значителен пораст на температурата на воздухот. Претпладне ќе биде сончево, а во попладневните и вечерните часови наместа ќе биде нестабилно со пороен дожд и грмежи, информира УХМР.
Локално процесите ќе бидат во форма на невреме и ќе има појава на град и засилен ветер. Особено поинтензивни процеси на повеќе места ќе има в сабота.

Извор: УХМР
Денеска ќе биде сончево со мала до умерена локална облачност. Попладне во западните планински предели е можна појава на краткотраен дожд. Ќе дува слаб, а по должината на Повардарјето умерен ветер од југоисточен правец. Максималната температура ќе биде во интервал од 18 до 24 степени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за тешки товарни возила на Стража и патниот правец Маврово-Дебар

Поради врнежи од снег воведена е забрана за сообраќај за тешки товарни возила на патниот правец Гостивар – Кичево преку планинскиот премин Стража.
Како што соопшти АМСМ, забраната важи и за патниот правец крак Маврово – Дебар и е воведена од 15.25 часот.
Македонија
Ние сме дел од ВЛЕН, ќе се трудиме до крај да најдеме решение, ако не сами ќе одиме на избори, рече Таравари

Случувањата во овој момент во политиката се динамични и треба да се носат разумни одлуки, кажа Арбен Таравари пред почетокот на партиското собрание на Алијанса за Aлбанците во Гостивар.
На прашање околу коалицирањето со останатите партии на Aлбанците во Македонија, Таравари рече дека се коалициски партнери.
„Ние сме дел од ВЛЕН, ќе се трудиме до крај да најдеме решение, ако не сами ќе одиме на избори“, рече Таравари.
Тој потврди дека со Изет Меџити имале средба пред четири дена. Вели дека разговорот бил конструктивен и траел речиси два часа.
Тараври, исто така, потврди дека имал и средба со лидерот на опозициската ДУИ, Али Ахмети, кога се сретнал со претседателот на Република Албанија, Бајрам Бегај.
„На таа срдба само се поздравивме, како што налага однесувањето во такви прилики. Јас со секој политичар би се поздравил освен со лидерот на Левица“, истакна Таравари.
Меѓу новостите беше и доаѓањето на Исен Шабани, актуелен градоначалник на општина Врапчиште кој доскоро беше и потпретседател на партијата во крилото на Зијадин Сеља.
Шабани одговорајќи на новинарски прашања за неговото присуство и можно кандидирање на претстојните избори рече дека планира да биде независен кандидат и да бара поддршка од крилото Таравари.
„Денес собрав храброст да ги отстранам сите дилеми за АА и да биде што е можно повеќе обединета“, изјави тој.
На дневен ред пред партиските членови е дикусија за актуелната политичка состојба, за локалните избори, а донесена е и декларација за трагедијата во Кочани.
Македонија
Одземени 10 возила поради предизвикување голема бучава и т.н. диви трки во Скопје

На 06.04.2025 во СВР Скопје било пријавено дека на бул. „Трета македонска бригада“, се одвиваат т.н. диви трки со патнички моторни возила кои предизвикуваат голема бучава. Веднаш по пријавата од страна на Одделението за безбедност на патниот сообраќај при СВР Скопје преземени се мерки и активности, при што истите се сопрени и привремено се одземени 10 патнички моторни возила поради основано сомнение за техничка неисправност на возила. Истите ќе бидат однесени во станица за технички преглед каде од страна на стручни лица ќе се утврди дали возилата се технички исправни и дали ги исполнуваат условите за учество во сообраќајот.