Македонија
Општина Аеродром се вклучи во одбележувањето на Денот на европска соработка
Општина Аеродром се вклучи во одбележувањето на Денот на европска соработка преку настани организирани од Центарот за климатски промени и Министерството за животна средина и просторно планирање.
Петтооделенци од училиштето „Александар Македонски“ ја посетија станицата за мониторинг на квалитетот на воздухот во населбата Лисиче. Тие се информираа на кој начин се мерат загадувачките супстанци и како овие податоци се пренесуваат во центрите задолжени за нивна обработка. Исто така, ученици од „Блаже Конески“ посетија погон на фабрика, каде освен со процесот за производство на чаеви се запознаа и со историјатот на бар-кодовите.
Одбележувањето на Денот на европска соработка се организира седма година по ред во цела Европа во координација на Европската комисија за соработка со Комитетот на регионите и Европскиот парламент. Целта на оваа кампања е да се презентираат достигнувањата на соработката меѓу европските држави и региони пред пошироката јавноста.
Фотографиите и видеоматеријалите од настаните ќе бидат прикажани на завршниот настан на 12 октомври во Дојран во организација на Министерството за локална самоуправа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лога: Непочитувањето на уставното име на државата ја прави ништовна заклетвата на Силјановска
Непочитувањето на уставното име на државата ја прави ништовна заклетвата на Гордана Силјановска-Давкова, реагира министерот за правда, Кренар Лога.
„Или повторување на постапката или функцијата претседател на државата треба да ја преземе Јован Митревски (претседател на собрание), како В.Д.“, порача Лога.
Гордана Силјановска-Давкова денес положи заклетва во Собранието за претседател на државата без да употреби Северна Македонија, по што грчката амбасадорка ја напушти пленарната сала во знак на протест.
Македонија
Силјановска-Давкова ја презеде претседателската функција од Стево Пендаровски
Гордана Силјановска-Давкова со највисоки државни и воени почести ја презеде функцијата претседател на државата од Стево Пендаровски во „Вила Водно“.
Таа претходно беше во Собранието каде што даде свечена заклетва за совесно и одговорно извршување на должноста.
Силјановска потоа се обрати пред пратениците, каде повика на единство, истакнувајќи дека ќе биде претстедателка на сите партии и сите граѓани, а говорот им го посвети на жените, сугерирајќи дека ќе биде инспирација за нивно учество во политичкиот живот.
Од денес почнува нејзиниот петгодишен претседателски мандат. Таа е шести претседател, и прва жена која се здобила со оваа функција од осамостојувањето на државата.
Македонија
(Видео) Заклетвата на Силјановска-Давкова во која не употрeби „Северна“
Гордана Силјановска-Давкова денес положи заклетва во Собранието за претседател на државата без да употреби Северна Македонија, по што грчката амбасадорка ја напушти пленарната сала во знак на протест.
Во продолжение, видеото од заклетвата.