Македонија
Општина Аеродром: Сите нови објекти кои се градат се во согласнот со урбанистичките планови

Митевски и ВМРО-ДПМНЕ лажат и со тоа уште еднаш ја докажуваат безидејноста на новото партиско раководство, реагираат денеска од општина Аеродром на обвинувањата од претставникот на опозициската партија, Дејан Митески, кој рече дека во скопската општина тајно се предвидува изградба на 4 нови станбени блокови со површина од над 90.000 м2 површина.
Од општина Аеродром истакнаа дека ВМРО-ДПМНЕ пласира лаги и неосновани сомневања, притоа користејќи вокабулар кој, како што велат, не доликува на најголемата опозициска партија.
„ДУПИ17 беше донесен законски, а постапката е започната уште во 2016 година. Се работи за потегот паралелно со булевар Трета македонска бригада, односно од зградата на ‘Американ колеџ’ до зградата на ‘Технометал Вардар’, кој со претходниот ГУП бил организиран со лесна и незагадувачка индустрија, што довело до несоодветна уреденост на просторот“, стои во општинското соопштение.
Оттаму додаваат дека на оваа локација има постоечки објекти од минатиот век, кои се целосно запуштени.
„Новиот ДУП, кој е сега усогласен со актуелниот ГУП, ќе овозможи замена на старите со модерни деловно – станбени објекти и соодветно уредување на просторот, односно изградба на нови улици и зелени површини. Инаку, согласноста од Министерството за транспорт и врски пристигна во Општина Аеродром непосредно пред одржување на 10-та седница на Советот. Според закон, градоначалникот е обврзан во рок од 3 дена од пристигнување на оваа согласност, односно на првата следна седница на Советот на општината, да го стави на гласање секој ДУП за кој е добиена оваа согласност“, велат од општина Аеродром.
Истакнуваат и дека времето на криминално работење и шверцерско носење ДУП-ови поминало.
„Новото раководство на Општина Аеродром работи согласно законот и според приоритетите на граѓаните. Токму затоа, урбанистичките планови кои се работат се во насока на уредување и развивање на помалку урбанизираните делови на Општината. Наша цел е да го заштитиме урбаното јадро од нови маркици и да овозможиме развој и квалитетен живот во секој дел од Општина Аеродром“, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Марш на ангелите во Кочани: Ако нема правда за ангелите, за нивните родители и семејства, нема да има за никој

Правда мора да има, ако не ќе поставиме шатори пред судот и полицијата и нема да дозволиме никој да влегува. Ако нема правда за ангелите, за нивните родители и семејства, нема да има за никој. Ова го порача поддржувач на родителите чии деца загинаа на 16 март во дискотеката „Пулс“ во Кочани.
Тој од својата инвалидска количка го предводеше осумнаесетиот марш на ангелите. Зборувајќи пред Основниот суд во Кочани, ја обвини полицијата дека дваесет минути на влезот во градот, кај ресторанот „Национал“, држела луѓе од други општини затоа што доаѓале да ги подржат кочанчани.
– Без никакво образложение легитимирале, претресувале. И порачувам на цела Влада – помеѓу тие луѓе нема ниту еден терорист, ниту еден нарко дилер, ниту еден криминалец. Тоа се луѓе со душа и срце. Зошто се прави таков притисок, се обидувате ли нешто да скриете. Истрагата „терајте“ ја како што треба. Родителите на починатите веќе немат солзи во очите, изјави поддржувачот на родителите.
Осумнаесетиот марш на ангелите вечерва се одвиваше по истата маршрута како и претходно: Парк на Револуцијата, кафуле „Класик“, Општина, УЈП, полиција, суд, со тоа што вечерва немаше свирежи пред споменатите институции.
Родителите беа доста тивки. Сестра на починато момче во пожарот во „Пулс“ само потсети дека денеска, 16 август, навршија пет месеци откако на 16 март 62 лица ги загубија своите животи.
Македонија
Пожарот што зафати дел над селото Лојане, Општина Липково, во голем дел е локализиран и изгаснат

Пожарот што зафати дел над селото Лојане, Општина Липково, во голем дел е локализиран и изгаснат. Селото е целосно заштитено, а интензитетот на горењето во појасот на боровата шума значително е намален, информира вечерва директорот на Центарот за управување со кризи (ЦУК) Мухамед Али.
Со отворањето на патот за пристап, како што наведува, се овозможи пешадиско дејствување на екипите на „Национални шуми“, што значително придонесе кон ограничување на ширењето на огнот.
– Во акцијата беа ангажирани хеликоптер Бел-412 на МВР, две екипи на Територијалната противпожарна единица Куманово со соодветни противпожарни возила, како и екипи на „Национални шуми“ – Подружница Куманово со специјализирани возила за шумски пожари. Активно учество зема и месното население, чија помош беше од големо значење. Како директор на Центарот за управување со кризи, лично ги координирав активностите на терен, осигурувајќи соработка меѓу институциите и брза реакција за заштита на животите и имотот на граѓаните. Благодарност до сите учесници за професионалниот ангажман и посветеност, нагласи Али.
ЦУК соопшти дека вечерва до 18:00 часот на територијата на цела држава има вкупно 19 пожари на отворен простор, од кои четири се активни, а 15 се изгаснати. Освен пожарот во селата Лојане и Табановце, активни пожари има и во повеќенаменското подрачје „Јасен“, во општина Јегуновце, меѓу селата Рогачево, Јажинце, Долно Орешје, каде се зафатени пасишта и мешана шума и во кумановското село Черкези.
Македонија
На Табановце се чека 40 минути

Зголемена е фреквенцијата на возила во земјава. На граничниот премин „Табановце времето на чекање за излез е околу 40 минути, додека на останатите гранични премини од македонска страна нема подолги задржувања при влез или излез од државата.
Како што информира АМСМ, сообраќајот на државните патишта се одвива непречено, по суви коловози, а интензитетот на патиштата надвор од градските средини е зголемен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.