Македонија
Општина Кисела Вода го одбележа Светскиот ден на учителите
Со пригодна свеченост, Општина Кисела Вода денеска даде свој придонес во одбележувањето на Светскиот ден на учителот. На настанот на кој присуствуваа градоначалникот Филип Темелковски, советници од Советот на Општина Кисела Вода, раководителот на секторот за образование, предучилишно воспитување, култура и спорт, директори и наставници од основните училишта на територија на општината и повеќе гости, се зборуваше за важноста на учителот во формирањето на личноста на учениците, за одговорноста со која се соочува преку подготовката што тој им ја прави за светот кој тие ќе треба да го обликуваат и движат.
,,Најпрво, сакам да го честитам 5 Октомври, Светскиот ден на учителот. До сите наставници од општина Кисела Вода во овој момент сакам да упатам порака – да соработуваме заедно бидејќи Општината сака да биде партнер на образованието. Сите работи што ќе ги правите сакам да ги правиме заедно со вас – директорите и наставниците. Да изградиме заедно едно модерно општество, да изградиме младина со која ќе се гордееме во иднина. Откако ќе ни завршат мандатите на сите нас, да можеме да се завртиме и да речеме – ова се нашите ученици, луѓето кои ќе донесат промени во општината и во државата.
Како општина вложуваме во многу во почитувањето на личноста и интегритетот на наставниците. Во таа насока се и промените што ги направивме со кои сакаме да го стимулираме наставниот процес и со кои очекувме дека ќе го подобриме наставниот процес и ќе креираме младина со која сите ќе се гордееме. Уште еднаш, ви го честитам Светскиот ден на учителот и се надевам дека заедно ќе ги направиме успешните реформи. Ви благодарам за соработката и ви посакувам успешна понатамошна работа”, истакна во своето обраќање градоначалникот Темелковски.
Во рамки на одбележувањето на 5 Oктомври, беа доделени и благодарници на наставниците со најдолго работно искуство во воспитно-образовниот процес во основните училишта на територија на општина Кисела Вода.
Благодарници добија:
-Марина Милеска од ООУ „Невена Георгиева Дуња”, наставник по географија со 35 години и 10 месеци работно искуство;
-Драга Филовска oд ООУ „Кирил Пејчиновиќ”, одделенски наставник со 36 години и 11 месеци работно искуство;
-Билјана Јовановска oд ООУ „Партенија Зографски”, одделенски наставник со 37 години и 11 месеци работен стаж;
-Тасиќ Риса oд ООУ „Рајко Жинзифов”, наставник по техничко образование со 38 години работно искуство;
-Надица Христовска oд ООУ „Кузман Јосифовски Питу”, наставник по математика со 39 години и 3 месеци работен стаж;
-Елица Илиоска oд ООУ „Св. Климент Охридски”, одделенски наставник со работно искуство 41 година и 5 месеци;
– Добри Јованчов oд ООУ „Круме Кепески”, наставник по хемија со 41 година и 9 месеци работен стаж;
– Снежана Цветаноска oд ООУ „Кузман Шапкарев”, наставник по биологија со работно искуство 43 години и 1 месец, која воедно е и наставник со најдолг стаж во воспитно-образовниот процес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.