Македонија
Општина Кисела Вода ќе започне кампања за поголема безбедност на учениците во училиштата

Во понеделник, со започнување на новата учебна година, Општина Кисела Вода ќе започне кампања за поголема безбедност на учениците во училиштата кои се под нејзина надлежност.
Оваа кампања локалната самоуправа ќе ја спроведе во соработка со СВР Скопје – одделение за превенција, ПС Драчево и ПС Кисела Вода.
Активностите ќе се реализираат на тој начин што на родителите и учениците во училиштата ќе им се дели пропаганден материјал со едукативна содржина.
Кампањата за поголема безбедност во училиштата ќе започне во ОУ „Рајко Жинзифов“ – Драчево со почеток во 8.30 часот каде што претседателот на Советот на Општина Кисела Вода Дарио Шимиќ, претставници од ПС Драчево и СВР Скопје – одделение за првенција на учениците и родителите ќе им поделат едукативен материјал.
Додека, градоначалникот на Општина Кисела Вода Филип Темелковски во 9.30 ќе биде присутен во ОУ „Кирил Пејчиновиќ“, каде што заедно со претставници од ПС Кисела Вода и СВР Скопје – одделение за превенција ќе ги поздрават учениците, ќе ги едуцираат и ќе им поделат едукативен материјал. Дел од оваа едукативна кампања ќе биде и секретарот на општината Александар Алексовски, кој заедно со претставници од ПС Кисела Вода и СВР Скопје – одделение за превенција во 11 ќе бидат дел од кампањата во ОУ „Круме Кепески“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Поради снег и паднати дрва, во прекин сообраќајот на патот Никфорово – Леуново

Сообраќајот на регионалниот пат Никфорово – Леуново е во прекин поради врнежи од снег и паднати дрва на коловозот, се интервенира за негово расчистување, соопшти АМСМ:
Сообраќајот на регионалниот патен правец Бунец – Леуново од 17.00 часот е нормализиран.
Сообраќајот на државните патишта се одвива непречено, по влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре променливо облачно со сончеви периоди , утринските температури ниски, дневната до 15 степени

Времето утре, променливо облачно со сончеви периоди. Ќе дува слаб до умерен ветер од северен правец, поизразен долж Повардарието. Минималната температура ќе биде во интервал од -1 до 5, а максималната ќе достигне од 8 до 15 степени.
Во Скопје, променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 12 степени.
Во недела утрото ќе биде ведро и студено со ниски утрински температури, кои наместа ќе се спуштат под нула степени. Во текот на денот ќе преовладува сончево и потопло време со мала до умерена облачност, која кон крајот на денот ќе се зголемува. Во текот на ноќта и во понеделник ќе има повремени локални врнежи од дожд. До среда ќе дува умерен до засилен северен ветер, а температурите ќе се задржат под просекот за овој период од годината.
Македонија
Мицкоски-Мацут: Србија е искрен партнер и пријател со кого ја споделуваме визијата за стабилен, безбеден и просперитетен Балкан

Премиерот Христијан Мицкоски, денес во Владата оствари средба со премиерот на Република Србија, Ѓуро Мацут, кој престојува во официјална посета на нашата земја.
Двајцата премиери разговараа за унапредување на билатералните односи, економската соработка и инфраструктурното поврзување.
Акцент беше ставен и на трговската размена, заедничките енергетски проекти и олеснувањето на движењето на луѓе и стоки.
Мицкоски истакна дека Србија е искрен партнер и пријател, со кого ја споделуваме визијата за стабилен, безбеден и просперитетен Балкан.
Мацут изрази поддршка за реформските процеси во државата и нагласи дека Белград и Скопје ќе продолжат да соработуваат на заеднички проекти кои се во интерес на граѓаните на двете земји.
Двете страни се согласија дека продлабочувањето на пријателските врски меѓу двете држави претставува значаен придонес за регионалната стабилност и европската перспектива на Западен Балкан.