Македонија
Општина Чаир добива 8,7 милиони евра за инфраструктурни проекти

Во просториите на Општина Чаир се одржа прес-конференција на која беше презентирана програмата на инфраструктурни проекти планирани за 2025 година, кои се дел од финансиската поддршка распределена од Владата за единиците на локалната самоуправа.
Беше истакнато дека вкупната вредност на инфраструктурните проекти за 2025 година изнесува околу 8.7 милиони евра, додека проектите кои веќе се во реализација во населбите Дижон, Саат Кула и Серава достигнуваат вредност од над 2.7 милиони евра.
„Преку посветен визуелен материјал, присутните имаа можност одблиску да ги следат конкретните проекти кои опфаќаат модернизација на подземните мрежи, реконструкција на патната инфраструктура, изградба на едукативни објекти како детски градинки, како и создавање нови јавни простори во сите населби на општината“, велат од Општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денес повеќе делови од Скопје

Од ЕВН Македонија АД информираат дека во петок, 26 септември 2025 година, повеќе делови од Скопје и околината ќе останат без електрична енергија.
– во периодот од 08.30 до 12.30 часот, корисниците од селата Катланово и Градманци, како и корисниците од викенд населбите Месна Река и Кочкова Населба. (општина Петровец )
– во периодот од 09.00 до 11.30 часот, викендиците лоцирани кон манастирот Свети Илија, како и дел од корисниците од село Бањани. (општина Чучер Сандево )
– во периодот од 09.00 до 12.00 часот, дел од корисниците од улиците Лука Геров и Андон Кецарков. ( општина Ѓорче Петров )
– во периодот од 10.00 до 14.00 часот, корисниците од ул. Смолјани. ( општина Ѓорче Петров )
– во периодот од 11.00 до 12.00 часот, дел од корисниците од улиците Иван Цанкар и Франце Прешерн. ( општина Карпош )
Македонија
До понеделник посвежо време со повремени врнежи, локлно поројни со грмежи и ветер

Времето денес ќе биде променливо облачно и посвежо со повремени врнежи од дожд. Ќе дува умерен до засилен ветер од југоисточен правец. Локално врнежите ќе бидат поројни и пообилни (над 20 l/m²), проследени со појава на грмежи и засилен ветер. Минималната температура ќе биде во интервал од 9 до 18, а максималната ќе достигне од 17 до 24 степени.
Во Скопје, променливо облачно време со повремени врнежи од дожд. Во делови од котлината ќе биде нестабилно со пороен дожд и услови за појава на грмежи. Ќе дува умерен до засилен југоисточен ветер. Минималната температура ќе се спушти до 17, а максималната ќе достигне до 24 степени.
Под влијание на циклонска активност до понеделник времето ќе биде променливо облачно и посвежо со повремени врнежи од дожд. Локално врнежите ќе бидат поројни и пообилни (над 20 l/m²), проследени со грмежи и засилен ветер. Дневната температура ќе опадне за 8 до 10 степени во однос на денешната.
Македонија
(Видео) Нов пожар го труе Скопје: Намерно запалена депонија во Арачиново

Вечерва е подметнат пожар во депонијата близу Арачиново покрај стариот пат кон Куманово, информира Дирекцијата за заштита и спасување.
Од таму велат дека оваа депонија има ограда и влезна врата. Скопските пожарникари ја затекнале вратата на депонијата отворена, во депонијата имало фрлена поголема количина на пакуван сончоглед кој горел со силен пламен но и други горливи производи.
Најверојатно намерно запалениот сончоглед предизвикал опожарување на дел од депонијата.
Поради насоката на струењето на воздухот смрдеата од пожарот во оваа депонија најверојатно се чувствува во делови од Скопје.
Од ДЗС велат дека гаснењето ќе биде сложено бидејки обемот на зафатената површина е голем што го компликува гаснењето со вода или пена. Затоа се прави проценка на неопходноста од затрупување и на оваа депонија која е под надлежност на Општина Арачиново.