Заменик-претседателот на Владата задолжен за европски прашања, Бујар Османи, патува во работна посета на Република Унгарија. Во текот на посетата на Република Унгарија вицепремиерот Османи ќе оствари средба со Саболч Такач, државен министер за европски работи при канцеларијата на премиерот и претставник на Република Унгарија во Европската Унија, по што ќе оствари средба и со министерот за надворешни работи и трговија, Петер Сијарто.
Од Унгарија, Османи продолжува во работна посета на Република Хрватска, каде што на 28.5.2019 година (вторник) ќе оствари средба со министерката за надворешни и европски прашања, Марија Пејчиновиќ-Буриќ, а ќе оствари средба и со претседателот на Комисијата за европски прашања во хрватското собрание, Домагој Иван Милошевиќ.

Централна тема на средбите ќе бидат европските перспективи на земјите од Западниот Балкан, интеграцијата на Република Северна Македонија во ЕУ, како и поддршката од страна на Унгарија и Хрватска за земјава во пресрет на клучните европски самити во јуни.
В четврток, 30.5.2019 година, вицепремиерот Османи ќе отпатува во работна посета во Италија, а веќе в петок, 31.5.2019 година, ќе оствари и работна посета на Белгија. Предвидено е Османи во текот на посетите да оствари повеќе средби со претставници на државниот врв од двете земји.