Македонија
(Видео) Османи: Концептот за премиер Албанец наиде на голема поддршка

Бујар Османи од ДУИ им се заблагодари на сите граѓани што решиле да гласаат во услови на пандемија.
„Сега кога гласачките кутии се затворени, да ги оставиме зад себе партиските интереси и да се обединиме за првиот премиер Албанец затоа што големото мнозинство Албанци го поддржуваат овој концепт“, изјави Османи по затворањето на избирачките места.
Тој очекува голема изборна победа на ДУИ и концептот за прв премиер Албанец.
„Бројката на одѕивот е силен знак за нашата демократија. Сакаме да им оддадеме почит на ДИК и на сите луѓе ангажирани на гласачките места, на набљудувачите и активистите. Сакам да изразам благодарност до сите наши илјадници активисти, кои се посветија со цела енерија во остварување на нашиот сон“, изјави Османи.
Според него, тие ја оствариле својата изборна цел и ја довеле ДУИ во позиција да може да се избере првиот премиер Албанец.
„Им благодариме на сите граѓани што ни го дадоа гласот, ја прифаќаме оваа одговорност и ќе работиме напорно, ќе им служиме на граѓаните“, рече Османи.
Тој очекува уште утре, по верификацијата на резултатите, веднаш да почнат разговори за формирање влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре ќе се одржат внатрепартиските избори за Претседател на СДСМ

Утре ќе се одржат директните внатрепартиски избори за Претседател на СДСМ кои беа одложени поради трагедијата во Кочани.
„Социјалдемократскиот сојуз на Македонија е единствена партија којашто Претседателот го избира на непосредни, внатрепартиски избори.
Изборите ќе се спроведат во општинските организации на СДСМ ширум републиката, на 78 избирачки места, кои на денот на гласањето ќе бидат отворени од 08 до 20 часот.
Централната изборна комисија го потврди и го затвори Избирачкиот список, на кој активно регистрирани се 23.712 членови, обезбеден е избирачки материјал, паравани за тајност на гласањето, избирачки кутии, ознаки и се што е потребно за изборниот ден.
Сите активно регистрирани членови на СДСМ ќе можат да го остварат своето право на непосредно и тајно гласање за избор на Претседател во својата општина на соодветно гласачко место.
Членовите што гласаат, со себе задолжително треба да ја има електронската членска картичка на СДСМ и важечки личен документ за идентификација (лична карта или пасош).
Гласањето на болни и немоќни е овозможено, еден ден порано, односно во сабота на 05.04.2025 година.
Сите детални информации, одлуки, правилници, роковници и останати документи поврзани со внатрепартиските избори за претседател на СДСМ се достапни на веб страната на СДСМ или директно на следниот линк:
Надлежна за спроведување на гласањето е Централна изборна комисија.
Информација за резултатот ќе го соопштиме во недела по завршување на процесот на гласањето“, стои во соопштението на СДСМ.
Македонија
Министерство за здравство: 69 пациенти се на лекување во странство и нема промена во нивната состојба

Министерството за здравство информира дека во моментов 69 пациенти се на лекување во странство и нема промена во нивната состојба, во споредба со претходните денови.
Непроменета е и состојбата на пациентите во критична состојба.
Во установите во Скопје се лекуваат 15 пациенти и тоа:
– Во Хируршка клиника „Св Наум Охридски“ – 6,
– На Клиника за пластична хирургија – 4 пациенти пристигнати синоќа од странство,
– На Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски” и еден кој ноќеска е дојден од Шпанија) и еден пациент е хоспитализиран на Клиника за пулмологија.
– Во Систина се лекуваат двајца пациенти.
Сите пациенти кои се третираат во нашите установи се во стабилна состојба, известија од Министерството за здравство.
Македонија
(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното

Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири паника и манипулира пред избори, кажа денеска на прес-конференција Емил Спасовски, пратеник на ВМРО-ДПМНЕ.
„Сашко Митовски свесно ги лажеше граѓаните и на Крива Паланка и на целата држава дека загадувањето на водата во Крива Паланка со цијанид е 100-тици пати над дозволеното. Анализите кои ги објави Државниот инспекторат за животна средина го покажуваат спротивното и го демаскираат трулиот обид на Митовски да манипулира. Мизерно е како Митовски не се колебаше да манипулира со најчувстителната тема за граѓаните – безбедноста на водите и почвата, само за да шири паника и ќари некој ситен политички поен пред избори“, рече Спасовски.
Пратеникот го повика Јавното обвинителство да поднесе кривична пријава против Митовски, за ширење паника.
„Дејствијата на Митовски се дотолку поголеми што тој е носител на јавна функција, која во дел од јавноста може да создаде краткотраен привид дека тој ја говори вистината, и со тоа да предизвика огромен страв. ЈО треба да ги земе во предвид овие околности, но и стварниот ефект предизвикан од паниката која ја рашири Сашко Митовски и да поднесе кривична пријава против него“, истакна Спасовски.