Македонија
Отворено првото специјализирано училиште за ментална аритметика во Македонија

Во Македонија се отвори првото специјализирано училиште за ментална аритметика, нова модерна метода која е тренд во светот и преку која се постигнува целосен потенцијал на мозокот, се работи за најсовремена метода за стимулирање на детските способности, со што се постигнува целосен потенцијал на мозокот. „Малац генијалац“ е франшиза на 95 училишта во 8 земји, а отсега ќе има училишта и во Скопје, соопштуваат од училиштето.
„Училиштето за ментална аритметика ‘Малац генијалац’ успешно ја спроведува програмата со која на соодветен начин се стимулираат детските способности од најраниот период. Hikari 光 менталната аритметика е револуционерна програма која ги активира церебралните хемисфери со користење на алатката абакус, со што се постигнува целосен потенцијал на мозокот. Програмата дава исклучителни развојни резултати благодарение на феноменалниот јапонски метод развиен во соработка со најпознатите светски експерти“, се наведува во нивното соопштение.
Учењето се заснова на употреба на алатката за пресметување – абакус, со чија визуализација се постигнува извонредно брза пресметка, каде што децата исклучиво мислат на начинот преку кој изведуваат неколку математички операции. Научните студии докажаа дека менталната аритметика претставува најдобра обука за мозокот.
Истражувањата покажуваат дека повеќето од денешните деца имаат проблем со недоволна концентрација и внимание, а најчести виновници за ова се современиот начин на живеење и употребата на паметните уреди.
„Малац генијалац“ е франшиза со 95 училишта во 8 земји и со повеќе од 10.000 корисници и кај нас, како што се наведува во соопштението, училиштата се наоѓаат во неколку населби во Скопје, поточно во Аеродром, Центар, Кисела Вода, Карпош и Гази Баба, а часовите се одржуваат еднаш неделно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.