Македонија
Партиските тела во СДСМ на состаноци ќе го усогласуваат начинот за продолжување на разговорите со ВМРО-ДПМНЕ

Извршниот комитет и Централниот одбор на СДСМ утре на седници ќе ги разгледуваат барањата на ВМРО-ДПМНЕ за поддршка на уставните измени.
Портпаролката на СДСМ, Богданка Кузеска, на прес-конференција потврди дека Ковачевски ќе ги свика партиските тела.
„По вчерашната сдредба, имаме нови околности на политичката сцена и токму тие нови околности се повод за свикување на Извршниот и на Централниот одбор, а секако дека тема ќе бидат начинот и формата со која понатаму ќе продолжат преговорите со ВМРО-ДПМНЕ“, рече Кузеска.
На вчерашната лидерска средба ВМРО-ДПМНЕ најави дека ќе ги поддржи уставните измени ако по гласањето биде формирана широка влада во која нема да биде ДУИ, како и стапување во сила на измените во моментот кога Македонија ќе стане дел од ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја дел од Аеродром

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 14.00 часот, дел од корисниците од улиците Пандил Шишков, Вангел Тодоровски и Руди Чаевец, општина Аеродром.
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект во шахта на улицата Шекспирова бб (во близина на Тинекс маркет), општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со санација на дефектот.
Македонија
Сончево со мала до умерена облачност, температурата до 37 степени

Времето денеска ќе биде сончево со мала до умерена локална облачност. Ќе дува слаб ветер од променлив правец.
Минималната температура ќе биде во интервал од 9 до 20, а максималната ќе достигне од 28 до 37 степени.
Во Скопје, сончево со мала до умерена облачност и со слаб ветер од променлив правец.
Минималната температура ќе се спушти до 15, а максималната ќе достигне до 34 степени.
Времето во наредните денови
Во среда и четврток ќе биде променливо облачно, наместа нестабилно со пороен дожд и грмежи, локално во форма на невреме. Потоа следи стабилизирање на времето.