Македонија
„Петарди НЕ, безбедност пред се’“, превентивни активности на МВР
![](https://makfax.com.mk/wp-content/uploads/2022/12/petardi-720x480.jpg)
Полициски службеници од Секторите за внатрешни работи Скопје, Битола, Струмица, Велес, Куманово, Штип, Струмица и Тетово во текот на вчерашниот ден (22.12.) најголем дел од своите превентивни активности ги фокусираа на реализацијата на заедничката кампања на МВР и Универзитетската клиника за пластична и реконструктивна хирургија при КЦ „Мајка Тереза“, насловена како „Петарди НЕ, безбедноста пред се“, насочена кон младата популација- учениците во основните и средните училишта во насока на спречување на употребата на петарди и други пиротехнички средства, а во пресрет Новогодишните и Божикни празници.
Така, во средните училишта „Д-р Панче Караѓозов“и „Васил Антевски Дрен“ во Скопје, во „Др. Јован Калаузи“, „Јосип Броз Тито“, „Јане Сандански“, и „Таки Даскалот“ во Битола и „Наум Наумовски Борче“ во Крушево, потоа во средните училишта „Никола Карев“ и „Јане Сандански“ во Струмица, „Коста Сусинов“ во Радовиш и „Гоце Делчев“ во Валандово, како и „Перо Наков“ во Куманово беа спроведени работилници на кои што медицински лица и полициски службеници ги презентираа пред средношколците сите ризици и последици, вклучително и законските, од недозволената употреба на петарди и пиротехника. Воедно и во основните училишта: ,,Тошо Велков Пепето“ во Кавадарци, „Никола Карев” во Пробиштип, „Дедо Иљо Малешевски“ – Берово и „Ванчо Китанов“ во село Црник, пехчевско, како и во основните општински училишта „Конгреси Манастирит“ , „Тефејуз“, „Лирија“ и „Имри Елезит“ на подрачје на скопската општина Чаир денеска беа одржани работилници на истата тема со учениците од овие училишта.
Инаку, дополнително, во рамки на СВР Тетово беа организирани и средби со Советодавните групи на граѓани при локалните заедници во тетовско-гостиварскиот регион, иста така на тема незаконско употребување на пиротехника при прослави и веселби, а во Штип беше реализирана и превентивна активност од областа на заштита на граѓаните од имотни деликти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
![](https://makfax.com.mk/wp-content/uploads/2024/07/449630277_122162759648197509_1806381321720411464_n.jpg)
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
![](https://makfax.com.mk/wp-content/uploads/2024/07/mucunski-ludva-2.jpeg)
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
![](https://makfax.com.mk/wp-content/uploads/2023/04/DJI_0486.00_05_25_44.Still006.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.