Македонија
Петкова: Власта повторно го злоупотребува европското знаменце во законот за процена на лица со попреченост

Власта го предложи по скратена постапка и со европско знаменце законот за процена на лицата со попреченост. Повторно се врши злоупотреба и повторно бегање од дебата, изјави на прес-конференција, пратеничката од ВМРО-ДПМНЕ, Ангелинка Петкова.
Власта предводена од СДС и ДУИ повторно го покажа своето вистинско лице.
„Вчера, на Комисијата за труд и социјална политика се разгледуваше предлог-законот за систем за процена на лица со попреченост. Ова е потполно нов закон, со кој треба да се регулира оваа проблематика. Но, тука почнуваат проблемите. Целата процедура и идеја за носење ваков важен и нов закон е погрешна и очигледно се води со неискрена намера од страна на власта и мнозинството“, рече Петкова.
Образложи дека овој многу важен и нов закон се предлага без никаква консултација и вклученост на сите засегнати и заинтересирани страни, здруженија и организации во подготовка и носење на овој нов закон. Значи, лицата што најдиректно се засегнати со овој закон власта и мнозинството целосно ги игнорираат. Срамно и неодговорно, рече Петкова.
Пратеничката смета дека станува збор за лошо законско решение, кое нема да ги подобри условите на овие лица, туку, напротив, само дополнително ќе ги збуни, покажува и фактот што овој закон ќе стапи во сила дури 18 месеци од неговото донесување, освен одредбите од третиот дел, кој се однесува на издавање лиценци на лица блиски до оваа власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Пристигнаа првите ученички униформи, во тек е дистрибуција до сите основни училишта во Центар

Општина Центар за прв пат обезбеди училишни униформи за сите ученици во општинските основни училишта. Првите униформи пристигнаа во ООУ „Киро Глигоров“, а во тек е нивна дистрибуција до сите основни училишта на територијата на Центар, соопштија од општината.
„Денеска започна дистрибуцијата на првите ученички униформи во основните училишта во Центар. Униформите се со одличен квалитет, со лого на општината и со име на секое училиште поединечно. Во понеделник, сите ученици ќе ги добијат униформите на првиот училишен ден, верувам дека тие ќе бидат среќни и горди што ќе ја носат оваа униформа“, изјави градоначалникот Горан Герасимовски.
Со оваа активност, како што е нагласено Општина Центар го подигнува квалитетот на основното образование, што вклучува и инвестиции во училишна инфраструктура, дигитализација и безбедност.
Македонија
Мицкоски: Има раст на откупот на земјоделски производи, земјоделците со добра заработка, продолжува поддршката

„Колку повеќе произведуваме, толку помалку увезуваме. Македонија во минатото беше позната како земја производител и извозник на храна, посебно на земјоделски производи“, вели Христијан Мицкоски претседател на Владата на Република Северна Македонија одговарајќи на новинарско прашање.
Мицкоски потенцираше дека согласно Државниот завод за статистика во вториот квартал има околу 60 милиони евра повеќе споредено со она што беше во минатото.
„Во вториот квартал имаме околу 60 милиони евра повеќе споредено со она што беше во минатото. Имаме над 26-27% повеќе откупени земјоделски производи споредено со истиот период минатата година коишто како количина се за 7% повеќе споредено со истиот период лани. Земјоделците се еден од приоритетите на оваа Влада, тоа го покажавме изминативе 14 месеци. И очекувам во таа насока да продолжиме и во иднина затоа што производството на храна ни е исклучително важно“, додаде Мицкоски.
Македонија
На ГП Табановце се чека 30-ина минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори, се бележи зголемена фрекфенција на возила, на ГП Табановце времето на чекање за излез од државата е 30-ина минути, а на другите граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.