Македонија
Петровска: Се поклонувам на храброста на украинскиот народ
„Му се поклонувам на украинскиот народ кој на светот му покажа дека љубовта кон сопствената татковина е посилна од оружјето на агресорот”, рече министерката за одбрана Славјанка Петровска, во своето обраќање на денешната конференција, “Украина – Година на хероизмот“ и го потенцира отпорот, пркосот, храброста на украинскиот народ кој во изминативе 365 дена даде силен одговор на руската агресија врз меѓународно призната, суверена и независна Украина.
Министерката истакна дека оваа невидена агресија во 21 век резултираше со одлучност не само на украинскиот народ туку и на заедништво и поддршка на Европа и Северноатлантскиот Сојуз.
„Ова е година на херојство во која украинскиот народ против целосната руска инвазија на Украина покажа што може за својата татковина. Но и година на единство и сојузништво на европскиот континент. Нашето единство е нашата најголема сила. Се трудеа да нè поделат, но го постигнаа токму спротивното. Ние сме пообединети и порешителни од било кога”, рече Петровска.
Министерката порача дека Северна Македонија водејќи се од принципите на почитување на меѓународното право покажа дека е цврсто посветена на поддршката и помошта на Украина.
„Нашата помош и поддршка ќе ги има се додека Украина и Украинскиот народ не го остварат своето право, слободно да се движат и живеат на сопствената територија. Помагаме и поддржуваме затоа што силно веруваме во меѓународните принципи, но пред се на правото на живот и слобода”, истакна Петровска.
Министерката се осврна на разорните слики, уништувањето и агресијата, кои и сама ги посведочи за време на својата посета на Украина. „Вчера се вратив од Украина и во мене носам различни чувства. Ужасеност, бес и тага за тоа што го видов. Разрушени домови, уништени детски градинки, детски игралишта“ – рече Петровска.
„Ова не е само борба на Украина ова е борба за одржување на целиот меѓународен поредок, кој се заснова на правила и принципи. Слободата нема цена, исто како што нема цена и нашата поддршка и помош за Украина“ заклучи Петровска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Андоновска: Изборите фер и демократски, граѓаните низ цела Македонија со голема излезност во вториот круг
Граѓаните низ цела Македонија, во општините каде што има втор круг во голем број излегоа на гласање, истакна Викторија Андоновска од ВМРО-ДПМНЕ.
Според неа, текот на изборниот ден, во рамките на вториот круг од локалните избори за градоначалници во Македонија, минал во мирна, фер и демократска атмосфера на ниво на целата држава, во духот нa демократските вредности и принципи.
„ВМРО-ДПМНЕ, упатува благодарност до сите граѓани кои излегоа и го остварија своето уставно загарантирано право на глас во овој втор круг од градоначалничката трка за овие локални избори.
Со користење на правото на глас, граѓаните одлучуваат кому ќе му го доверат водењето на нивната општина, начинот на којшто ќе се управува истата и патот на нејзиниот развој во наредните 4 години.
Според информациите објавени од страна на ДИК, излезноста на вториот круг локални избори на ниво на цела Македонија до 13:00 часот е 18,05 %“, истакна таа.
Македонија
Герасимовски го оствари своето право на глас: повика на фер, мирен и достоинствен изборен ден
Кандидатот за градоначалник на Општина Центар и актуелен градоначалник, Горан Герасимовски, денеска заедно со сопругата го искористи своето право на глас во Дебар Маало.
Тој, повика на фер и мирни избори, нагласувајќи дека секој глас е темел на демократските процеси и на идниот развој на општината.
„Денеска, со сопругата Елена го остваривме нашето право на глас во Дебар Маало. Ги повикувам сите граѓани да учествуваат во изборниот процес, кој е темелот на демократските процеси. Верувам во фер, мирен и достоинствен изборен ден, во кој граѓаните на Центар ќе покажат висок степен на политичка култура и демократски капацитет“, вели Герасимовски.
Македонија
Димитриевски: На Куманово и на Македонија им е потребна слога, соживот и разбирање
„Им честитам на сите кои што се пласираа во вториот круг.
Верувам дека денеска и Куманово и Македонија ќе победат на еден демократски начин“, истакна денеска лидерот на Движењето ЗНАМ и кандидат за градоначалник на Куманово, Максим Димитриевски.
Порача општините и градот Скопје да ги изберат своите идни градоначалници.
„А што се однесува до Куманово, денес е прекрасен ден за гласање.
Очекувам солиден одзив нешто слично како и во првиот изборен круг, а што се однесува до волјата на граѓаните ќе ја видиме вечерва кога ќе се отворат гласачките кутии.
Јас како актуелен градоначалник во оваа прилика само ќе апелирам дека на Куманово и на Македонија им е потребна слога, соживот, разбирање и да продолжи во континуитет да се развива, бидејќи нашиот град тоа го заслужува“, кажа Димитриевски.

